সাইন্স অমসুং তেক্নোলোজী মন্ত্রালয়
সি.এস.আই.আর.- নেস্নেল এরোস্পেস লেবোরেতরীশিং (এন.এ.এল.), বেঙ্গলুরুনা কোবিদ-১৯গীদমক্তা নুমিৎ ৩৬নিদা বাইপেপ নন ইনভেসিব ভেন্তিলেতর “স্বস্থ ৱায়ু” পুথোকখ্রে
সীস্তেম অসি এন.এ.বি.এল.না শকখঙলবা এজেন্সীশিংনা সেফতী অমসুং পর্ফোরমেন্সকীদমক্তা সর্তিফাই তৌরকখ্রে অমসুং বায়োমেদিকেল তেস্তশিং য়াম্না চেকশিন্না তৌখ্রে
Posted On:
11 MAY 2020 8:49PM by PIB Imphal
সি.এস.আই.আর. – নেস্নেল এরোস্পেস লেবোরেতরীশিং (এন.এ.এল.) বেঙ্গলোর, সি.এস.আই.আর. লেবকী শরুক অমা ওইরিবা অসিনা কোবিদ-১৯গী পেসেন্তশিং লায়েংনবা নুমিৎ ৩৬নিগী থুরবা মতম অসিদা নন ইনভেসিব বাইপেপ ভেন্তিলেতর অমা পুথোকখ্রে। বাইপেপ নন ইনভেসিব ভেন্তিলেতর অসি ঐচ.ই.পি.এ. ফিল্তর (হাইলী ইফিসিয়েন্ত পার্তিক্যুলেৎ এয়র ফিল্তর)গা লোইননা বিল্ত ইন বায়োকম্পেতিবল “3দি. প্রিন্তেদ মেনিফোল্দ অমসুং কোপ্লর” য়াওরবা মাইক্রোকন্ত্রোলর-বেস প্রিসাইজ ক্লোস্দ-লুপ এদাপতিব কন্ত্রোল সীস্তেমনি। মসিগী তোপতোপ্পা মগুন অসিনা ভাইরস শন্দোরকপগী অকিবদগী ফহল্লি। মসিদা ওক্সিজেন কন্সেন্ত্রেতর নত্ত্রগা এনরিচমেন্ত য়ুনিৎমপান্দগী শম্নবা খুদোংচাবগা লোইননা স্পোন্তেনিয়স ওইবা, সি.পি.এ.পি., মতম য়াওবা, ওতো বাইপেপ মোদকুম্বা মগুনশিং অসি য়াওই। সীস্তেম অসি এন.এ.বি.এল.না শকখঙলবা এজেন্সীশিংনা সেফতী অমসুং পর্ফোরমেন্সকীদমক্তা সর্তিফাই তৌরকখ্রে। সীস্তেম অসি এন.এ.এল. হেল্থ সেন্তরশিংদা বায়োমেদিকেল তেস্তশিং অমসুং বিতা ক্লিনিকেল ত্রায়েলশিং য়াম্না চেকশিন্না তৌখ্রে।
মসিগী মেছিন অসিগী য়াম্না মরু ওইবা খুদোংচাবা অদুদি মসি অখন্ননা নর্সিং অমত্তা তৌদনা য়াম্না লাইনা শিজিন্নবা য়াবা, মমল হোংবা, কমপেক্ত ওইবা অমসুং লমদম অসিগী মচাকশিংনা অনম্বা ওইরগা শাবা পোত্থোক্নি। মসি ৱার্দশিংদা লৈবা কোবিদ-১৯গী পেসেন্তশিং, খুদক খুদক্কী ওইবা হোস্পিতালশিং, দিস্পেন্সরীশিং অমসুং হৌজিক ওইরিবা কোবিদ-১৯গী ফিভমশিং অসি য়েংলুরগা য়ুমদা লায়েংবগীদমক্তা খ্বাইদগী ফৈ। সি.এস.আই.আর.-এন.এ.এল.না অয়াবা লৌনবগীদমক্তা মরী লৈনবা ওথোরিতীশিংদা ৱাফম অসি পুথোক্নবগী থৌরাং তৌরি অমসুং অথুবা মতমদা ফংগনি হায়বগী থাজবসু লৈরি। সি.এস.আই.আর.-এন.এ.এল.না পাকশন্না পুথোক্নবগী পার্তনর ওইনা অচৌবা পব্লিক/প্রাইবেৎ ইন্দস্ত্রীশিংগা লোঈননা ৱারী-ৱতাই শান্নবা হৌখ্রে।
সি.এস.আই.আর.গী দি.জি., দা. শেখর সি. মান্দেনা সি.এস.আই.আর. এন.এ.এল. তীম্না মখোয়গী এরোস্পেস দিজাইন তৌবগী হিরমদা মখোয়গী হৈশিংবা অদুনা মরম ওইরগা তেক্নোলোজী অসিবু পুথোরকপা ঙমখিবা অসিগীদমক থাগৎখ্রে। মহাক্না ১৯৯৮তা মেগী ১১দা লমদম অসিনা পুথোকচবা হন্সা-3না পাইখিবদা সি.এস.আই.আর.-এন.এ.এল.না লৌখিবা থৌদাং অদুবু নৌহৌননা নীংশিংহল্লকখি, মসি নেস্নেল তেক্নোলোজী দেদা ফজনা পাংথোকখিবা এচিবমেন্তশিংগী মরক্তা অমনি।
সি.এস.আই.আর.-এন.এ.এল.গী দাইরেক্তর, শ্রী জে. য়াদবনা হায়খি মদুদি মালেমসিদা থেংনরিবশিং অমসুং ভারত অমসুং মপান লমগী পুলমোনোলোজিস্তশিংদগী পীরকপা অখন্নবা ইনপুৎশিংগী মতুং ইন্না সি.এস.আই.আর.-এন.এ.এল.না পুথোকপা মপান্দগী শম্বা ওক্সিজেন কন্সেন্ত্রেতর বাইপেপ নন ইনভেসিব ভেন্তিলেতর অসি ইন্ত্যুবেসন অমসুং ইনভেসিব ভেন্তিলেসনগী মথৌ তাদবা ময়ায় ওইরপ তৌবা নত্ত্রগা ময়ায় ওইবা থাক্তা কন্না নারবা কোবিদ-১৯গী পেসেন্তশিং লায়েংবদা য়াম্না ফগনি।
মাইপাক্লিবা অসি দা. সি.এম. আনন্দা, ইলেক্ত্রোনিক্স দিপার্তমেন্তকী হেদকী লুচিং মখাদা দা. অমরনরায়ন দি., চীফ মেদিকেল ওফিসর – এন.এ.এল., দা. ৱিরেন সর্দানা – সি.এস.আই.আর.- আই.জি.আই.বি.গী রেস্পিরেতরী ফিজিয়োলোজিস্ত অমসুং কোবিদ-১৯গী অথিংবশিং অসিগী মনুংদা লেপ্পা লৈতনা থবক তৌখিবা এন.এ.এল.গী সাইন্তিস্তশিংগী তীম, হায়রিবা তেক্নোক্রেৎশিং অমসুং মেদিকেল প্রক্তিস্নরশিংগী তীম অসিনা হোৎনখিবশিং অদুগী অরোইবা ফলনি।
#সি.এস.আই.আর.না কোবি-১৯ লান্থেংনরি
#নেস্নেল তেক্নোলোজী দে ২০২০
****
(Release ID: 1623214)
Visitor Counter : 195