ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ ମନ୍ତ୍ରଣାଳୟ
ଏମଏସଏମଇ ମନ୍ତ୍ରଣାଳୟ ପକ୍ଷରୁ ଚମ୍ପିଆନ ପୋର୍ଟାଲ ଉନ୍ମୋଚିତ
• ଏକୀକୃତ ବ୍ୟବସ୍ଥାରେ ଉତ୍ପାଦନ ବୃଦ୍ଧି ତଥା ଜାତୀୟ ସାମର୍ଥ୍ୟ ସୃଷ୍ଟି ଉଦ୍ୟମ
प्रविष्टि तिथि:
12 MAY 2020 11:15AM by PIB Bhubaneshwar
ଦେଶର ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ (MSME)ର ପ୍ରୋତ୍ସାହନ ଓ ସମର୍ଥନ ପାଇଁ ଗୋଟିଏ ଏକୀକୃତ ଓ ସୁସମନ୍ୱିତ ଟେକ୍ନୋଲଜି ପରିଚାଳିତ ପ୍ଲାଟଫର୍ମ (ମଞ୍ଚ)ର ଆବଶ୍ୟକତା ଅନୁଭୂତ ହେଉଛି । ଏହି ପ୍ଲାଟଫର୍ମର ଲକ୍ଷ୍ୟ ହେଲା ଉତ୍ପାଦନ ବୃଦ୍ଧି କରିବା ସହ ରାଷ୍ଟ୍ରୀୟ ସାମର୍ଥ୍ୟ ବୃଦ୍ଧି ପାଇଁ ଆଧୁନିକ ପ୍ରକ୍ରିୟା ପ୍ରସ୍ତୁତ କରି ତାହାର ବିନିଯୋଗ କରିବା । ତେଣୁ ଏହି ବ୍ୟବସ୍ଥାର ନାମ ଯଥାର୍ଥରେ ‘ଚମ୍ପିଆନ’ ରଖାଯାଇଛି । ମୂଳତଃ ଲଘୁ ଉଦ୍ୟୋଗକୁ ସହାୟତା ପ୍ରଦାନ କରିବା ଏହାର ଉଦ୍ଦେଶ୍ୟ । ସୂକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ ମନ୍ତ୍ରଣାଳୟ ପକ୍ଷରୁ ଏହି ମର୍ମରେ ଏକ ପୋର୍ଟାଲର ଶୁଭାରମ୍ଭ ହୋଇଛି । ‘ଚମ୍ପିଆନ’ର ତିନିଟି ମୌଳିକ ଲକ୍ଷ୍ୟ ରହିଛି ଓ ସେସବୁକୁ ନିମ୍ନରେ ପ୍ରଦାନ କରାଯାଇଛି ।
- ଅସୁବିଧା ସମୟରେ ଅର୍ଥ, କଞ୍ଚାମାଲ, ଶ୍ରମିକ ଓ ଅନୁମତି ଆଦି ଯୋଗାଣର ବ୍ୟବସ୍ଥା କରି ଏମଏସଏମଇ ଉଦ୍ୟୋଗଗୁଡିକୁ ସହାୟତା ଯୋଗାଇବା
- ପିପିଇ, ମାସ୍କ ଭଳି ଡାକ୍ତରୀ ଉପକରଣ ତିଆରି କରିବା ପାଇଁ ଯେଉଁ ନୂଆ ସୁଯୋଗ ସୃଷ୍ଟି ହୋଇଛି ତାହାର ଲାଭ ଉଠାଇବା ନିମନ୍ତେ ଏସବୁ ଉଦ୍ୟୋଗକୁ ସହାୟତା କରିବା
- ଏଥିପାଇଁ ଉପଯୁକ୍ତ ଉଦ୍ୟୋଗ ଓ ଉଦ୍ୟୋଗୀଙ୍କୁ ବାଛିବା, ଯେଉଁ ମାନଙ୍କର ସେଭଳି ବିଶେଷ ପ୍ରତିଭା ଥିବ । ସେମାନେ ପରିସ୍ଥିତିକୁ ସାମନା କରିବା ସହ ଜାତୀୟ ଓ ଅନ୍ତର୍ଜାତୀୟ ସ୍ତରରେ ଚମ୍ପିଆନ ହେବାର ଦକ୍ଷତା ରଖିଥିବେ ।
ଏହି ଲକ୍ଷ୍ୟରେ ‘ଚମ୍ପିଆନ’ ପୋର୍ଟାଲର ପରିକଳ୍ପନା କରାଯାଇଛି । ଏହି ପୋର୍ଟାଲ www.Champions.gov.in ରେ ଉପଲବ୍ଧ ।
******
(रिलीज़ आईडी: 1623291)
आगंतुक पटल : 254