ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ଅଧିକ ଶ୍ରମିକ ସ୍ୱତନ୍ତ୍ର ଟ୍ରେନ ଚଳାଚଳ ପାଇଁ ସହଯୋଗ କରିବାକୁ ରାଜ୍ୟମାନଙ୍କୁ କେନ୍ଦ୍ରର ପରାମର୍ଶ
प्रविष्टि तिथि:
11 MAY 2020 12:07PM by PIB Bhubaneshwar
ବସ ଓ ଶ୍ରମିକ ସ୍ୱତନ୍ତ୍ର ଟ୍ରେନ ଯୋଗ ବିଭିନ୍ନ ରାଜ୍ୟରେ ଅଟକି ରହିଥିବା ପ୍ରବାସୀ ଶ୍ରମିକମାନଙ୍କୁ ଫେରାଇ ନେବାକୁ ସବୁ ରାଜ୍ୟ ସରକାର ଓ କେନ୍ଦ୍ରଶାସିତ ଅଞ୍ଚଳ କର୍ତ୍ତୃପକ୍ଷ ଯେଉଁ ସହାୟତା ଯୋଗାଇଛନ୍ତି କ୍ୟାବିନେଟ ସଚିବ ଗତକାଲି ଏକ ଭିଡିଓ କନଫରେନ୍ସରେ ତାହାର ସମୀକ୍ଷା କରିଥିଲେ । ଆଲୋଚନା ପରେ ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସରକାରଙ୍କୁ ପତ୍ର ଲେଖାଯାଇ ରେଳପଥ ଉପରେ କିମ୍ବା ସଡକରେ ଚାଲି ଚାଲି ଶ୍ରମିକମାନେ ଯେପରି ଘରକୁ ନ ଫେରନ୍ତି ତାହା ନିଶ୍ଚିତ କରିବାକୁ କୁହାଯାଇଛି । ଅଧିକରୁ ଅଧିକ ଶ୍ରମିକ ସ୍ୱତନ୍ତ୍ର ଟ୍ରେନ ଚଳାଇ ପ୍ରବାସୀ ଶ୍ରମିକଙ୍କ ପ୍ରତ୍ୟାବର୍ତ୍ତନ ପ୍ରକ୍ରିୟାକୁ ବାଧାରହିତ କରିବା ନିମନ୍ତେ ରାଜ୍ୟ ସରକାରମାନଙ୍କ ସହାୟତା କାମନା କରାଯାଇଛି ।
ଏଥିରେ କୁହାଯାଇଛି ଯେ ଏହି ପ୍ରବାସୀ ଶ୍ରମିକଙ୍କ ପ୍ରତ୍ୟାବର୍ତ୍ତନ ପାଇଁ ସ୍ୱତନ୍ତ୍ର ଶ୍ରମିକ ଟ୍ରେନ ଓ ବସ ଚଳାଚଳର ବ୍ୟବସ୍ଥା ଆରମ୍ଭ ହୋଇଛି । ତେଣୁ ପ୍ରବାସୀ ଶ୍ରମିକମାନେ ରେଳପଥ ଓ ସଡକ ପଥରେ ଚାଲି ଚାଲି ନଯାଇ ସେମାନଙ୍କ ପାଇଁ ଉଦ୍ଦିଷ୍ଟ ସ୍ୱତନ୍ତ୍ର ଟ୍ରେନ ଓ ବସର ସୁବିଧା ନେବା ଉଚିତ । ସେଥିପାଇଁ ଶ୍ରମିକମାନଙ୍କୁ ବୁଝାସୁଝା କରି ଏସବୁ ଟ୍ରେନ ଓ ବସରେ ପହଞ୍ଚାଇବାର ବ୍ୟବସ୍ଥା କରିବାକୁ ରାଜ୍ୟ ସରକାରମାନଙ୍କୁ ପରାମର୍ଶ ଦିଆଯାଇଛି । ଏଭଳି ବସ କିମ୍ବା ଟ୍ରେନ ସୁବିଧା ମିଳିବାରେ ବିଳମ୍ବ ହେଲେ ବିକଳ୍ପ ବ୍ୟବସ୍ଥା ପର୍ଯ୍ୟନ୍ତ ସଂପୃକ୍ତ ଶ୍ରମିକଙ୍କୁ ନିକଟବର୍ତ୍ତୀ ଆଶ୍ରୟ ଶିବିରରେ ରଖିବାକୁ କୁହାଯାଇଛି ।
ଏଥିରେ ଆହୁରି କୁହାଯାଇଛି ଯେ ରାଜ୍ୟ ସରକାରମାନେ ସ୍ୱତନ୍ତ୍ର ଶ୍ରମିକ ଟ୍ରେନ ଅଧିକରୁ ଅଧିକ ଚଳାଇବା ପାଇଁ ରେଳବାଇ ସହ ସହଯୋଗ କରିବା ଆବଶ୍ୟକ । ପ୍ରବାସୀ ଶ୍ରମିକଙ୍କ ପ୍ରତ୍ୟାବର୍ତ୍ତନ କ୍ଷେତ୍ରରେ କୌଣସି ପ୍ରତିବନ୍ଧକ ଯେପରି ନ ରହେ ସେଥିପାଇଁ ରାଜ୍ୟ ସରକାରମାନେ ସହଯୋଗ କରିବା ଜରୁରି ।
********
(रिलीज़ आईडी: 1623015)
आगंतुक पटल : 198
इस विज्ञप्ति को इन भाषाओं में पढ़ें:
Telugu
,
English
,
Urdu
,
Marathi
,
हिन्दी
,
Manipuri
,
Bengali
,
Punjabi
,
Gujarati
,
Tamil
,
Kannada
,
Malayalam