ঙাকশেল মন্ত্রালয়
বিজাগ গ্যাস লীক থেংননবগীদমক রাজ্য সরকারবু তেংবাংনবা ইন্দিয়ন এয়র ফোর্সনা তঙাই ফদন চংদগবা কেমিকেলশিং এয়রলিফ তৌখ্রে
प्रविष्टि तिथि:
11 MAY 2020 5:37PM by PIB Imphal
মে ২০, ২০২০দা ইন্দিয়ন এয়র ফোর্স (আই.এ.এফ.)না বিজাগ গ্যাস লীক লাকশিন্নবা হায়দুনা আন্ধ্র প্রদেশ সরকারদা মখোইগী হ্যুমেনিতরিয়ন এসিস্তেন্স এন্দ দিজাস্তর রিলিফ (ঐচ.এ.দি.আর.)কী শরুক অমা ওইবা খ্বাইদগী নৌবা মতেং পাংখ্রে। আন্ধ্র প্রদেশ সরকারগী ইন্দস্ত্রী অমসুং কম্মর্স বিভাগনা হায়জরকপদা য়ুম্ফম ওইদুনা আই.এ.এফ.না বিজাগ, আন্ধ্র প্রদেশকী এল.জি. পোলীমরগী স্তাইরীন মোনোমর স্তোরেজ তেঙ্কতগী গ্যাস লীক ওইরকখিবদুবু লাকশিনবদা তঙাই ফদনা চংবা কেমিকেল তোন ৮.৩ নোংথক্তা পুরকখি।
আই.এ.এফ.কী এ.এন.-৩২ ত্রান্সপোর্ত এয়রক্রাফ ২ শিজিন্নদুনা মুন্দ্রা, গুজরাত্তগী বিজাগ, আন্ধ্র প্রদেশ ফাওবা তরসরী ব্যুতাইল্কেতেকোল চাউরাক্না কিলোগ্রাম ১১০০ অমসুং পোলীমরাইজেসন ইনহেবিতরশিং অমসুং গ্রীন রিতার্দর চাউরাক্না তোন ৭.২ নোংথক্তা পুরকখি। কেমিকেলশিং অসিনা স্তোরেজ তেঙ্কতগী লীক ওইরক্লিবা গ্যাসকী মহু চেনবা অদু হনথহনবদা মতেং পাংই। গ্যাস লীক ওইবা লাকশিন্নবা থৌওং অসিবু য়েংশিনবদা মতেং ওইগদবা মীওই অনি, দিল্লীগী ইন্দিয়ন ইন্সতিত্যুৎ ওফ পেত্রোলিয়মগী দাইরেক্তর অমসুং স্তাইরীন গ্যাসকী মরমদা খঙ-হৈরবা মুম্বাইদগী মীওই অমা, মখোয় অসি বিজাগতা আই.এ.এফ.না পুরকখি।
মসিগা লোইননা ভারত সরকারনা কোবিদ-১৯গী লাইচৎ অসিবু লাকশিন্নবা হোৎনবা নোংমদা চংলিবশিং অসিদা মতেং পাংনবা হায়দুনা আই.এ.এফ.না লাইনা অসিবু মতিক চানা লান্থেংনবদা চংগদবা তঙাই ফদবা পোৎ-চৈশিং রাজ্য সরকারশিং অমসুং অতোপ্পা মতেং পাংলিবা এজেন্সীশিংদা পীদুনা লাক্লি। আই.এ.এফ.না মার্চ ২৫, ২০২০দগী ভারত সরকারবু মতেং পাংবগী থবকশিং হৌরকপদগী ঙসি ফাওবদা কার্গো তন ৭০৩ নোংথক্তা পুখ্রে। কোবিদ-১৯গা মরী লৈনবা থবকশিং পাংথোক্নবা হায়দুনা আই.এ.এফ.না পুন্না হেবী অমসুং মেদিয়ম এয়রলিফ এসেৎ ৩০ খাক্তুনা থমখ্রে।
****
(रिलीज़ आईडी: 1623343)
आगंतुक पटल : 236
इस विज्ञप्ति को इन भाषाओं में पढ़ें:
Urdu
,
Punjabi
,
English
,
Marathi
,
हिन्दी
,
Assamese
,
Bengali
,
Odia
,
Tamil
,
Telugu
,
Kannada