তুরিজম মন্ত্রালয়
তুরিজম মন্ত্রালয়না “দেখো অপ্না দেশ” সেরিজকী মখাদা ‘ওরিশা-ইন্দিয়া’জ বেস্ত কেপ্ত সেক্রেৎ’ হায়না মিংথোনবা ১৮শুবা ৱেবিনার পাঙথোকখ্রে
Posted On:
13 MAY 2020 12:55PM by PIB Imphal
‘ওরিশা – ইন্দিয়া’জ বেস্ত কেপ্ত সেক্রেৎ’ হায়না মিংথোনবা তুরিজম মন্ত্রালয়গী দেখো অপ্না দেশ ৱেবিনার সেরিজনা ইং ২০২০গী মে ১২দা শরুক য়াখিবা মীওইশিংবু ওরিশাগী ভর্চুএল খোঙচৎ অমদা পুখি। ৱেবিনার অদু দেখো অপ্না দেশ ৱেবিনার সেরিজকী ১৮শু বা ৱেবিনারনি।
ওরিশা লৈঙাক্কী সেক্রেতরী (তুরিজম) শ্রী বিশাল দেবনা ওরিশা স্তেৎকী মরমদা চাউরাকপা মশক অমা তাকপা অমদি মহাক্কী ঙল্লিঙৈ মতমগী খুন্থোক্লোন, কালিঙ্গা য়ুমশারোলগী মওংদা শাবা মমিং লৈরবা লাইশঙশিং, মহৌশাগী ফজবনা লৈতেংলবা শাংলবা সমুদ্র মপানশিং, কলা অমদি খুৎশা হৈবগী পোত্থোকশিং, নাৎ, ওরিশি, গোতিপুআগুম্বা মমিং লৈবা জগোয় মখলশিং, উমংনচিংবা মরুওইবা পুক্নীং চিংশিননীংঙাই ওইবা মচাকশিংগী মরমদা চাউরাকপা ৱাফম থম্লদুনা পীখিবা ৱাহৌদোকনা প্রজেন্তেসন অদুগী মশক তাক্তুনা পুক্নীং চিংশিনখি। মহাক্না স্তেৎ অদুনা ইকো তুরিজমগী মফমশিংবু য়োকখৎনবা পায়খৎলিবা থৌরাংশিংগী মতাংদসু পাউদমখি।
তুরিজম মন্ত্রালয়গী ৱেবিনার সেরিজগী ১৮শুবা সেসন অদু খুদোল তম্লিবা ত্রাভেল লিঙ্ক প্রাইভেৎ লিমিতেদকী মেনেজিং দিরেক্তর মিস্তর বেঞ্জামিন সাইমন অমসুং ভিরাসত ই হিন্দগী কো-ফাউন্দর শ্রী জিতু মিশ্রানা ঙল্লিঙৈ মতমগী তেক শঙলেনশিং অমদি শিংথানীংঙাই ওইরবা লাইফমশিং; মফমদুগী ত্রাইবশিং অমদি চৎনবীশিং, বুদ্ধিস্ত হেরিতেজ; কোনুংগী হেরিতেজ, লমহাংশিং; এদভেঞ্চর থৌওংশিং; সমুদ্র মপানগী মফমশিং সি ফ্রন্তশিং; য়েংবদা পুক্নীং হুরবা কেম্প তৌফমশিং, নাৎ, খুৎশা হৈবগী পোত্থোকশিং, কুম্হৈ ফিয়োংশিংগী লমদা পীরিবা ওরিশাগী নাচোমগী মতাংদা ফোঙদোকখি।
ভর্চুএল খোঙচৎ অদুনা ভিতরকনিকা ৱাইল্দলাইফ সেঙ্কচুএরী, উদয়পুর সমুদ্র মপান, মংগ্লাজোরী য়ুনিক ৱেৎলেন্দ, সাতপরা, তোপ তোপ্পা ইরাৱদী দোল্ফিন উবগীদমক শকখঙনরিবা চিলিকা পাৎ, সিম্লিপাল নেসনেল পার্ক, দেব্রিগর নেসনেল পার্ক – হিরাদুর রিজর্ভরদা লৈবা ইকোতুরিজমগী মফম, সাইলেন্ত ভেল্লী – লোকচপ, দরিবাদী নেচর কেম্প, মহানদী লোকচপ, ভেৎনোই, সমুদ্র মপানগী মফমশিং, ত্রাইবেল হেরিতেজ, কলা অমদি খুৎশা হৈবা, ফিশা লোনশা, জগোয় মখলশিং, কুম্মৈশিং অমদি অচা অথকশিংগী মতাংদা কোনশিনখি।
তুরিজম মন্ত্রালয়গী ৱেবিনার সেরিজ অসিগী পান্দমদি মীয়াম্না তোয়না চৎনদবা লমথুংফমশিং অমসুং মমিং লৈরবা লমথুংফমশিংগী মীয়াম্না খঙনবা ৱাৎলিবা মশকশিং য়াওনা ইন্দিয়াগী তোঙান তোঙানবা লমকোয় লমথুংফমশিংগী মতাংদা পাক শন্না খঙহনবা অমদি য়োকখৎপনি।
ৱেবিনার অসি শরুক য়াহৌদবা মীশিংগীদমক্তা তাঙ্কক অসি হৌজিক https://www.youtube.com/channel/UCbzIbBmMvtvH7d6Zo_ZEHDA/featuredদা ফংলে অমদি ভারত লৈঙাক্কী তুরিজম মন্ত্রালয়গী সোসেল মীদিয়া হেন্দলশিংদসু ফংলে।
ইং ২০২০, মে ১৪গী অয়ুক পুং ১১দা পাঙথোক্কদবা ৱেবিনার অসিগী মথঙগী তাঙ্কক অসিগী মমিং ‘মৈসুরু: ক্রাফত কেরাভান ওফ কর্নাতকা’ হায়না থোল্লি অমদি শরুক য়াগদবশিংনা লিঙ্ক অসিদা চঙলগা রেজিস্ত্রেসন তৌবা য়াগনি https://bit.ly/MysuruDAD
****
(Release ID: 1623510)
Visitor Counter : 203