২০১৯-২০গীদমক্তা ওইবা মপুং ওইবা মহৈ-মরোংশিংগী পোত্থোক্কী অহুমশুবা অহানবা চাউরাকপা মশিং অদু এগ্রিকলচর, কোওপরেসন অমসুং লৌমীশিংগী য়াইফ-থৌরাংগী দিপার্তমেন্তনা ঙসি থাদোখ্রে। লৈবাক অসিদা নোংজু থা মনুংদা  (২০১৯গী জুনদগী সেপ্তেম্বর ফাওবদা) অপুনবা নোং চুবগী চাং অসি লোনগ পেরিয়দ এভরেজ  (এল.পি.এ.)দগী ১০% হেনখি। মসিগী মতুং ইন্না লৌঊ-শিংউগী চহি ২০১৯-২০গী ওইনদি অয়াম্বা মহৈ-মরোংশিংগী পোত্থোক অসি  মখোয়গী মহৌশাগী ওইবা পোত্থোক্তগী চাউরাকপা মশিংদগী হেনগনি হায়না থাজনরি। থাজনরিবা চাউরাকপা মশিং অসি মতমগী মতুং ইন্না থোরক্লিবা ই-পাউশিং অসিগী তশেংবা অমা নীংথিনা য়েংশিনবগী মখা পোল্লি।

অহুমশুবা অহানবা চাউরাকপা মশিং অদুগী মতুং ইন্না ২০১৯-২০গী মনুংদা মপুং ওইবা মহৈ-মরোংশিং পুথোকপগী চাউরাকপা মশিং অদুদি:

• হৱাই-চেংৱাইশিং- ২৯৫.৬৭ মিলিয়ন তন  (রেকোর্দ)
  • চেং-  ১১৭.৯৪মিলিয়ন তন (রেকোর্দ)
  • গেহু- ১০৭.১৮ মিলিয়ন তন (রেকোর্দ)
  • ন্যুত্রি/ অপৌবা হৱাই-চেংৱাইশিং –৪৭.৫৪ মিলিয়ন তন (রেকোর্দ)
  • চুজাক –২৮.৯৮ মিলিয়ন তন (রেকোর্দ)
  • হৱাই মরু –২৩.০১ মিলিয়ন তন
  • তুর –৩.৭৫ মিলিয়ন তন
  • চনা –১০.৯০ মিলিয়ন তন
    • থাও শুংনবা মরুশিং –৩৩.৫০ মিলিয়ন তন (রেকোর্দ)
      • নুং হৱাই ১২.২৪ মিলিয়ন তন
      • হঙ্গাম মরু মখল অমা অমসুং হঙ্গাম –৮.৭০ মিলিয়ন তন
      • লৈবাক হৱাই –৯.৩৫  মিলিয়ন তন

• লাশিং –৩৬.০৫ মিলিয়নবেল (বেল অমদা কে.জি. ১৭০)। (রেকোর্দ)
• লিমোন অমসুং মেস্তা –  ৯.৯২ মিলিয়নবেল (বেল অমদা কে.জি. ১৮০)।
• চু –৩৫৮.১৪ মিলিয়ন তন

২০১৯-২০গীদমক্তা ওইবা অহুমশুবা অহানবা চাউরাকপা মশিং অদুগী মতু ইন্না, লৈবাক অসিগী অপুনবা হৱাই-চেংৱাইগী পোত্থোক অসিগী চাউরাকপা মশিং অসি ২৯৫.৬৭মিলিয়ন তনদা রেকোর্দ লৈখি মসিনা ২০১৮-১৯দা ফংবা ঙমখিবা ২৮৫.২১মিলিয়ন তনগী হৱাই-চেংৱাইশিংগী পোত্থোক অদুদগী ১০.৪৬ মিলিয়ন তনহেনখি। তৌইগুম্বসুং ২০১৯-২০গী পোত্থোক অদুনা হৌখিবা চহি মঙাদা  (২০১৪-১৫দগী ২০১৮-১৯) পুথোকখিবা হৱাই-চেংৱাইশিংগী পোত্থোক্কী চাংচৎ অদুদগী ২৫.৮৯মিলিয়ন তনহেনখি।

