হকশেল অমসুং য়াইফ য়ুম্বালগী কেন্দ্র মন্ত্রী দা. হর্শ বর্ধন্না কোবিদ-১৯ মেনেজমেন্তকী ফিভম য়েংশিন্নবা ঙসি নই দিল্লীগী মান্দোলী জেলদা লৈরিবা কোবিদ কেয়র সেন্তর (সি.সি.সি.)দা চৎখ্রে। হোস্পিতালগী শেম-শারিবশিংগীদমক হৌজিক্কী দরকার ওইরিবশিং অদু য়েংদুনা পুলিস রেসিদেন্সিয়েল কমপ্লেক্স মান্দোলী সি.সি.সি. অসি লাইওং য়াম্না উৎতবা কোবিদ-১৯ অনাবশিংগীদমক আইসোলেসন রুমশিং অমসুং ফমুংশিং লৈবা দেদিকেতেদ কোবিদ-১৯গী সেন্তর ওন্থোক্লে।

দা. হর্শ বর্ধন্না  হায়খি, “কোবিদ-১৯ মেনেজমেন্তকীদমক লৈবাক পুম্বদা মতিক চাবা হেল্থকেয়র ইনফ্রাস্ত্রকচর অমসুং ফেসিলিতীশিং শেমগৎলে। মখোয়বু মতিক চাবা আইোলেসন বেদশিং, আই.সি.য়ু. বেদশিং অমসুং অতোপ্পা ফেসিলিতীশিংগা লোয়ননা কেতেগোরী অহুম থোক্না খায়দোক্লে, দেদিকেতেদ কোবিদ হোস্পিতাল্স (দি.সি.ঐচ.এস.), দেদিকেতেদ কোবিদ হেল্থ সেন্তর্স (দি.সি.ঐচ.সি.এস.) অমসুং কোবিদ কেয়র সেন্তর্স (সি.সি.সি.এস.)।” অসিগুম্লবা ফেসিলিতীশিংগী মশিংগী মতাংদা পাউদম্লদুনা মহাক্না মখা তাখি, “ফমুং ১,৬৫,৭২৩ (আইসোলেসন বেদ ১,৪৭,১২৮ + আই.সি.য়ু. বেদশিং)গা লোয়ননা লৈবাক পুম্বদা দেদিকেতেদ কোবিদ হোস্পিতাল ৮৫৫ মশক খঙদোক্লে; ফমুং ১,৩১,৩৫২ (আইসোলেসন বেদ ১,২১,৩৫২ + আই.সি.য়ু. বেদ ৯,৯৪৯)গা লোয়ননা দেদিকেতেদ কোবিদ হেল্থ সেন্তর ১,৯৮৪; অমসুং ফমুং ৩,৪৬,৮৫৬কা লোয়ননা কোবিদ কেয়র সেন্তর ৪,৩৬২নি। ফমুং ৫০০০গী কেপাসিতীগা লোয়ননা দিল্লীদা কোবিদ কেয়র সেন্তর ১৭ লৈরি।”

“হৌখিবা নুমিৎ খরা অসিদা ঐহাক্না কোবিদ-১৯গী শেম-শারিবশিং য়েংশিন্নবা এম্স ত্রোমা সেন্তর, দিল্লী, এল.এন.জে.পি. আর.এম.এল., সফদরজং, এইম্স ঝাজর, রজীব গান্ধী সুপর স্পেসিয়েলিতী হোস্পিতাল, এল.ঐচ.এম.সি.গুম্বা তোঙান-তোঙানবা দেদিকেতেদ কোবিদ হোস্পিতালশিংদা চৎখ্রে। হন্দক্তি ঐহাক্না মসিগী মান্দোলী কোবিদ কেয়র সেন্তর অসিদা চৎনবা লেপখি অমসুং সেন্তর অসিনা শেম-শারিবশিং য়েংশিনখি।”

খোংচৎ মনুংদা দা. হর্শ বর্ধন্না হায়খি মদুদি মান্দোলী সি.সি.সি.গী তৱার তরানিথোয় লৈরি, মদুদা কোবিদ-১৯ অনাবা মীওই ৫৭৫ লায়েংলি। মসিদা অনাবা ৭৫০ লায়েংবগী কেপাসিতী লৈরি। মহাক্না তৱার-Iদা চৎখি অমদি জম্মু অমসুং কশ্মীর, আন্ধ্র প্রদেশ, তমিল নাদু অমসুং অসমদগী অনাবশিংগা ৱারী শানখি। মহাক্না দোক্তরশিং অমদি এদমিনিস্ত্রেসন ওফিসিয়েলশিং অমসুং পুলিস পর্সোনেলশিংগসু ৱারী শানখি।

মাস্ক নত্ত্রগা ফেস কভরশিং উপ্পা, খুৎ-শা তোইনা চামথোকপা অমসুং ফিজিকেল দিস্তেন্সিং ওবজার্ব তৌবগী মতাংদা ঙাংলদুনা দা. হর্শ বর্ধন্না হায়খি, “মসিগী হৈনবি অসিনা কোবিদ-১৯গা লোয়ননা অতোপ্পা লাইনাশিং থেংনবদা ঐখোয়দা মতেং ওইগনি।”

