ভগলপুর স্মার্ৎ সিতী লিমিতেদনা কোবিদ ১৯ লান্থেংনবদা অনৌবা খোথাংশিং কয়া অমা শিজিন্নদুনা সিতী এদমিনিস্ত্রেসনগী মতেং পাংদুনা লাক্লি। বি.এস.সি.এল.না লৌখৎলকপা মরু ওইবা অনৌবা খোথাংশিংদা য়াওরিবশিং অদুদি এৱ্যরনেস শন্দোক্নবগীদমক্তা ওইবা তেক্নোলোজী শিজিন্নবা, লোকদাউন তৌরিঙৈ মনুংদা এক্সপরিয়েন্স শিয়র তৌনবগীদমক্তা ওইবা অনৌবা আই.ই.সি.গী পাম্বৈশিং; শোল্লবা মীশিংগীদমক্তা লৈফমশিং লিংখৎপা অমসুং সপ্লাইশিং অমসুং অচা-অথকশিং য়েন্থোকপা অমসুং অতৈ অতোপ্পা ঙাকথোক্নবগী পাম্বৈশিং খুদম ওইনা সেনিতাইজর শেম্বা অমসুং য়েনথোকপা, মাস্ক অমসুং গ্লোবশিং য়েন্থোকপা, দিস্নফেক্সন তনেল অমসুং অতৈ অতোপ্পশিংনি।

লমজিং লমতাকপীবা অমসুং এৱ্যরনেস শন্দোক্নবগীদমক্তা আই.ই.সি.অমসুং তেক্নোলোজী শিজিন্নবা অসিনা কোবিদকী মায়োক্তা লান্থেংনবদা সিতীদা বি.এস.সি.এল.না মতেং পাংবগীদমক্তা মরু ওইবা য়ুম্ফম ওইরিবনি।

মোবাইল এপ- “মেরা ভগলপুর” অসি হৌদোকপদা বিএস.সি.এল.না মতেং পাংখি অমসুং মসি শিজিন্নদুনা এৱ্যরনেস পীবা, পোইন্ত অমখক্তদা মরু ওইবা ই-পাউশিং পীবা অমসুং লাচৎ অসিগী মনুংদা মখোয়গী থৌনা-লিংজেল ৱাংনা লৈনবা মীয়ামদা খঙহন্নবনি। “মেরা ভগলপুর” মোবাইল এপ অসিদা মখাগী মগুনশিং অসি য়াওই:

• কোবিদ ১৯ মরী লৈনবা নুংতিগী থোকপা সিতীগী অপদেৎশিং।
• কোবিদ ১৯গা লান্থেংননবা –  তৌগদবা অমসুং তৌরোইদবশিং।
• সরকারগী দিপার্তমেন্তশিংনা লাউথোকখিবা মরু ওইবশিং।
• দোক্তরশিংগী লিস্তশিং।
• সরকারগী দিপার্তমেন্তশিংগী ইমর্জেন্সী নম্বরশিং।
• ভোলুনতীয়রশিংগী লিস্ত।
• য়াম্না য়াংনা কন্তেক্ত তৌবা।
• বি.এস.সি.এল.গী  চেন্নেল।

বি.এস.সি.এল.না মীয়ামদা য়ৌহন্নবা অমসুং অচুম্বা পাউজেলশিং শন্দোকপদা শোয়্নদনবা রেদিয়ো অমসুং এফ.এম. চেন্নেলশিংগী শক্তি অদু মাইপাক্না শিজিন্নখি। বি.এস.সি.এল.গী সি.ই.ও.না হোৎনরিবশিং অসিবু লুচিংদুনা অমসুং এফ.এম.চেন্নেলশিংগী খুত্থাংদা কোবিদ- ১৯গা করম্না লান্থেংনগনি হায়বগী মতাংদা প্রজা মীয়ামদা ৱারী-ৱাতাই শারি। মসিগী মথক্তা এফ.এম. চেন্নেল, ই-রিক্সাগী খুত্থাংদা ভোইস মেসেজ শিজিন্নদুনা লেপ্তনা ৱাপাউ শন্দোকপা অমসুং ফেসবুক, য়ুত্যুব, ত্বীত্তরগী খুত্থাংদা সোসিয়েল মীদিয়া কেম্পেন তৌবনা সিতী এদমিনিস্ত্রসনদা থোক্লিবশিং অদুবু লাকশিন্দুনা থম্বদা মতেং পাংঙি অমসুং প্রজা মীয়ামদা পাখৎপা-মিপাইবা পোকহন্দবা।

