লৌউ-শিংউবগী লৈবা-য়োনবগীদমক অমসুং লৌমীশিংনা মখোয়না লোকচবা পোত্থোকশিং অদু ওনলাইন পোর্তেলদগী য়োনবদা খুদোংচাবা পীবা হেনগৎহন্নবা এগ্রীকলচর অমসুং ফার্মর্স ৱেলফেয়রগী কেন্দ্র মন্ত্রী, শ্রী নরেন্দ্র সিংহ তোমর ঙসি নেস্নেল এগ্রীকলচরেল মার্কেৎ (ই-নাম)গা পুনবা অনৌবা মন্দী ১৭৭ হৌদোকখ্রে। পুনশিন্নখ্রবা মন্দীশিং অদু মখাদা অসুম্না পীরিঃ গুজরাত (১৭), হরিয়ানা (২৬), জম্মু অমসুং কশ্মীর (১), কেরলা (৫), মহারাস্ত্রা (৫৪), ওরিশা (১৫), পঞ্জাব( ১৭), রাজস্থান (২৫), তমিল নাদু (১৩) অমসুং নোংচুপ বেঙ্গল (১)। অহেনবা মন্দী ১৭৭ হৌদোকখিবগা লোয়ননা, লৈবাক অসিগী অপুনবা ই-নাম মন্দীশিংগী মশিং অসি ৯৬২ নি।

অনৌবা মন্দীশিং অদু ভিদিও কনফরেন্সকী থোংদগী অনৌবা মন্দীশিং অদু হৌদোক্লদুনা লৌমীশিংদা মখা তানা কান্নবশিং ফংহন্নবা ই-নামবু হেন্না মপাঙ্গল কনখৎহন্নবা হোৎনগদবনি হায়না শ্রী তোমরনা হায়খি। ই-নামগী পোর্তেল অসি তেক্নোলোজী শীজিন্নদুনা লৌমীশিংদা কান্নবা পীনবদা পান্দমদা প্রধান মন্ত্রী শ্রী নরেন্দ্র মোদীনা মিৎয়েং থমখ্রে।

হান্না মমাংদা লৈবাক অসিগী রাজ্য ১৭ অমসুং য়ুনিয়ন তেরিতোরী ২দগী মন্দী ৭৮৫ শিজিন্নরিবা অমা ওইনা লৌমী করোর ১.৬৬, লল্লোনবা লাখ ১.৩৯ অমসুং কম্মিসন এজেন্ত ৭১,৯১১ ই.এন.এ.এম.দা পুনশিনখ্রে। মে ৯, ২০২০ ফাওবদা এম.তি. করোর ৩.৪৩ অমসুং ৩৭.৯৩গী লাখকী মশিংদা (ৱা অমসুং য়ুবী) পুনশিল্লগা ই-নামগী প্লেৎফোর্মদগী লুপা লাখ করোর ১ দগী হেন্না য়োনখ্রে। 

লৌমী লাখ ১.২৬তা কান্নবা ফংহন্দুনা লুপা করোর ৭০৮কী শেন্ফমগী দিজিতেল পেমেন্ত তৌখ্রে।

ই-নাম.না মন্দী/রাজ্যগী ঙমখৈশিংগী হেন্দোক্না লল্লোনবগী খুদোংচাবা পী।  পুন্না মন্দী ২৩৬না ইন্তর-মন্দী রাজ্য ১২ দা শরুক য়াবদা রাজ্য/য়ুনিয়ন তেরিতোরী ১৩না লৌমীশিংদা হকথেংননা অরাপ্পা মফমশিংদা লৈবা লল্লোনবশিংগা মরোল ফাওনদুনা শরুক য়াহল্লি। হৌজিক-হৌজিক চান্নবা চেং-হৱাই, থাও শুম্নবা মরুশিং, ফাইবরশিং, মনা-মশিং অমসুং উহৈ-ৱাহৈশিং য়াওনা ই-নামদা লল্লোনহনখ্রে।

এফ.পি.ও. ১,০০৫ হেনবনা ই-নামগী প্লেৎফোর্মদা রেজিস্তর তৌখ্রে অমসুং মমল লুপা করোর ৭.৯২গী লৌউ-শিংউবগী মেত্রিক তোন ২৯০০গী পোত্থোক লল্লোনখ্রে।

কোবিদ-১৯গী লোকদাউনগী মতমদা মন্দীশিংদা পৈশিন্নবা, কেন্দ্রগী লৌউ-শিংউগী মন্ত্রীনা এপ্রিল ২, ২০২০দা এফ.পি.ও. ত্রেদ মোদ্যুল, লোজিস্তিক্স মোদ্যুল অমসুং ই-এন.দবল্যু.গী ওইবা ৱেয়রহাওস মোদ্যুলশিং হৌদোকখ্রে। মতম অদুদগী রাজ্য ১৫দগী এফ.পি.ও. ৮২না অপুনবা মশিং ক্বিন্তর ১২০৪৮গী মমল লুপা করোর ২.২২গী কোমোদিতীশিং ই-নামদা ললোনখ্রে। থাদোক-থাজিনগী থবক তৌবা ২,৩১,৩০০ না ই-নামগী স্তেকহোলদরশিংগী পোৎ থাদোক-থাজিন তৌবগী মথৌ তারকপদা ফংহন্নবা ত্রক ১১,৩৭,৭০০ লৈবা লোজিস্তিক্কী থবকশিং তৌদুনা পুনমিন্নবা মাপল (৯) না ই-নামগা মপাং ওইমিন্নদুনা পুনশিন্নখ্রে। 

