সাইন্স অমসুং তেক্নোলোজী মন্ত্রালয়
দা. হর্শ ভরধন্না কোবিদ-১৯গীদমক শেম শারিবশিং দিপার্তমেন্ত ওফ সাইন্স এন্দ তেক্নোলোজীগা শমজিন্নখ্রে
দি.এস.তি. অমসুং মসিগী মনীং তম্বা ইনস্তিত্যুৎশিংনা ইন্দিয়াগী সাইন্স অমসুং তেক্নোলোজী মালেমগী থাক্তা পুখৎলে – দা. হর্শ বর্ধন
“কোবিদ কথা’ কৌবা কোবিদ-১৯গী মল্তিমীদিয়া লমজিং অমা হৌদোকখ্রে
Posted On:
03 MAY 2020 8:36PM by PIB Imphal
কেন্দ্রগী সাইন্স এন্দ তেক্নোলোজী, হকশেল অমদি য়াইফ-য়ুম্বাল, অমসুং আর্থ সাইন্সকী মন্ত্রী দা. হর্শ বর্ধন্না ঙসি দি.এস.তি.গী ৫০শুবা মপোক কুমওন থৌরমদা দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী মনীং তমবা ইনস্তিত্যুৎশিং (এ.আই.) অমসুং মখা থাবা লোয়শঙশিংগী মকোকশিংগা ভিদিও কনফরেন্সিংগী খুত্থাঙদা মখোয়গী সাইন্স এন্দ তেক্নোলোজীগী থৌরাংশিং মরুওইনা কোবিদ-১৯ শন্দোরকপা থেংননবা লৌখৎলিবা থৌরাংশিংগী মতাংদা ৱারী ৱাতাই শাখ্রে।
থৌরমদুদা মন্ত্রীনা কোবিদ-১৯গী মল্তিমীদিয়া লমজিং “কোবিইদ কথা”সু হৌদোকখি। দি.এস.তি. না সাইন্স এন্দ তেক্নোলোজীগী খুত্থাঙদা লৈবাকসিগী থৌদাং য়ারকপা চহি ৫০ ফারকপগা ইরোয়ননা লৈবাক শিনবা থুংনা চহি চুপ্পা চত্থগদবা মখল কয়াগী থৌরমশিংগী হৌদোক্লদুনা সনা ফুদোংবা কুমওন থৌরমসু হৌদোকখি।
সেক্রেতরী (দি.এস.তি.) প্রোফেসর অসুতোস শর্মনা দি.এস.তি.গী অচৌবা থৌরমশিং, লাক্কদৌরিবা চহি মঙাসিদা মখোয়গী মীৎয়েং অমসুং কোবিদ-১৯ থেংননবা লায়না খঙদোকপা, চাংয়েং তৌবা, হকশেলগী থৌরাংশিং, খুৎশু খুৎলায় অমদি অতৈ মচাকশিংগী কৈথেলদা পুথোকপা য়ারবা পাম্বৈ পুথোকপদা শেন থাদনবগীদমক আর এন্দ দি লেবশিং, একাদমিক ইনস্তিত্যুৎশিং, স্তার্ত অপশিং অমসুং এম.এস.এম.ই.শিং অমদি মখোয়গী তেক্নোলোজীশিং খঙদোক্নবা দি.এস.তি.গী খোঙথাংশিংগী মতাংদা পাউদমখি।