“লোকদাউন কে পন্নে” হায়রিবা অসি বি.এস.সি.এল. অমসুং মাগী ঈচং-থৌবা লুচিং মখাদা লৌখৎলকখিবা আই.ই.সি.গী অনৌবা খোংথাংশিংগী মরক্তা অমনি।  বি.এস.সি.এল.না  “লোকদাউন কে পন্নে” হায়রিবা তেগলাইন অশিগা লোইননা ৱারী লিবগী সিরিজ অমা হৌদোকখ্রে, মসি লোকদাউনগী মতমদা থেংনখিবশিং অদুগী মতাংদা ওইবা অনৌবা ৱারীশিং অদুবু তাহন্নবগীদমক্তনি। ৱারী খুদিংমকনা অফবা পাউতাক অমমম য়াওই মসিনা প্রজা মীয়ামদা  মখোয়গী থৌনা-লিংজেল হন্থদনা থম্নবা, মশা-মশানা খল্লিবশিং অদুবু য়েংশিঞ্জবা অমসুং মখোয় মখোয়দা য়াওজরিবা হৈ-শিংবশিং অদুবু থিজবা, ইমুংগীদমক্তা হোমমেকরশিং /হাউসৱাইফশিংনা খৎথোকখিবশিং অদুগী থাগৎপীবা, মহৌশাগা নকশিন্না লৈনবা পুক্নীং থৌগৎপা, ইমুং-মনুংগী লৈনরিবা মরী অদুবু হেন্না চেৎশিনহনবা অমসুং ভারতকী য়াম্না ফজরবা চৎনবী অসিবু নীংথিজনা খঙবা হেনগৎহনবদা মতেং পাংগনি।

বি.এস.সি.এল.না সিতী শিনবা থুংনা চান-থক্নবা পোৎলমশিং য়েন্থোকপা অমসুং চান-থক্নবা পোৎলমশিং অসিবু য়েন্থোক্নবা সেন্তরশিং হাংদোকপদা মতেং পাংখি। লৈবাক পুম্বগী ওইনা চত্থরিবা লোকদাউন অসিনা মরম ওইরগা অর্বানগী মফমশিংদা লৈরিবা লাইরবশিং অমসুং বি.পি.এল.গী ইমুংশিংনা নোংমগী হৱাই-চেংৱাইশিং লৈবদা অৱাবশিং মায়োক্নরি অমসুং খুদক্তা মতেংগী মথৌ তাখি। ইমুং অয়াম্বা নোংমগী খুশুমল তাল্লগা হিংবা কাংবুনি। বি.এস.সি.এল.না ভগলপুর ম্যুনিসিপাল কোর্পোরেসনগী মনুং চন্না লৈবা মশক খঙদোক্লবা মফমশিং অদু শিনবা থুংনা চান-থক্নবাশিং য়েন্থোক্নবা সেন্তর ৪ হৌদোকপাদা অমসুং মসিবু নীংথিনা চলাইবদা মতেং পাংকি। মখা তানা, সিতী অসিদা লৈরিবা য়ুম-কৈশিং লৈজদবা মীয়ামশিং অদুবু মতেং পাংনবা ভগলপুর ম্যুনিসিপাল কোর্পোরেসন্না লৈফম ১০ লিংখৎখি অমসুং য়ুম-কৈ লৈজদবা মীয়ামশিং অদুদা লেম্না চান-থক্নবা অমসুং লেকফম পীখি।

বি.এস.সি.এল.না মখাতানা এন্দ সেনিতাইজরশিং পুথোকপদা মতেং পাংনবা অমসুং মসিবু সরকারগী দিপার্তমেন্তশিং, কোরোনা ৱারীয়রশিং অমসুং মফম অদুদা লৈরিবা মীশিংদা য়েনথোকখিনবা অনৌবা খোংথাংশিং লৌখৎখ্রে। ভগলপুর ম্যুনিসিপাল কোর্পোরেসন অমসুং বি.এস.সি.এল.না গ্লোবশিং অমসুং মাস্কশিং ফংহন্নবগীদমক্তা থেংনরিবা শিংনবশিং অদুবু মায়োক্ননবগীদমক মেনপাৱর অমসুং মেছিনরী মোবিলাইজ তৌখি। মসিগী মতাংদা বি.এস.সি.এল.না সরকারগী দিপার্তমেন্তশিং, কোরোনা ৱারীয়রশিং অমসুং মফম অদুদা লৈরিবা মীশিংদা মাস্কশিং অমসুং হেন্দ গ্লোবশিং য়েনথোকখি।

দিসইনফেক্সন তৌবগী অনৌবা খোংথাং অসিবু মরু ওইনা খুদোংথিনীংঙাই ওইবা মীয়ামগী মফমশিংদা শোইহন্দনা খরা হেন্না পাংথোক্নবা, বি.এস.সি.এল.না মায়াগঞ্জতা লৈবা জৱাহর্লাল নেহরু মেদিকেল কোলেজ অমসুং হোস্পিতালদা লৈরিবা হেল্থ ৱার্করশিং, লাক্লিবা পেসেন্তশিং অমসুং প্রজা মীয়ামশিংবু সেনিতাইজ তৌনবা দিসইনফেক্সন তনেল পুথোকখি অমসুং হোস্পিতাল অসিদা  পানখৎখি।

****