মহাক্না মখা তানা ফোংদোকখি মদুদি রাজ্যশিং/য়ুনিয়ন তেরিতোরীশিং লোয়ননা সেন্ত্রেল ইন্সতিত্যুৎশিংদা N-95  মাস্ক চাউরাক্না লাখ ৭২ অমসুং পি.পি.ই. চাউরাক্না লাখ ৩৬ ফংহনখ্রে। অনাবশিংনা হেল্থকেয়র ইক্বুইপমেন্ত শিজিন্নবগী মতাংদা খঙহল্লদুনা মহাক্না হায়খি, “হৌজিক ফাওবদা লাইয়েংখিবা এক্তিব কোবিদ-১৯ কনফার্ম কেসতা য়ুম্ফম ওইরগা ঐখোয়না খঙবা ঙম্লে মদুদি কোবিদ কেসশিং অসিগী চাদা ২.৪৮ খক্তনা আই.সি.য়ু. ফেসিলিতী মথৌ তাই, চাদা ১.৯৪ খক্তনা ওক্সিজেন সপোর্ত মথৌ তাই অদুগা চাদা ০.৪০না ভেন্তিলেতর সপোর্ত মথৌ তাই।”

লৈবাক অসিদা তেস্তিং কেপেবিলিতী অমসুং কেপাসিতীগী মতাংদা ঙাংলদুনা মহাক্না হায়খি, “ঙসিদি ঐখোয়না গবর্নমেন্ত লেবোরেতরী ৩৪৩ অমসুং প্রাইবেৎ লেবোরেতরী ১২৯ চেনশিং লৈরে। অনিমক্তা তেস্তিং কেপাসিতীসু হেঙ্গৎহল্লে, অমদি হৌজিক ফাওবদা নুমিৎ খুদিংগী তেস্ত চাউরাক্না ৯৫,০০০ পাংথোকপা ঙম্লে। ঙরাং খক্তদা ঐখোয়না তেস্ত ৮৬,৩৬৮ পাংথোকখি। ঙরাং ফাওবদা ঐখোয়না তেস্ত ১৬,০৯,৭৭৭ পাংথোকখ্রে।”

দা. হর্শ বর্ধন্না মসিমসু খঙহনখি মদুদি কোবিদ-১৯ থেংনবদা রাজ্যশিংনা হোৎনরিবশিংদা মতেং পানবা রাজ্য ১০- গুজরাত, তমিল নাদু, উত্তর প্রদেশ, দিল্লী, রাজস্থান, মধ্য প্রদেশ, পঞ্জাব, ৱেস্ত বেঙ্গল, আন্ধ্রা প্রদেশ অমসুং তেলঙ্গনাদা এক্সপার্তশিংগী ওইবা সেন্ত্রেল তীমশিংসু থাখ্রে।

লৈবাক অসিদা কোবিদ-১৯গী কন্তেনমেন্তকী ফিভমগী মতাংদা ঙাংলদুনা দা. হর্শ বর্ধন্না হায়খি, “লোকদাউনগী মমাং ২০২০গী মার্চ ২৫দা, নুমিৎ ৩গী পেরদ অমদা ওনবদা দবলিং রেৎ অসি ৩.২ ওইখি, নুমিৎ ৭কী পেরদ অমদা ওনবদা ৩.০ অমসুং নুমিৎ ১৪গী পেরদ অমদা ওনবদা ৪.১ ওইখি। ঙসিদি নুমিৎ ৩গী ৱিন্দো অমদা মসিনা ১২.০দা লৈরে, নুমিৎ ৭কী ৱিন্দো অমদা ১০.১ অমদি নুমিৎ ১৪গী ৱিন্দো অমদা ওনবদা ১১.০দা লৈরে। মদুগা মান্ননা শিবগী চাং অসি চাদা ৩.৩ ওইরি অদুগা রিকোবরীগী চাংনা চাদা ৩০.৭তা হেঙ্গৎক্লি। লোকদাউন্না মরম ওইদুনা ফিভম অসি ফগৎলক্লে হায়বা ময়েক শেংলে। মসিনা কোবিদ-১৯ অনাবশিংদা ফংহল্লিবা হেল্থকেয়রগী ক্বালিতী অদুসু মমি তারি।” মহাক্না হায়খি, “মসিমসু খঙজিনবদা পুক্নিং থৌগৎনীংঙাইনি মদুদি রাজ্য/য়ুনিয়ন তেরিতোরী ১০দা হৌখিবা পুং ২৪দা অনৌবা কেস লাকত্রে - অন্দমান অমসুং নিকোবর ইথৎশিং, অরুনাচল প্রদেশ, দাদ্রা অমসুং নগর হবেলী, গোৱা, লদাখ, মনিপুর, ওরিশা, মিজোরম, পুদুচেরী। মদুগী মথক্তা ঙসি ফাওবা কেস অমত্তা রিপোর্ত তৌরক্তবা রাজ্য/য়ুনিয়ন তেরিতোরী ৪ লৈরি - দামন অমসুং দ্যু, সিক্কিম, নাগালেন্দ অমসুং লক্ষদীপনি।”

দা. হর্শ বর্ধনগী মান্দোলী সি.সি.সি. খোংচৎ মনুংদা সাহাদ্রাগী দিস্ত্রিক মেজিস্ত্রেৎ শ্রী সনজীব কুমার, সাহাদ্রাগী দি.সি.পি.গা লোয়ননা মান্দোলী সি.সি.সি.গী নোদল ওফিসরসু ওইরিবা সীমাপুরীগী এস.দি.এম. শ্রী পঙ্কজ ভৎনগরসু শরুক য়াখি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেসন পুম্নমক্কীদমক চানবীদুনা চাং নাইনা ভিজিৎ তৌবীয়ু https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .

****