মালেম শিনবা থুংনা শন্দোক্লিবা কোবিদ-১৯গী লাইচৎ অসিনা মরম ওইরগা লোকদাউন তৌরিবা অসিনা লৈবাক অসিদা মরম কয়া অমদা ফিশরীশিং অমসুং এক্বাকলচর সেক্তরদা য়াম্না শোকহনখি। মসিনা অহাংবা ঈপাক্তগী ঙা ফবগী থবক থৌরমশিং অমসুং ফ্রেশৱাতর অমসুং ব্রেকিশ ৱাতর সিস্তেম অনিমক্তা এক্বাকলচর তৌবদা অপনবা পীবদা নত্তনা মসিগা মরী লৈনবা থবক থৌরমশিং খুদম ওইনা মচা পুথোকপা, ফীদ প্লান্ত ওপরেশন, সপ্লাই অমসুং মার্কেৎ চেন অসিনচিংবদা য়াম্না শোকহনখি। অপুনবা ওইনা ঙামীশিং, ঙাগী শিন্মীশিং, প্রোসেসরশিং অমসুং মখোয়গী কাংলুপশিং অসিনা লাইচৎ অসিগী অকীবা মায়োক্নরি, মসিনা মরম ওইরগা ভেল্যু চেন পুম্নমক অমসুং হিংনবগীদমক্তা মসিদা মখা পোল্লিবশিংদা শোকহল্লি।

এগ্রিকলচরেল সেক্তরদা মরী লৈনবা স্তেকহোলদর্শিংদা অশোই অঙাম য়াওদনবা ইন্দিয়ন কাউন্সিল ওফ এগ্রিকলচরেল রিসর্চ (আই.সি.এ.আর.), দিপার্তমেন্ত ওফ এগ্রিকলচর রিসর্চ এন্দ এজুকেশন (দি.এ.আর.ই.), ভারত সরকারগী লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না মখোয়গী রিসর্চ ইন্সতিত্যুৎশিংগী খুত্থাংদাদা তোঙান তোঙানবা সব-সেক্তরশিংদা লৈরিবা মরী লৈনবশিংদা খঙহন্নবা অনৌবা খোংথাং কয়া অমা পাইখৎখ্রে।

ফিশরীশিংগী সেক্তরদা কেপচর ফিশরী য়াওনা, এক্বাকলচর অমসুং অতোপ্পা মরী লৈনবা থবক থৌওংশিংদা আই.সি.এ.আর.না শিংন্মীশিংগী অশোই অঙাম য়াওদনবা অমসুং লাইনা অসিবু শন্দোরকপদগী থিংনবগীদমক্তা ফিশরী ইন্সতিত্যুশনশিংগী খুত্থাংদাদা এদভাইজরীশিং পুথোকপদা অমসুং থোকপদা মাংজিল থাদুনা থবক পাইখৎলি। মসিগী লৌখৎলিবা থবক অসিদা আই.সি.এ.আর.- সেন্ত্রেল ইন্সতিত্যুৎ ওফ ফিশরীজ তেক্নোলোজী (আই.সি.এ.আর.-সি.আই.এফ.তি.), কোচিনা ঙামীশিং, ঙা ফানবা হিশিংগী মপুশিং, ঙা ফানবগী হিথাংফম, ঙাগী মার্কেৎ অমসুং সীফুদ প্রোসেসিং প্লান্তশিংগী য়াইফনবগীদমক্তা ইংলিশ অমসুং হিন্দীগী মথক্তা তোঙানবা রিজনেলগী লোন ১০দা এদভাইজরীশিং শেমখি। আই.সি.এ.আর.-সেন্ত্রেল ইনলেন্দ ফিশরীজ রিসর্চ ইন্সতিত্যুৎ (আই.সি.এ.আর.-সি.আই.এফ.আর.আই.), বরাকপোরনা তুরেলশিং, এস্ত্বারীশিং, রিজার্বরশিং অমসুং ৱেৎলেন্দশিংদা ঙা ফাবগী থবক থৌরমশিংদা য়াওরিবা স্তেকহোলদরশিংগীদমক্তা এদভাইজরীশিং শেমখি। মসিগী এদভাইজরীশিং অসি প্রিন্ত অমসুং ইলেক্ত্রোনিক মীদিয়া, রাজ্যগী ফিশরী দিপার্তমেন্তশিংদা সর্কুলেৎ তৌদুনা, দিবেলপমেন্তেল এজেন্সীশিং, এন.জি.ও.শিং অমসুং এস.ঐচ.জি. অমসুং সোসিয়েল মীদিয়াগী খুত্থাংদাদসু মীয়ামদা শন্দোক্তুনা খঙহল্লিবনি।

মতম চানা থোরকপা এদভাইজরীশিং অসিগী মরু ওইবা অদু খঙদুনা ফুদ এন্দ এগ্রিকলচরেল ওর্গনাইজেশন (এফ.এ.ও.), রোমনা (আই.সি.এ.আর.-সি.আই.এফ.তি.) অমসুং (আই.সি.এ.আর.-সি.আই.এফ.আর.আই.)না শেম্বা এদভাইজরীশিং অসি মালেম শিনবা থুংনা ফিশরী সেক্তরশিংগী য়াইফনবগীদমক্তা এসিয়া-রিজনেল ইনসিয়েতিবকী মখাদা সস্তেন্নেবল স্মোল-স্কেল ফিশরীশিংগী সেক্যোর ওইনবগীদমক্তা ভোলুন্তরী গাইদলাইনশিং ওইনা য়াওহন্নবা রিকমেন্দ তৌখ্রে (ৱেবপেজ : http://www.fao.org/3/ca8959en/ca8959en.pdf) ।  মসি আই.সি.এ.আর. অমসুং মখোয়গী ইন্সতিত্যুৎশিংনা হোৎনরিবশিং অদুবু অৱাংবা থাক্তা শকখঙবীবনি। মালেমগী ফিশরী সেক্তরনা কাউন্সিল অসিনা হোৎনরিবশিং অসিদগী কান্নবা ফংগনি হায়বগী থাজবা লৈ।

****