নেস্নেল সাইন্স এন্দ তেক্নোলোজী ওন্ত্রপ্রিনরসিপ দিবেলপমেন্ত বোর্দ (এন.এস.তি.ই.দি.বি.), সাইন্স ফোর ইক্যুইতী, এম্পৱরমেন্ত এন্দ দিবেলপমেন্ত (এস.ই.ই.দি.) অমসুং সাইন্স এন্দ ইঞ্জিনীয়রিং রিসর্চ বোর্দ (এস.ই.আর.বি.), তেক্নোলোজী দিবেলপমেন্ত বোর্দ (তি.দি.বি.) অমসুং সর্ভে ওফ ইন্দিয়ানচিংবা স্তেতুতরী বোদীশিংগী মকোক থোংবা সাইন্তিস্তশিং অমসুং থৌমীশিংনা লাইচৎ অসিবু লাকশিন্নবা লৌখৎলিবা তোঙান তোঙানবা থৌরাংশিংগী মতাংদা ৱা ঙাঙখি। মসিগা মান্ননা শ্রী চিত্রা তিরুনাল ইনস্তিত্যুৎ ফোর মেদিকেল সাইন্সেস এন্দ তোক্নোলোজী (এস.সি.তি.আই.এম.এস.তি.), থিরুবনন্থপুরম, ইন্তর্নেসনেল এদভান্স রিসর্চ সেন্তর ফোর পাওদর মেতাল্লর্জী এন্দ ন্যু মেতরিএল্স (এ.আর.সি.আই.), হায়দরাবাদ, জৱাহরলাল নেহরু সেন্তর ফোর এদভান্স সাইন্তিফিক রিসর্চ (জে.এন.সি.এ.এস.আর.), সেন্তর ফোর নেনো এন্দ সোফ মেত্তর সাইন্সেস (সি.ই.এন.এস.), বেঙ্গলুরু, নেস্নেল ইনোভেসন ফাউন্দেসন (এন.আই.এফ.), অহমেদাবাদ, অমসুং এস.এন. বোস নেস্নেল সেন্তর ফোর বেসিক সাইন্সেস (এস.এন.বি.এন.সি.বি.এস.) কোলকতাগুম্বা মনীং তম্বা ইনস্তিত্যুৎশিংগী দিরেক্তরশিংনা লাংফম অসি থেংননবগীদমক মখোয়না শেম শারিবশিংগী মরমদা ৱা ঙাঙখি।
ৱারী শানবা অদুদা দি.এস.তি.বু চহি ৫০ শুরকপগী থাগৎ ৱাহৈ ফোঙদোক্লদুনা দা. হর্শ বর্ধননা হায়খি, “দি.এস.তি. অমসুং মসিগী মনীং তম্বা ইনস্তিত্যুৎশিংনা ইন্দিয়াগী সাইন্স এন্দ তোক্নোলোজীবু মালেমগী থাক্তা পুখৎলে অমদি ফুরুপ কয়াগী মীওই কয়া অমদা মখল কয়াদা কান্নবা পীরি। ইনস্তিত্যুৎশিং অমসুং তোঙান তোঙানবা লমশিংদা লৈরিবা সাইন্তিস্তশিংগী মরক্তা চাংদম্নবগী মওংদা লৈবাকসিগী সাইন্স অমসুং তেক্নোলোজীগী চাং অমসুং তৌবা ঙম্বগী মঙম হেনগৎহন্নবা ঐখোয়গী লৈবাকসিদা দি.এস.তি.না খ্বায়দগী চাউবা মশাগী মঙমদগী হেন্দোক্না থিজিন খোৎচিনবা অমদি চাউখৎপা পুরকপগী ঙাক্লৌ পীরি। দি.এস.তি.গী থৌদাং অসিনা ইন্দিয়াবু সাইন্স সাইতেসন ইন্দেক্স জর্নেলশিং ফোঙবগী মশিংদা চাইনা অমসুং য়ু.এস.কী মথঙদা ৩শুবা মফম কলহনবদা মতেং পাংলি।”
কোবিদ-১৯ লাকশিনবদা মতম চানা খোঙথাং কয়া লৌখৎখিবগীদমক্তা ইন্দিয়ন সাইন্তিস্তশিংবু থাগৎলদুনা মহাক্না হায়খি, “ইন্দিয়ন সাইন্তিস্তশিংনা মতম পুম্বদা শিংনবা অমা হেক্তা থেংননবা হৌগৎলকই অমসুং হৌজিকসু মখোয়না লৈবাকসিগী নীংবা কায়হন্দে। ঐখোয়না নীংশিংগদবদি: (১) স্কেল অপ তৌবা য়ারবা মরী