২০১৯-২০গী মনুংদা পুথোকখিবা চেগী অপুনবা পোত্থোক অদুগী চাউরাকপা মশিং অদু ১১৭.৯৪মিলিয়ন তনগী রেকোর্দ লৈখি। মসিনা চহি মঙাগী পোত্থোক্কী চাংচৎ ১০৯.৭৭ মিলিয়ন তনঅসিদগী ৮.১৭ মিলিয়ন তনহেনখি।

২০১৯-২০দা গেহুগী পোত্থোক অসি ১০৭.১৮মিলিয়ন তনদা রেকোর্দ তৌখি। মসিনা ২০১৮-১৯দা লৈখিবা গেহুগী পোত্থোক অদুগা চাংদম্নবদা ৩.৫৮ মিলিয়ন তনহেনখি অমসুং ৯৬.১৬মিলিয়ন তনগী চাংচত্তা গেহু পুথোকখিবা অদুদগী ১১.০২ মিলিয়ন তনহেনখি।

ন্যুত্রি/ অপৌবা হৱাই-চেংৱাইশিংগী পোত্থোক অসিগী চাউরাকপা মশিং অদু ৪৭.৫৪ মিলিয়ন তন্দা রেকোর্দ থমখি, মসিনা ২০১৮-১৯দা ফংবা ঙমখিবা ৪৩.০৬ মিলিয়ন তনগী পোত্থোক্তগী ৪.৪৮ মিলিয়ন তন হেনখি। মখাতানা, মসিনা চাংচত্তা পুথোকখিবা পোত্থোক অদুদগী ৪.৫০ মিলিয়ন তন হেনখি।

২০১৯-২০দা হৱাই-মরুগী পোত্থোক অসিগী চাউরাকপা মশিং অদু ২৩.০১ মিলিয়ন তন ওইখি, মসিনা চহি মঙাদা পুথোকখিবগী চাংচৎ ২০.৮২ মিলিয়ন তনদগী ২.১৯ মিলিয়ন তন হেনখি।

২০১৯-২০দা লৈবাক অসিদা থাও শুংনবা মরুশিংগী পোত্থোক অসি ৩৩.৫০ মিলিয়ন তন্নি, মসি ২০১৮-১৯দা পুথোকখিবা ৩১.৫২ মিলিয়ন তনদগী ১.৯৮ মিলিয়ন তন হেনখি। মখাতানা ২০১৯-২০দা পুথোকখিবা থাও শুংনবা মরুশিংগী পোত্থোক অদুনা থাও শুংনবা মরুগী পোত্থোক্কী চাংচৎ অদুদগী ৪.১০ মিলিয়ন তন হেনখি।

২০১৯-২০দা লৈবাক অসিদা চুগী অপুনবা পোত্থোক অসিগী চাউরাকপা মশিং অদু ৩৫৮.১৪ মিলিয়ন তন ওইখি।

লাশিংগী পোত্থোক্কী চাউরাকপা মশিং অসি ৩৬.০৫ মিলিয়ন বেলদা রেকোর্দ   (বেল অমমদা কে.জি ১৭০) তৌখি, মসিনা ২০১৮-১৯দা পুথোকখিবা ২৮.০৪মিলিয়নবেলঅদুদগী চাউরাকপা মশিং ৮.০১ মিলিয়ন বেলহেন্না পুথোকখি। লিমোন অমসুং মেস্তাগী পোত্থোক অসিগী চাউরাকপা মশিং অসি ৯.৯২ মিলিয়ন বেলনি  (বেল অমমমদা কে.জি. ১৮০)

অকুপ্পা ৱারোলগীদমক অসিদা ক্লিক তৌবীয়ু

****