নৌনা পাইখৎলকপা অচৌবা খোংথাং অমা ওইনা এম.এস.এম.ই.গী মন্ত্রালয়না তেক্নোলোজীদা য়ুম্ফম ওইবা কন্ত্রোল রুম-কম-মেনেজমেন্ত ইনফোর্মেসন সীস্তেম, চেম্পিয়ন্স পোর্তেল www.Champions.gov.in হৌদোকখ্রে। অনৌবা আই.সি.তি. তুলশিং শিজন্নরিবা সীস্তেম অসিনা লৈবাক অসিগী অমসুং মালেমগী থাক্তা চেম্পিয়নশিং ওইনা অচৌবা লীগতা ভারতকী এম.এস.এম.ই.শিংনা খোং থাংজিনবা ঙম্নবা মতেং পাংবগী পান্দম থম্লি।

চেম্পিয়ন্স (সি.ঐচ.এ.এম.পি.আই.ও.এন.এস.) অসিগী ৱাহনথোক্তি ক্রিয়েসন এন্দ হার্মোনিয়স এপ্লিকেসন ওফ মোদর্ন প্রোসেসেস ফোর ইনক্রিজিংদা আউৎপুৎ এন্দ নেস্নেল স্ত্রেংথ হায়বনি। মসিগী মতুং ইন্না সীস্তেম অসিগী মমিং চেম্পিয়ন্স কৌরিবনি।

মমিং অসিনা তাক্লিবগুম্না, পোর্তেল অসি অপীকপা য়ুনিৎশিং অদুগী ৱাকৎ তাবীদুনা ৱারোইশিন পুরকপা, পুক্নীং থৌগৎপা, য়াংখৎপা, মতেং পাংবা অমসুং লমজিং-লমতাকপীদুনা অপীকপা য়ুনিৎশিং অসিবু অচৌবা য়ুনিৎ ওইহন্নবগীদমক্তা ওইবা পোর্তেলনি।

এপ্রিলগী ৩০গী নুমিদাংদা এম.এস.এম.ই.গী সেক্রেতরী ওইনা পাইবা মতমদা, শ্রী এ.কে.শর্মনা খঙহল্লকখ্রে মদুদি আই.সি.তি.দা য়ুম্ফম ওইবা সীস্তেম অসি হোজিক ওইরিবা অরুবা ফিভম অসিদা এম.এস.এম.ই.শিংগী মতেং পাংনবা থমগনি অমসুং নেস্নেল অমসুং ইন্তর্নেস্নেল চেম্পিয়নশিং ওইনবা মখোয়বু লমজিং-লমতাকপীগনি। হায়রিবা অসিগী মতুং ইন্না  চেম্পিয়ন্স হায়না কৌবা মপুং ফারবা সীস্তেম অমা মেগী ৯, ২০২০দা চাংয়েং তৌবা ওইনা হৌদোকখ্রে।

মসি তেক্নোলোজীনা থল্লবা কন্ত্রোল রুম-কম-মেনেজমেন্ত ইনফোর্মেসন সীস্তেমনি। আই.সি.তি.তুলশিং খুদম ওইনা তেলিফোন. ইন্তরনেৎ অমসুং ভিদিও কনফরেন্সকী মথক্তা সীস্তেম অসিদা অর্তিফিসিয়েল ইন্তেলিজেন্স, দেতা এনালিতিক্স অঞসুং মেছিন লর্নিং য়াওরি। মসি মতম চুপ্পদা জি.ও.আই.গী মৈন গ্রীবেন্স পোর্তেল (সি.পি.জি.জি.আর.এম.এস.) অমসুং এম.এস.এম.ই. মন্ত্রালয় মশামক্কী অতোপ্পা ৱেবতা য়ুম্ফম ওইবা মেকানিজমশিংগা শমদুনা লৈ। আই.সি.তি. আর্কিতেক্সচর  পুম্নমক অসি শেল অমত্তা তিংদনা এন.আই.সি.গী মতেংগা লোইননা মশানা শাখি। অসিগা চপ মান্ননা ফিজিকেল ইনফ্রাস্ত্রকচর অসি মন্ত্রালয় অসিগী পোৎচৈ থমফমগী কা অমদা অথুবা মতমদা শেমখি।

সীস্তেম অসিগী শরুক অমা ওইনা কন্ত্রোল রুমশিংগী নেৎৱার্ক অমা হব & স্পোক মোদেল শিজিন্নদুনা শেমখ্রে। হব অসি দিল্লীদা লৈবা এম.এস.এম.ই.গী শেক্রেতরীগী ওফিস্তা লৈ। স্পোকশিং অদুনা মন্ত্রলয় অসিগী রাজ্যশিংদা লৈরিবা ওফিসশিং অমসুং ইন্সতিত্যুসনশিংদা লৈগনি।

মমুৎ তারবা ওপরেৎ তৌবগী প্রোসিজর থাদোকখ্রে, ওফিসরশিং থাদোকখ্রে অমসুং ত্রেনিংসু তৌহনখ্রে।

শ্রী শর্মনা মহাক্কী ওফিসরশিং অমসুং স্তাফশিং অদুগী মরক্তা লৈদুনা চেম্পিয়ন্স সীস্তেম অসি হৌদোকপগী চাংয়েং তৌখি। থৌদোক অসিদা লৈবাক অসিগী চাউরাক্না মফম ১২০দা ভিদিও কনফরেন্সকী খুত্থাংদা শম্নহনখি।

সীস্তেম অসিবু চাংয়েং তৌবা ওইনা হৌদোকপা মতমদা, শ্রী শর্মনা হায়খি মদুদি মসি এম.এস.এম.ই. য়ুনিৎশিং অমসুং মসিগী মপান তাংলিবা মীয়ামশিংগীদমক্তনি। মসিগী য়ুনিৎশিং অমসুং মীয়ামশিং অসি য়াম শাথিনা ঐখৌয়গী মতেং মথৌ তাই হায়নসু মহাক্না হায়খি। নৌনা অমুক হৌবা অমসুং হিংগৎহনবদা মতেং পাংনবা ঐখোয়না অঙম্বা তৌগনি।

****