খা-নোংপোক থংবা বে ওফ বেঙ্গলগী মথক্তা লৈবা লো প্রেসর এরিয়া অসিনা খা-নোংপোকথংবা বে ওফ বেঙ্গলগী মথক্তা দিপ্রেসন শেম্লক্তুনা ঙসি মে ১৬, ২০২০গী অয়ুক পুং ৫.৩০ (আই.এস.তি.) তাবা মতমদা পরাদিপ (ওরিশা)দগী খারোমদা কি:মি: ১১০০, দিঘা (ৱেস্ত বেঙ্গল)দগী খারোমদা কি:মি: ১২৫০ অমসুং খেপুপরা (বঙ্গলাদেশ)তগী খা-খানোংচুপলোমদা কি:মি: ১৩৩০রোম চৎলগা লৈবা লেতিচুদ ১০.৪^০এন অমসুং লোঙ্গিচুদ ৮৭.০^০ইগী মপাদা লৈরি‍ হায়না ঙসি ইন্দিয়ন মেতিওরোলোজিকেল দিপার্তমেন্তকী সাইক্লোন ৱার্নিং দিভিজননা ফোঙদোকখ্রে‍। মসি ঙসি নুমিদাংৱাইরম ফাওবদা সাইক্লোনিক স্তোর্ম ওইনা থুনা ওনলকপা অমদি মতুং তারকপা পুং ২৪গী মনুংদা শাথিবা সাইক্লোনিক স্তোর্ম অমা ওল্লকপা য়াবগী ওইথোকপা লৈ‍। মসি মে ১৭ ফাওবা অৱাং-অৱাং নোংচুপলোমদা চৎলবা য়াই অমদি মে ১৮দগী ২০ ফাওবা অৱাং-নোংচুপ বে ওফ বেঙ্গলদগী ৱেস্ত বেঙ্গললোমদা মফম শিনবা থুংনা অৱাং-অৱাং নোংপোক মায়কৈরোমদা চৎখিবা য়ারি‍।

মখাগী তেবল অসিদা ফোরকাস্তকী লম্বী অমদি কনবগী চাং পীরিঃ

চেকশিনৱাঃ

(১) নোংজু (অন্দমান অমসুং নিকোবার ঈথৎকী মথক্তা):

মে ১৬তা অন্দমান অমসুং নিকোবার ঈথৎকী মফম অয়াম্বদা অপাবদগী ময়ায় ওইরপ তৌবা অমদি মফম খরদা অকনবা নোংজু লৈবা য়াই‍।

নোংজু (ওরিশা অমদি গেঞ্জেতিক ৱেস্ত বেঙ্গল):

মে ১৮দা ওরিশাগী সমুদ্র মপানগী মফমশিংদা ময়ায় ওইরপ তৌবদগী মফম খরদা অকনবা নোংজু লৈবা য়াই অমদি মে ১৯দা মফম খরদা অকনবদগী য়াম্না কনবা অদুগা মে ২০, ২০২০দা অৱাংথংবা ওরিশাগী সমুদ্র মপানগী মফমশিংদা য়াম্না কনবা নোং চুরবা য়াই‍ । মে ১৯দা গেঞ্জেতিক ৱেস্ত বেঙ্গলগী সমুদ্র মপানগী দিস্ত্রিকশিংদা ময়ায় ওইরপ তৌবদগী মফম খরদা অকনবা নোং অমদি মে ২০দা মফম খরদা অকনবদগী য়াম্না কনবা অদুগা মফম খরদনা কা হেন্না কনবা নোং চুরবা য়াই‍।

(২) নুংশিৎকী চেকশিনৱা

মে ১৯গী অয়ুক্তগী ওরিশাগী সমুদ্র মপানগী পরেংদা অদুগা ১৯গী নুংথিলদনা ৱেস্ত বেঙ্গলগী সমুদ্র মপান মরেং অমসুং মুং চঙশিনবা মফমশিংদা পুংদা কি.মি. ৪৫দগী ৫৫ ফাওবা গস্ততা ৬৫ ফাওবা য়ৌবা শাথিবা নুংশিৎ শিৎলবা য়াই‍। মে ২০গী অয়ুক্তা ওরিশা অমদি ৱেস্ত বেঙ্গলগী সমুদ্র মপান পরেং অমসুং মনুং চঙশিনবা মফমশিংদা নুংশিৎকী খোঙজেল অসি তপ্না তপ্না পুংদা কি.মি. ৬৫দগী ৭৫ ফাওবাগী চাং য়ৌরক্তুনা কা হেন্না শাথিবা নুংশিৎকী খোঙজেল য়ৌরক্কনি‍। মসিগী মতুংদা তপ্না তপ্না হেনগৎলক্কনি‍।