নেস্নেল এগ্রীকলচরেল মার্কেত (ই-নাম) অসি লৈরিবা এ.পি.এম.সি. মন্দীশিং শম্নহন্দুনা লৌউ-শিংউগী কোমোদিতীশিংদা মিৎয়েং থমদুনা অরৈবা অমসুং অয়োনবগী মরক্তা লৈবা মান্নদবা ই-পাউশিং লৌথোক্তুনা অমসুং তশেংনা পীয়ু হায়না তাল্লকপা অমদি পীবদা অশেংবা মতমগী মমল পুথোক্তুনা স্ত্রীমলাইন্দা পুরকপগী থৌওংশিং চত্থদুনা চাং মান্ননা শৌগৎপা লৌউ-শিংউগী লল্লোন-ইতীক তৌনবা অপুনবা নেস্নেল মার্কেৎ অমা শেম্ননবা  ভারত সরকারগী ৱাংনা পান্দম থম্নিংঙাই ওইবা মায় পাক্লবা স্কীম অমনি।

মে ১, ২০২০দা শ্রী তোমরনা ভারতকী লৌমীশিংগী মতেং পাংনবা কর্নাতকাগী অনৌবা রাজ্য অমা হাপচিল্লগা রাজ্য ৭তগী পুনশিল্লবা ই-নাম মন্দী ২০০ হৌদোকখ্রে। মসিদা নত্তনা, কেন্দ্রগী লৌউ-শিংউগী মন্ত্রীনা কর্নাতকাগী আর.ই.এম.এস. (য়ুনিফাইদ মার্কেৎ পোর্তেল-ইয়ু.এম.পি.) অমসুং ই-নাম অনীনা থবক তৌবা য়াবা অমসু হৌদোকখ্রে। মসিনা লল্লোনবশিং অমসুং লৌমীশিং অনীমক্না মসিগী প্লেৎফোর্ম অনিমক্তা অমদসু-অমদসু হোংদুনা থবক তৌমিন্নবা য়াবগী ফিচর শিজিন্নদুনা চপ মান্নবা প্লেৎফোর্মদা অহেনবা কৈথেলশিং ফংহনবদা খুদোংচাবা ফংহল্লি।

ই-নাম্না মাগী ফেজ- I (মন্দী ৫৮৫ পুনশিন্নবা)দা মায় পাক্না তৌখিবশিং অদু য়েংবা মতমদা,  অহেনবা  মে ১৫, ২০২০গী মমাংদা মন্দী ৪১৫ হাপচিন্দুনা মশাশিং ফন্দোক্তুনা মাংজিল থারি।। প্রধানমন্ত্রীগী ‘ৱান নেসন ৱান মার্কেৎ’কী ৱাশক অদু মপুং ফাহন্ননবা রাজ্য ১৮ অমসুং য়ুনিয়ন তেরিতোরী ৩দা ই-নাম মন্দীশিংগী অপুনবা মশিং অসি ১,০০০ দগী হেনখ্রে।  

নেস্নেল এগ্রীকলচরেল মার্কেৎ (ই-নাম) অসি ভারত্তা লৌউ-শিংউগী কোমোদিতীশিংগীদমক্তা লৈরিবা মন্দীশিংবু ‘ৱান নেসন ৱান মার্কেৎ’কা শম্ননবা পান্দমদা অখিল ভারতীয় ইলেক্ত্রোনিক ত্রেদিংগী পোর্তেল অমা এপ্রিল ১৪, ২০১৬দা প্রধান মন্ত্রী শ্রী নরেন্দ্র মোদীনা হৌদোকখিবনি। স্মোল ফার্মর্স এগ্রীব্যুজিনেস কন্সোর্তিয়ম (এস.এফ.এ.সি.) অসি ভারত সরকারগী এগ্রীকলচর অমসুং ফার্মর্স ৱেলফেয়র মন্ত্রালয়গী মখাদা ই-নাম.বু চৎনহন্নবা মরু ওইবা এজেন্সী অমনি।

নেম পোর্তেল অসিনা কোমোদিতী থুংলবগী, ক্বালিতী অমসুং মমলশিং, লল্লোন্নবগী থম্লকপা ৱাফমশিং

পাংথোক্নবা অমসুং লৌমীশিংগী একাউন্তশিংদা হকথেংননা ইলেক্ত্রোনিক পেমেন্ত তৌনবগী

থৌরাংশিং অমসুং হেন্না ফবা কৈথেল ফংবদা মতেং পাংলদুনা  এ.পি.এম.সি.গা মরী লৈনবা

ই-পাউ অমসুং থবকশিংগী ৱিন্দো অমা ফংহল্লি।

****