লৈনবা তেক্নোলোজী সোলুসনশিং মশক খঙদোক্নবা অমদি ঙাক্লৌ পীনবা ঐখোয়গী স্তার্ত-অপ ইকোসিস্তেম অসুবু মপুং ফানা মেপ্পিং তৌবা; (২) ভাইরস অসিগী মোদেল্লিং অমসুং মওং মতৌশিং অমদি মসিগী শাফু, থেংননবা অনৌবা পাম্বৈনচিংবা লমশিংদা থবক তৌরিবা একাদমিয়া অমদি আর এন্দ দি লেবশিংগী ইন্দস্ত্রীশিং অমসুং প্রোজেক্তশিংদা ঙাক্লৌ পীবা; (৩) থেংননবা পাম্বৈ পুথোক্নবগীদমক মরি লৈনবা দি.এস.তি.গী মনীং তম্বা ইনস্তিত্যুৎশিং মথৌ তৌহনবা য়াওনা তোঙান তোঙানবা মায়কৈদা অচৌবা অমদি খোঙজেল য়াঙবা থৌরাংশিং মথৌ তাই। ঐখোয়না মতম লৈত্রবা চিরবা তানফমসিদা ঐখোয়গী দি.এস.তি.গী সাইন্তিস্তশিংনা হায়রিবা পান্দমসি ফংবা ঙমবসিদা ঐ হরাওই। ময়ামসিদগী অকক্ননা পনবা য়াবদি কয়া অমনা অনৌবা মওংগী ওইবা অমসুং খোঙজেল য়াঙনা কম্মরসিএলাইজ তৌখ্রবা কান্নরবা পোত্থোক ১০ হেন্না পুথোকখ্রবা এস.সি.তি.আই.এম.এস.তি., থিরুভনন্থপুরম অসিনি,” মহাক্না হায়খি।
দা. হর্শ বর্ধননা হায়খি, “হৌখিবা চহি ৪৯সিদা দি.এস.তি.না লৈবাকসিগী সাইন্স অমসুং তেক্নোলোজী ইনোভেসন স্পেসতা চাউনা শরুক য়ারি। মশিং য়াম্লবা ইনক্যুবেতরশিং অমসুং স্তার্ত-অপশিং মশক থোক্না হেনগৎলকপগা লোয়ননা মসি চৎনবা য়ানা চাউখৎলক্লি।” দিএস.তি.গী মশক থোকপা থৌরাং খরগী মরমদা ফোঙদোক্লদুনা মহাক্না হায়খি, “নহা ওইরিবা সাইন্তিস্তশিংবু মখোয়গী থিজিনবগী লম্বীদা মীয়াম্না পাম্নবা সাইন্স আর্তিকলশিং ইবদা পুক্নীং থৌগৎনবা হৌদোকখিবা ওগমেন্তিং রাইতিং স্কিল্স থ্রু অর্তুকুলেতিং রিসর্চ (এ.দব্লিউ.এস.এ.আর.)গুম্বা স্কিমশিং; নেস্নেল ইনিসিএতিভ ফোর দেভেলপিং এন্দ হার্নেসিং ইনোভেসন্স (নিধি) কৌবা ইনোভেসন অমসুং স্তার্ত-অপ থৌওংশিং হেনগৎহন্নবা প্রোগ্রাম; নহা ওইরিবা মহৈরোয়শিংবু অনৌবা ৱাখল্লোন খন্নবা পুক্নীং থৌগৎননবা মিল্লিয়ন মাইন্দস ওগমেন্তিং নেস্নেল এস্পিরেসন্স এন্দ নোলেজ (মানক), নেস্নেল মিসন ওন ইন্তরদিসিপ্লিনরী সাইবর-ফিজিকেল সিস্তেম্স, থর্তী মিতর তেলেস্কোপ প্রোজেক্ততা শরুক য়াবনচিংবা মালেমগী খ্বায়দগী ফবা সাইন্স প্রোজেক্তশিংগা শম্ননবা অনৌবা মালেমগী ওইবা সাইন্স এন্দ তেক্নোলোজী কোলাবোরেসনশিং; অমসুং য়ু.এস.দি. মিল্লিয়ন ৪০গী ইন্দিয়া-ইস্রাএল ইন্দস্ত্রিএল আর এন্দ দি এন্দ তেক্নোলোজী ইনোভেসন ফন্দ অসিনচিংবশিং অসিনা ইন্দিয়াগী সাইন্স অমসুং তেক্নোলোজীগী খোঙথাংশিং হেন্নবা পুখৎলি।”
