শ্রী সদগুরুনা হায়খি মদুদি ঐখোয় খুদিংমক্তা স্বচ্ছতা ৱারীয়র অমা য়াওই। “সুমজিৎ অসি ভারতপু শেংদোক্কদবা খুৎলাই নত্তে। মসিদা প্রজা মীয়াম্না হকথেংননা য়াওবনা ঐখোয়গী তাউনশিং অমসুং সিতীশিংবু লু-নান্না থম্বদা মরু ওইবা থৌদাং লৌগদৌরিবনি” , হায়না মহাক্না মখা তাখি। হাউশিং অমসুং অর্বান এফিয়র্স মন্ত্রলয় (এম.ও.ঐচ.য়ু.এ.)না ইশা ফাউন্দেসনগা খুৎশম্নদুনা শিনবা ‘স্বচ্ছতা ৱারীয়র্স ৱিথ সদগুরু ইন চেলেঞ্জিং তাইমস’ হায়না মিংথোনবা লাইব ৱেবিনার অমদা ৱা ঙাংখি। পুং অমা শাংবা ৱেবিনার অসিদা শ্রী সদগুরুনা উজ্জৈন, সুরত, ইস্ত দিল্লী মুনিসিপাল কোরপোরেসন, আগ্রা অমসুং মদুরাইদগী জিলাগী কলেক্তরশিং/মুনিসিপাল কমিস্নরশিংগা ৱারী শাখি অমসুং হৌজিক্কী খুদোংথিবা মতম অসিবু মায়োক্ননবা য়াম্না মগুন লৈরবা ৱাখল লৌশিং কয়া অমা পীখি। দ সফাই কর্মচারিস - মমাং থাদুনা লৈরিবা কোবিদকী থৌনা ফবাশিংগীদমক্তা কতথোক্লবা সেসন অসি এম.ও.ঐচ.য়ু.এ.গী সেক্রেতরী, শ্রী দুর্গা মিশ্রানা মোদরেতর ওইখি অমসুং স্পিরিচুৱল গুরু অদুনা সেনিতেসন ৱার্কর্শিং অদুনা হংখিবা ৱাহংশিংগী পাউখুম পীবসু উখি। সেসন অদু য়ুত্যুবকী (isha.co/MoHUAwithSadhguru) খুত্থাংদা লাইব ওইনা ৱেবকাস্ত তৌখি অমসুং মসিগা লোইননা মতম অমত্তদা ওইবা মসিগা চপ মান্নবা হিন্দীদা হন্দোকপসু (isha.co/MoHUAwithSadhguruinHindi)দা ফংবীগনি।

শ্রী সদগুরুনা লৈবাক অসিগী লু-নানবগী থাক হেনগৎলকপদা মরুওইনা স্বচ্ছ ভারত মিশন (এস.বি.এম.)না মরুওইবা থৌদাং লৌখি হায়বা ৱাফম অসি য়ারবগা লোইননা হৌদোকখি অমসুং হৌখিবা চহি মঙাদা মিশন অসিগী মমাং থাদুনা লৈরিবা সেনিতেসন ৱার্করশিংনা হোৎনরিবশিং অদুবুঅখন্ননা ইকাইখুম্নবা উৎখি।

য়ু.এল.বি. রিপ্রজেন্তেতিবশিং অমসুং সেনিতেসন ৱার্করশিংনা হংলকপা ৱাহংশিং অদু পাউখুম পীবগা লোইননা শ্রী সদগুরুনা স্বচ্ছতা ৱারীয়রশিংগী পুক্নীং থৌগৎপগী মরু ওইববু পল্লদুনা হায়খি, মসিগা লোইননা পর্সোনেল প্রোতেক্তিব ইক্যুইপমেন্ত মতিক চানা ফংহনবা অমসুং সেনিতেসন ৱার্করশিংগীদমক্তা য়ুনিফোর্মশিং পীবনা মখোয়গী অকিবা কোকহল্লি অমসুং থবক তৌবা মতমদা মখোয়দা অসোই অঙাম য়াওদনা পুক্নীং লৈতানা লৈবা ঙমহল্লি। মহাক্না মখাতানা হায়খি, “সেনিতেসন অসি হায়বগী মথৌদি তাদে মসি অচৌবা শিংনবা অমনি। অচোৎপা অমসুং অকংবা অরেমখাকশিং তোখাইনা খাইদোকপা অমসুং প্রোসেসিং তৌবগা লোইননা ইন্দস্ত্রীশিংদগী থাদোরকপা ফত্তবা অরেমখাকশিংগী ত্রীৎমেন্ত তৌবা অমসুং দোমেস্তিক ইন্দসত্রীশিংদগী থাদোরকপা অমোৎ-অকায়শিং য়েংশিনবা মথৌ তাই। মসিদা নত্তনা অকংবা অরেমখাকশিং তোখাইনা খাইদোকপগদা মসিবু থৱায় হেন্না য়াওনা তৌনবগীদমক্তাপ্রজাশিংবু পুক্নীং থৌগৎনবা মওং খরদা পুক্নীং থৌগৎপা মথৌ তাই”।

ভারত শিনববা থুংনা লৈরিবা অর্বান লোকেল বোদী (য়ু.এল.বি.শিং) ৪৩০০+তা মখল মখা কয়াগীস্তেকহোলদরশিংনা সেসন অদুদা শরুক য়াখি, মসিদা য়াওরিবশিং অদুদি মুনিসিপাল কমিস্নরশিং, চীফ একজিক্যুতিব ওফিসরশিং, পোলিতিকেল রেপ্রেজেন্তেতিবশিং খুদম ওইনা মেয়রশিং মসিগা লোইননা হেল্থ ৱার্কর্শিং, সেনিতেসন ৱার্কর্শিং, সেল্ফ-হেল্প গ্রুপ মেম্বরশিং অমসুং কোবিদকী মাং থাদুনা চৎলিবা থৌনা ফবশিং।

****