কেমিকেল্স অমসুং ফর্তিলাইজর মন্ত্রালয়
বি.পি.পি.আই.না পি.এম.কেয়র্স ফন্দদা লুপা লাখ ২৫ হাপখ্রে
Posted On:
12 MAY 2020 5:15PM by PIB Imphal
লৈঙাক্তা কোবিদ-১৯ থেংনবদা মতেং ওইনবগীদমক্তা, মিনিস্ত্রী ওফ কেমিকেল্স এন্দ ফর্তিলাইজর্স, দিপার্তমেন্ত ওফ ফার্মাস্যুতিকেল্সকী মখাদা লৈবা ব্যুরো ওফ ফার্মা পি.এস.য়ুজ. ওফ ইন্দিয়া (বি.পি.পি.আই.)না পি.এম.কেয়র্স ফন্দদা লুপা লাখ ২৫ হাপখ্রে।
হায়রিবা শেনফমসিগী চেক মনা অমা ফার্মা সেক্রেতরী শ্রী পি.দি. ভঘেলানা কেমিকেল্স এন্দ ফর্তিলাইজর্সগী কেন্দ্র মন্ত্রী শ্রী দি.ভি. সদানন্দ গৌরাদা ঙসি ন্যু দিল্লীদা খুৎশিন্নখ্রে। থৌরম অদুদা বি.পি.পি.আই.গী সি.ই.ও. শ্রী সচিন সিংহ, জে.এস. ফার্মা শ্রী রজনীস তিঙ্গল, জে.এস. ফার্মা শ্রী নবদীপ রিনৱা অমসুং অতোপ্পা মকোক থোংবা ওফিসরশিংসু শরুক য়াখি।
শেনফম অদু বি.পি.পি.আই.গী শিন্মীশিং অমসুং জনঔশধী কেন্দ্রশিংগী মপুশিং অমদি দিস্ত্রিব্যুতরশিংনা খায়নরকপনি। প্রধান মন্ত্রী ভার্তীয় জনঔশধী পরিয়োজনা (পি.এম.বি.জে.পি.)গী মখাদা মথৌ তৌরিবা কেন্দ্রশিং অসিনা লৈবাকসিদা তঙাইফদবা সর্বিস পীদুনা লাক্লি। পি.এম.বি.জে.পি.গী ইম্প্লিমেন্তিং এজেন্সি ওইরিবা ব্যুরো ওফ ফার্মা পি.এস.য়ুজ. ওফ ইন্দিয়া (বি.পি.পি.আই.)না মখোয়গী থবক তৌরিবা মফমশিংদা ওইরিবা ফীভমশিং কুপ্না শেন্নদুনা লৈরি। প্রধান মন্ত্রী ভার্তীয় জনঔশধী পরিয়োজনা (পি.এম.বি.জে.পি.)শিংনা মখোয়না পীখিবা থাজবগী শরুক অমা ওইনা মথৌ নীংথিনা তৌদুনা বি.পি.পি.আই.না অসিগুম্লবা চিরবা তানফমসিদা মখোয়গী স্তেকহোল্দরশিং অমসুং পোৎ লৈরিবশিংগা লোয়ননা লেপমিন্নরি।
পি.এম.বি.জে.পি.দা তঙাইফদনা চঙদ্রবা য়াদ্রবা হিদাক লাংথকশিং লেপ্পা লৈতনা ফংহন্নবগীদমক বি.পি.পি.আই.না অচেৎপা ফিরেপ থম্লি। লৈরিবা অথিংবা অমদি চাংয়েংগী মতমসি লৈনা লৈনা বি.পি.পি.আই.না মার্চ ২০২০দা য়োনবা ঙমখিবা অপুনবা শেনফম লুপা করোর ৪২গা চাংদম্নবদা এপ্রিল ২০২০দা শিংথানীংঙাই ওইবা মওংদা লুপা করোর ৫২গী পোৎ য়োনবা ঙমখি। লেব রিজেন্ত অমসুং স্তেন্ত নত্তনা এন.এল.ই.এম.দা য়াওরিবা তঙাইফদবা হিদাক খুদিংমক পি.এম.বি.জে.পি.গী পোত্থোক্কী পোলাংদা য়াওবা মরম্না মায়খুম, হাইদ্রোক্সীক্লোরোক্বিন, পেরাসিতামোল অমদি এজিথ্রোমাইসিন য়াওনা দিমান্দ লৈরিবা হিদাকশিংগী স্তোক বি.পি.পি.আই.দা মরাং কায়না লৈরি। মার্চ অমসুং এপ্রিল ২০২০দা বি.পি.পি.আই.না মায়খুম লাখ ৬, হাইদ্রোক্সীক্লোরোক্বিন গুলি লাখ ৫০ য়োনখ্রে। হৌজিক ওইরিবা কৈথেলগী দিমান্দগী ফীভম য়েংলগা লাক্কদৌরিবা থা তরুক্তা স্তোক মরাং কায়না থম্নবগীদমক বি.পি.পি.আই.না হায়রিবা হিদাকশিং অসি লৈননবা ওর্দর তৌখ্রে।
অথিংবা থমখ্রবা মতুংদা পি.এম.বি.জে.কে. ৬৩০০ হেনবনা লৈবাকসিগী দিস্ত্রিক ৭২৬ কোনশিন্দুনা লৈবাক শিনবা থুংনা মথৌ তৌরি। লৈঙাক্না লৌখৎলিবা সোসেল দিস্তেন্সিংগী থৌরাং অসিবু শৌগৎলদুনা পি.এম.বি.জে.কে.দা লৈরিবা ফার্মাসিস্তশিং, হৌজিক্না “হকশেলগী লান্মী” হায়নসু খঙনরিবশিংসিনা অনাবা মীওইশিং অমদি অহল ওইরবা মীওইশিংদা মখোয়গী হিদাকশিং ময়ুমদা থিনবগী থবকসু লৌখৎলি।
******
(Release ID: 1623476)
Visitor Counter : 182