চহিসিগী বদজেত মীফমদা শেন-থুমগী মন্ত্রীনা লাওথোকখিবা লুপা ক্রোর ৮,০০০ চঙগদবা নেস্নেল মিসন ওন ক্বান্তম তেক্নোলোজী এন্দ এপ্লিকেসন (এন.এম.-ক্যু.তি.এ.)গী মতাংদা অখন্ননা পল্লদুনা কেন্দ্রগী সাইন্স অমসুং তেক্নোলোজী মন্ত্রীনা হায়খি, “এন.এম.-ক্যু.তি.এ. হৌদোকখিবা অসি ক্বান্তম তেক্নোলোজী অমসুং ক্বান্তম কম্প্যুতিং, ক্বান্তম কৃপ্তোগ্রাফী, ক্বান্তম কম্ম্যুনিকেসন, ক্বান্তম মেত্রোলোজী অমসুং সেন্সিং, ক্বান্তম ইনহেন্স ইমেজিংনচিংবা মরি লৈনবা লমশিংদা আর এন্দ দি হেনগৎহন্নবা অমদি য়োকখৎনবা তুংগী লম্বীদা চাউনা চোংবা খোঙফম অমনি। ঐনা থাজৈ মদুদি দি.এস.তি.না মসিগুম্লবা মাঙজিল থারিবা তেক্নোলোজী অসিগী মহৈনা মীচম মীয়ামগী য়াইফনবা লম্বীদা শীজিন্নদুনা লৈবাকসিগী চাউথোকচবা পুরক্কনি।”
লোইশিল্লকপদা দা. হর্শ বর্ধননা হায়খি, “দি.এস.তি.না শেম্লিবা নেস্নেল পোলিসী ওন সাইন্তিফিক সোসিয়েল রেসপোন্সিবিলিতী অসি দি.এস.তি.গী শাংলবা চহি ৪৯গী খোঙচৎসিদা লোয়নদুনা লাক্লিবা রেস্পোন্সিবল ইনোভেসন অমসুং সোসিয়েল ওন্ত্রপ্রিনরসিপগী ৱাখল্লোন অদু য়াওবা থৌরাং অমা ওইগদবনি। ঐনা থাজৈ মদুদি দোকুমেন্ত অসিনা সাইন্তিফিক ওইবা মচাকশিং শেয়র তৌবা; কোলেজ/য়ুনিভর্সিতীগী ফেকল্তীশিং মেন্তরিং/ ত্রেনিং পীবা; হাই এন্দ সাইন্তিফিক স্কিল্স অমসুং রিসর্চকী লমদা ত্রেনিং পীবা, মহৈরোয়শিংগী ইন্তর্নসিপ, থিজিনবগী চৎনবী অমসুং অতৌ থৌওংশিং হেনগৎহনবনচিংবা থৌওং অমা নৎত্রগা অমদগী হেন্না খন্দুনা একাদমিয়া অমসুং আর এন্দ দি লেবশিংদা লৈরিবা সাইন্স অমসুং তেক্নোলোজীগী খুৎলায়শিং, লৌশিং, মেনপাৱর অমসুং মচাক মথুমশিং শিজিন্নদুনা প্রোজেকশিংগী গ্রান্ত ফংলিবশিংনা সাইন্স অমদি হেন্না পাকথোক চাউথোক্না খু্ন্নাইগী স্তেকহোল্দরশিংদা য়ৌশিন্নবা হোৎনবদা পুক্নীং থৌগৎলগনি।
*****
(Release ID: 1620872)
Visitor Counter : 229