লাক্কদৌরিবা পুং ৪৮সিগী মনুংদা অন্দমান সমুদ্রগী মথক্তা পূংদা কি.মি. ৪৫দগী ৫৫ফাওবা য়ৌবা শাথিবা নুংশিৎ শিৎলবা য়াই‍।

বে ওফ বেঙ্গলকী খা-নোংপোক অমদি মসিগা তাইনবা খা-নোংচুপ থংপা মফমদা পূংদা কি.মি. ৪৫দগী ৫৫ ফাওবা গস্ততনা ৬৫ য়ৌবা শাথিবা নুংশিৎ শিৎলবা য়াই‍। মে ১৭গী অয়ুক্তা বে ওফ বেঙ্গলগী নোংপোক-ময়ায় অমদি মসিগা তাইনবা নোংচুপ-ময়ায়থংবা মফমশিংদা পুংদা কি.মি. ৯০-১০ গস্ততনা ১১০ ফাওবগী চাংদা, ১৮গী অয়ুক্তা ময়ায় থংবা বে ওফ বেঙ্গলগী মখা থংবা শরুক্তা পুংদা কি.মি. ১৫৫-১৬৫ গস্ততনা ১৮০ ফাওবা, অমদি ২০গী অয়ুক্তা অৱাংথংবা বে ওফ বেঙ্গলগী শরুক্তা পুংদা কি.মি. ১৬০-১৭০ গস্ততনা ১৯০ ফাওবা য়ৌরবা য়াই‍।

(৩) সমুদ্রগী ফীভম

মে ১৬কী নুংথিলফাওবা বে ওফ বেঙ্গলগী খা থংবা অমদি মসিগা তাইনবা ময়ায় থংবা শরুক অমসুং অন্দমান সমুদ্রগী ফীভম ইপোম য়াম্না কনগনি‍। মে ১৬গী নুমিদাংৱাইরমদা বে ওফ বেঙ্গলগী খা-নোংচুপ অমদি মসিগা থংনবা ময়ায় থংবা শরুকশিংদা ইপোম কনগনি, মফমসিমক্তদা ১৭গী অয়ুক্তা য়াম্না কনগনি‍। মসিনা ময়ায় থংবা বে ওফ বেঙ্গলগী খাথংবা শরুক্তা ১৮দা, ময়ায় থংবা বে ওফ বেঙ্গলগী অৱাংথংবা শরুক্তা ১৯দা অমদি অৱাংথংবা বে ওফ বেঙ্গলদা মে ২০, ২০২০দা অঙকপা মওংদা কনখৎলক্কনি‍‍।

(৪) ঙামীশিংগী চেকশিনৱা

ঙামীশিংদা খা থংবা বে ওফ বেঙ্গলদা ইং ২০২০গী মে ১৬তগী ১৭ফাওবা, ময়ায় থংবা বে ওফ বেঙ্গলদা মে ১৭তগী ১৮ ফাওবা অমদি অৱাং থংবা বে ওফ বেঙ্গলদা মে ১৮দগী ২০ ফাওবা চত্থোক্তনবা পাউতাক পীরি‍।

অদুগা ঙামীশিংদা মে ১৮দগী ২০ ফাওবগী মনুংদা অৱাং ওরিশা, ৱেস্ত বেঙ্গল অমদি মসিগা তাইনরিবা বঙ্গলাদেশগী সমুদ্র মপান পরেং অমসুং চত্থোকখিবা অৱাং থংবা বে ওফ বেঙ্গলগী মফমশিংদা চত্থোক্তনবা পাউতাক পীরি‍।

সিস্তেম অসিদা অপদেৎশিংগীদমক্তা www.rsmcnewdelhi.imd.gov.in অমদি www.mausam.imd.gov.inদা চংবীয়ু‍।

****