ইন্দিয়ান রেলৱেজ ইন্সতিত্যুৎ ফোর মেকানিকেল এন্দ ইলেক্ত্রিকেল ইঞ্জিনীয়ারিং (আই.আর.আই.এম.ই.ই.)বু জমালপুরদগী লখনৌদা হোংনবা থৌরাং তৌরি হায়না মীদিয়াদা রিপোর্ত তৌরি। রেলৱে মন্ত্রালয়না মসিগী আই.আর.আই.এম.ই.ই.বু জমালপুরদগী লখনৌদা হোংনবা থৌরাং লৈতে হায়না শেংদোক্লি। হিরম অসিদা মখল অমত্তগী ৱাফম অরানবনি অমসুং লান্না লমজিংবনি অমদি রেলৱে মন্ত্রালয়দগী অয়াবা পীখিবা লৈতে। তশেংবদি, রেলৱে মন্ত্রালয়না আই.আর.আই.এম.ই.ই.গী থবক-থৌরমশিং পাকথোক-চাউথোকহন্নবা থৌরাং তৌরি অমদি ত্রান্সপোর্তেসন তেক্নোলোজী অমসুং মেনেজমেন্তদা এজুকেস্নেল প্রোগ্রামশিংসু হৌদোক্লগনি। জমালপুরদা চহি ১গী দিপ্লোমা কোর্সতগী হৌরগা অহেনবা এজুকেস্নেল প্রোগ্রাম কয়া অমা হাপচিন্নবা থৌরাং তৌরি, মদুগীদমক করিকুলম দিবেলপমেন্ত অমসুং দিজাইনগী থবক চত্থরি। ইন্দিয়ান রেলৱেনা আই.আর.আই.এম.ই.ই.গী পুৱারী অমসুং লেগেসীদা য়াম্না চাউথোকচরি অমদি মসিগী হৌজিক লৈরিবা মফমদগী হোংদোকপগী ৱাহং লৈতে। তশেংবদি, মসিবু মখা তানা মপাঙ্গল কনখৎহন্নবা অমসুং হৌজিক লৈরিবা মফমদা মসিগী থৌদাং চাউখৎহন্নবা হোৎনরি।  নিংথিনা দিবেলপ তৌরবা ত্রেনিং অমসুং এজুকেসন ফেসিলিতী অমা ওইরিবা আই.আর.আই.এম.ই.ই.না ইন্দিয়ান রেলৱে এমপ্লোইদা ত্রেনিং ফংহনবদা মরুওইবা থৌদাং অমা লৌবতা নত্তনা বিহার অমসুং য়ুমলোন্নবা লমদমশিংদা লৈবা নহাশিংদা অৱাংবা থাক্কী প্রোফেস্নেল এজুকেসন অমসুং স্কিলশিং ফংহল্লি অমদি লমদম অসোমদা শেল-থুমগী ফিভম ফগৎহনবদা থৌদাং লৌরি। 

****