ইন্দিয়ন নেভীনা পুথোকপা মেদিকেল পর্সোনেল প্রোতেক্তিব ইক্যুইপমেন্ত (পি.পি.ই.)গী পাকশন্না য়াম্না য়াংনা পুথোক্নবগী অচৌবা খোংথাং অমা ওইনা দিফেন্স মন্ত্রালয়গী ইন্তেলেকচুৱেল প্রোপর্তী ফেসিলিতেসন সেল (আই.পি.এফ.সি)না সাইন্স অমসুং তেক্নোলোজী মন্ত্রালয়গী মখাদা লৈবা নেস্নেল রিসর্চ দিবেলপমেন্ত কোরপোরেসন (এন.আর.দি.সি.)গা খুৎশম্নদুনা মাইপাক্না পেতেন্ত অমা ফাইল তৌখ্রে।

অহোংবা মমলগী পি.পি.ই. অসি মুম্বাইগী ইন্সতিত্যুৎ ওফ নেভেল মেদিসিনদা হন্দক্তা শেমখিবা ইন্নোবেসন সেলদা থবক তৌরিবা ইন্দিয়ন নেভীগী দোক্তরশিংনা পুথোকপনি। পি.পি.ই.শিং অসিগী চাংয়েংগীদমক ওইবা অহানবা বেৎচ অমা মুম্বাইগী নেভেল দোকয়ার্দতা পুথোকখ্রে।

নেভীনা পুথোকপা পি.পি.ই. অসি মার্কেত্তা ফংলিবা অতোপ্পা পি.পি.ই.শিংদগী হেন্না অৱাংবা ‘ব্রীদেবিলিতী’ লৈবগা লোইননা ঙাকথোকপা ঙম্বগী অৱাংবা থাক লৈবা অখন্নবা ফি শিজিন্নদুনা শাখি অমসুং মসিনা মরম ওইরগা ভারত্তা লৈরিবা অশাবা অমসুং হ্যুমিদ ওইবা অইং-অশাগী ফিভম অসিগীদমক্তদি হেন্না চুনৈ। মসিগী তেক্নোলোজী অসি আই.সি.এম.আর.না অয়াবা পীরবা তেস্তিং লেবনা চাংয়েং তৌখ্রে অমসুং চৎনবা য়ারনিসু হায়খ্রে।

মসিগী অহোংবা মমলগী পি.পি.ই. অসিবু পাকশন্না পুথোকপা হৌনবা নেভী, আই.পি.এফ.সি. অমসুং এন.আর.দি.সি.গী মপুং ওইবা তীম অমনা লেংমান্ননা হোৎনরি। খোংজেল য়াংনা পি.পি.ই.শিং অসিবু পুথোক্নবগী লাইসেন্স পীরবা মসিদা মতিক চারবা ফর্মশিং অদু এন.আর.দি.সি.না খংদোকখ্রে। কোরোনা ভাইরসকী মায়োক্তা লান্থেংনবদা য়াম্না মরু ওইবা অমসুং খুদক্কী ওইনা মথৌ তারিবা অসি মমাং থাদুনা থবক তৌরিবা হেল্থ কেয়র প্রোফেস্নেলশিংবুশেল য়াম্না চংদবা অহোংবা মমলদা লমদম অসিদা পুথোকপা ঙমগদবা শিজিন্নবা নুংঙাইবা পি.পি.ই.শিংগা লোইন্না য়াওহনবা অসি মথৌ তাই। পুথোক্নবগী লাইসেন্স পীরবা অসিবু থৱায় য়াওজবা থবক ওইনা তৌনীংবা ফর্মশিং/ নৌনা হৌগৎলকপা কম্পনীশিংনা cmdnrdc@nrdcindia.com.দা য়েংবা য়াগনি।

নেভীগী ইন্নোভেতরশিংগী তীম্না মিশন রক্ষা জ্ঞান শক্তিগী মখাদা লিংখৎখিবা আই.পি.এফ.সি.গা য়াম্না নক্ননা লেংমান্ননা থবক তৌমিন্নরি। নবেম্বর ২০১৮দা মসিনা হোদোকখিবদগী,  মিশন রক্ষা জ্ঞান শক্তিগী মখাদা চাউরাক্না আই.পি. এসেৎ ১৫০০ শেমখ্রে।

****