নেস্নেল ইন্সতিত্যুত ওফ ফার্মাস্যুতিকেল এজুকেসন এন্দ রিসর্চ-গুৱাহাতী (এন.আই.পি.ই.আর.)না তমথিরবা কোবিদ-১৯গী মায়োক্তা লান্থেংননবা প্রদক্ত অনিগা শাগেন্ননা থোরকখ্রে।

অহানবা প্রদক্ত অসি অমদি স্বীৎচ বতনশিং থাবা অমদি মুত্থৎপা য়াওনা থোং, থোংনাও, দ্রোৱরশিং (অয়ুংবা অমসুং অফৈবা), রিফ্রিজিরেতরগী হেন্দল, ইলিবেতরগী বতনশিং নম্বদা, অমসুং লেপতোপ/দেস্কতোপ কিবোর্দশিং হাংদোক-হাংজিন তৌবদা তেংবাংনবা শিজিন্ননবা 3দি. হায়না থাবা হেন্দস-ফ্রী ওইবা পোৎশক অমনি। থীজিন-খোৎচিল্লিবা মীশিংনা থোরকফম কয়াদগী  খুদোংথিনীংঙাই ওইবা খলশিংদা ওন্দুনা অমসুং খুৎনা করিসু শিজিন্নদনা ভাইরস অসি মতৌ করম্না শন্দোরকপনো হায়বা মরিক চুম্না থিজিল্লবা মতুংদা 3দি. হায়না থাবা পোৎশক অসি পুথোরকপনি। ফেস শীল অসি দিজাইন তৌবদসু লাই অদুগা মসি প্রোতোতাইপ শেমগৎলকপদা য়াংহনবা য়াই। মসি মমল হোংবা, উপ্পদা লায়বা, অফবা লেংদনা কেমিকেলগী, অশোনবা নত্তবা অমসুং অরৈবা সেনিতাইজর অমসুং মহিক-মতাই হাৎনবা অলকোহোলনা লায়না শেংদোকপা য়াই। 

অনিশুবা প্রদক্ত অসি নোবেল কোরোনাভাইরস লাকশিন্নবা 3দি. হায়না থাবা এন্তিমাইক্রোবিয়ম ওইবা ফেস শীলনি। মতৌ করম্না ভাইরস অসিনা ওরেল, ওপথালমিক, ওলফেক্তরী অমসুং অতৈ কেভিতীশিংদগী শন্দোরকপগে হায়বদু নৈনরবা মতুংদা মসি দিজাইন তৌখিবনি।

এন.আই.পি.ই.আর.শিং অসি কেমিকেল অমসুং ফর্তিলাইজর মন্ত্রালয়গী মখাদা লৈবা ফার্মাস্যুতিকেল বিভাগতা সেন্তর ফোর এক্সেলেন্স ইন্সতিত্যুতনি। ইন্সতিত্যুত তরেৎনা অহেমদাবাদ, হাইদরাবাদ, হাজিপুর, কোলকত্তা, গুৱাহাতী, মোহালী অমসুং রাইবরেলীদা থবক তৌরি।

ন্যু দিল্লীদা লৈবা ফার্মাস্যুতিকেলশিংগী সেক্রতরী দা. পি.দি. ভগেলা চেয়রমেন ওইদুনা ঙরাং ভিদিও কনফরেন্স তৌদুনা থিজিনবগী থবক্তা অমসুং অনৌবা মওংদা পায়খৎপা থবকশিংদা, মরুওইনা এন.আই.পি.ই.আর.শিং অসিনা তমথিরবা কোবিদ-১৯গী মায়োক্তা লান্থেংননবা য়াওরিবা থৌওংশিং অমসুং থৌদাংশিং অদু য়েংশিন্নবা এন.আই.পি.ই.আর.শিং মীফম অমা পাংথোকখ্রে।

চেয়রমেন অমসুং দিরেক্তর পুম্নমক্না মীতিং অদুদা সরুক য়াখি, এন.আই.পি.ই.আর. গুৱাহাতীগী দাইরেক্তর দা.ইয়ু.এস.এন. মুর্তীনা এন.আই.পি.ই.আর.-জি.না চৎনবা য়াবগী অয়াবা থুনা ফংলবা  প্রোতোতাইপ/প্রদক্ত শেমগত্তুনা থবক্তা মথৌ পাংহন্দুনা কোরোনাভাইরস থেংনবদা লৈবাক অসিবু তেংবাং পীনবা হোৎনরি।

 “এন.আই.পি.ই.আর.-জি.না কান্নরবা মতেংগা কোন্ননা সোলুসনশিং ফংহন্নবা অচেৎপা ৱাফম থম্লি” এন.আই.পি.ই.আর.-জি.না উনশাগা চুনবা হর্বেল সেনিতাইজর অমসু শেমখ্রে হায়না মহাক্না হায়খি। পি.এস.ইয়ু.গী বিভাগ অমা ওইরিবা হিন্দুস্তান এন্তিবাইওতিক্স লিমিতেদ (ঐচ.এ.এল.)গী মতেংনা অনৌবা প্রদক্তশিং কয়া অমা ইন্দস্ত্রীগী থাক্তা শারি হায়নসু মহাক্না হায়খি। 

থোংশিং, থোংনাওশিং, স্বীৎস বতনশিং, ইলিভেতর বতনসিং, দ্রোৱরগী খুৎ পায়ফমশিং, রিফ্রীজিরেতরগী খুৎ পায়ফমশিং অমসুং লেপতোপ/দেস্কতোপ কিবোর্দশিং অসি য়ুমশিং, অনা লায়েংশঙশিং, ফেক্তরীশিং, কম্পনীশিং, ইন্সতিত্যুতশিং, ওর্গনাইজেসনশিং অমসুং অতৈ বিল্দিংশিংদা খ্বাইদগী মহিক-মতাই পক্কনবা পোৎশিংনি। তমথিরবা কোবিদ-১৯ থোরকপগী হৌজিক ওইরিবা ফীভম অসিদা করিসু উপ্তনা খুৎ শোক্নবদগী নত্ত্রগা শন্দোরকপা য়াবা মফমশিংদগী মসিনা লায়না পক্লবা মীওই অমদগী অমদা লায়না শন্দোকপদা মরুওইবা থৌদাং অমা লৌবা য়াই।

****