ইন্দিয়ন ইন্সতিত্যুৎ ওফ তেক্নোলোজী (বি.ঐচ.ইয়ু.), বেনারসকী ভারত সরকারগী সাইন্স অমসুং তেক্নোলোজী বিভাগনা পীবা ইন্সপায়র ফেকল্তীগী মনা ফংখ্রবা দা. অশিশ কুমার মিশ্রানা মাগী গ্রুপকা লোয়ননা সুপরকেপাসিতরশিংগী অৱাংবা ইনর্জী দেন্সিতী অমসুং পাৱর দেন্সিতী ফংনবা  নেনোমেতরিএলশিংদা য়ুম্ফম ওইবা  সুপরকেপাসিতরশিং শেমগৎপদা য়াম্না মরুওইবা পাংতোকপশিং ওইবা মওংদা তৌখ্রে।  

মীকোক মশিং হেনগৎলকপগী ইনর্জীগী তাল্লকপা হেনগৎলকপা অমদি তেক্নোলোজী খুমাং চাউখৎলকপনা মীওইবা খুন্নাই অসিদা চাউনা হোৎনরগা থবক তৌবগী মথৌ তাই। সুপরকেপাসিতরশিংগী অৱাংবা ইনর্জীগী দেন্সিতীনা হায়রি মদুদি লেংদবা করেন্ত অসি চার্জিং তৌদনা মতম শাংনা লৌথোকপা য়াই। মরমসিদগী ওতোমোবাইলশিং অসি চার্জ তৌদনা লাপ্না মতম শাংনা চৎলি। সুপরকেপাসিতরশিং অসি অসিগুম্বা মরমশিং অসিগীদমক অল্তর্নেতিব অমা ওইবা য়াই।

আই.আই.তি. (বি.ঐচ.ইয়ু.)দা দা. মিশ্রা অমদি মহাক্কী রিসর্চ গ্রুপ্না অৱাংবা কেপাসিতেন্স পর্ফোর্মেন্সতা 100°Cগী ময়ায় ওইরপ তৌবা তেম্পরেচরদা হন্থবা গ্রাফীম ওক্সাইদ (rGO) পুথোকখ্রে। প্রদক্সন তৌবগী থৌওং অসি পোৎকী মমলদা ইথীল পীগদবা ওইবনা লল্লোন-ইতীক্কী থবকশিংদা শিজিন্নবা শেমখিবনি। মসিগী থবক অসি মেতরিএল্স রিসর্চ এক্সপ্রেসতা ফোংখ্রে।

গ্রুপ অসিনা সুপরকেপাসিতরশিংদা  অৱাংবা ইনর্জী দেন্সিতী অমসুং পাৱর দেন্সিতী ফংনবা কার্বোন (কার্বোন নেনোত্যুবশিং, গ্রাফিন) অমসুং ধাতুগী দাইচাল্কোজেনাইদশিং (MoS₂, MoSe_2,) নচিংবা নেনোমেতরিএলশিংদা য়ুম্ফম ওইবা সুপরকেপাসিতরশিংদা থবক তৌই অমসুং কার্বোন নেনোত্যুবশিংবু অচৌবা স্কেলদা পুথোকপদা শিজিন্নবা য়াবা আইরন্দা য়ুম্ফম ওইবা নেনোকেতালিস্তকীদমক নোবেল গ্রীন এপ্রোচ অমসু শেমগৎখ্রে।

ইনর্জী স্তোরেজ তৌবদা নত্তনা, দা. মিশ্রাগী গ্রুপ্না নেনোমেতরিএলশিংগী ওপ্তোইলেক্ত্রোনিক এপ্লিকেসনশিংদা থবক তৌরি। হীরমসিদা, মখোয়না কার্বোনগী নোবেল নেনোস্ত্রকচরশিং অমদি ফোতোদিতেক্সনগীদমক মেতল দাইচাল্কোজিনাইদস সেমিকন্দক্তরশিং অমসুং সর্ফেস রমন স্পেক্তোস্কোপী (এস.ই.আর.এস.)শেমগৎলি। মসিগী থবকসিদগী, মখোয়না উবা ফংলিবা মঙাল পুথোক্নবা নেনোস্কেল MoS₂ গী য়াম্না ফবা ফোতোদিতেক্সন মওংগী ওইবা মকল কয়াগী আর্কিতেকচরশিং খুদমগা কোন্ননা তাকখ্রে। মসিগী থবক অসিদগী ফংলকপা অৱাংবা পোতোরেসপোন্সিভিতি অসি  অল্ত্রাফাস্ত পুথোকপদা  সিগনেল তৌনবগী মরমশিংদা কান্নগনি। মসিগী থবক অসি ফিজিকেল কেমিস্ত্রী লেতর্সকী জর্নেলদা ফোংখ্রে।  

এস.ই.আর.এস. অসিনা অল্ত্রা-লো কন্সেন্ত্রেসনশিংদা ঈশিংদা য়াওবা মাং-তাক্নিংঙাই ওইবা মোলিক্যুলশিং পুথোকপদা মতেং ওই। মহাক্কী গ্রুপ অসিনা rGO অমশুং MoS₂ গী নেনোমেতরিএলশিং শিজিন্নদুনা সব-নেনো-মোলর কন্সেন্ত্রেসনগী খ্বাইদগী নেম্বা পনখৈদা থম্নবা ওর্গানিক লেজর দাই অমা ওইরিবা রোদামাইন 6G (R6G) অসি মায় পাক্না পুথোকপগী মতাংদা খুদমগা কোন্ননা তাকখ্রে। মসিগী থবক অসি ফিজিকেল কেমিস্ত্রী Cগী জর্নেলদা ফোংখ্রে। অৱাংবা পাৱর থোরকফম ওইরিবা লেজরগুম্বগী প্রোতেক্তরশিং শেম্বদা শিজিন্নবা য়াই হায়রিবা অসিগুম্বা মেতরিএলশিং অসি মখোয়না শেম্লিবা মেতরিএলদুগী পরিং নাইদবা ওপ্তিকেল রেসপোন্সু চাংয়েং তৌখ্রে।  

মখোয়গী ইনর্জী অমদি ওপ্তোইলেক্ত্রোনিক্কী খুৎলায়শিংদা পান্দম থম্লিবসিনা ইনর্জী স্তোরেজগী এপ্লিকেসন্দা শিজিন্নবা য়াবা অতাংবা মমলগী অমদি মপুং ফাবা খুৎলায়শিং শেমগৎপগী লম্বীসিদা মতেং ওইরি। মখোয়না পুথোরক্লিবশিং অসিনা য়াম্না খুমাং চাউখৎলবা ফোতোইলেক্ত্রিকশিংদা মতেং পাংলি অমসুং মসি ঈশিং মোৎশিনবা লাকশিনবদা ওপ্তিকেল সেন্সরশিং ওইনা শিজিন্নবা য়াই।

(পব্লিকেসন:https://doi.org/10.1021/acs.jpclett.9b03726)

শক্তম: দা. অশিশ কুমার মিশ্র অমসুং মহাক্কী কাংবু

****