ଲକଡାଉନ ସମୟରେ ପାସେଞ୍ଜର ଟ୍ରେନ ସବୁର ଚଳାଚଳ ବନ୍ଦ ରହିଛି । କେବଳ ଅତ୍ୟାବଶ୍ୟକ ସେବା ଯୋଗାଣ ପାଇଁ ନିମ୍ନ ମରାମତି ଓ ପାର୍ସଲ ଟ୍ରେନ ଚାଲୁଛି ।

ରେଳବାଇ ବା ଟ୍ରାକର ଅବସ୍ଥା ଟ୍ରେନ ଚଳାଚଳ କ୍ଷେତ୍ରରେ ବିଶେଷ ଗୁରୁତ୍ୱ ରଖିଥାଏ । ଏହାର ଦୃଢତା ଓ ଦକ୍ଷତା ଉପରେ ରେଳବାଇର ନିରାପତା ନିର୍ଭର କରେ । ଏହି ଲକଡାଉନ କାଳରେ ଓସିଲେସନ ମନିଟରିଂ ସିଷ୍ଟମ (OMS) ସହାୟତାରେ ବିଭିନ୍ନ ସ୍ଥାନରେ ରେଳପଥର  ଦୁର୍ବଳ ସ୍ଥିତିକୁ ଯାଂଚ କରାଯାଇଛି ।  ମେସିନ ଭଳି ଏହି ବ୍ୟବସ୍ଥାଟି ପଥ  ଉପରେ ଗତି କରି ଟ୍ରାକ୍ରସ୍ଥିତି ଯାଂଚ କରିଥାଏ । ଏହାଦ୍ୱାରା ମୋଟ 1,92,488 କିମି ଟ୍ରାକର ସ୍ଥିତି ଅନୁଧ୍ୟାନ କରାଯାଇଛି । ଏହି ଯାଂଚ ବେଳେ 5362ଟି ସ୍ଥାନରେ ଟ୍ରାକର ଯେଉଁ ତ୍ରୁଟି ଧରାପଡିଥିଲା ତାହାକୁ ସୁଧାରି  ନିଆଯାଇଛି । ଖରାଦିନେ ଟ୍ରାକର ରକ୍ଷଣାବେକ୍ଷଣ ପାଇଁ ଯେଉଁ ଗୁରୁତ୍ୱପୂର୍ଣ୍ଣ ପଦକ୍ଷେପମାନ ଗ୍ରହଣ କରାଯାଏ ତାହା ମଧ୍ୟ ଏଥର କରାଯାଇଛି ।  ଲଙ୍ଗ ୱେଲଡେଡ ରେଲର ଡିଷ୍ଟ୍ରସିଂ କାମ (LWR)  ଯାହା ବିପୁଳ ଲୋକ ଶକ୍ତି ଲୋଡିଥାଏ, ଏଥର ତାହା  ନୂଆ ଉପାୟରେ ହୋଇଛି । ଶ୍ରମିକମାନଙ୍କୁ ଏହି କାମରେ ନିୟୋଜିତ କରିବା ବେଳେ କରୋନା ସଂକ୍ରମଣକୁ ଦୃଷ୍ଟିରେ ରଖି ଶାରୀରିକ ଓ ମାନସିକ ଦୂରତ୍ୱ ରକ୍ଷାକୁ କାର୍ଯ୍ୟକାରୀ କରାଯାଇଛି । 2246 କିମି ଲଙ୍ଗ ୱେଲଡେଡ ରେଲର ଡିଷ୍ଟ୍ରେସିଙ୍ଗ କାର୍ଯ୍ୟ ସପନ୍ନ ହୋଇଛି ।

କେତେକ ଗୁରତ୍ୱପୂର୍ଣ୍ଣ ଟ୍ରାକ କାମ

ଦକ୍ଷିଣ କେନ୍ଦ୍ର ରେଳବାଇର କାଜିପେଟୟାର୍ଡରେ ଥିବା ଉଡେନ (କାଠ) ଲେଆଉଟ ସିଜିରର୍ସ କ୍ରସ  ଓ ଏହାର ନବୀକରଣ କରାଯାଇ ଏଥିରେ ଷ୍ଟାଣ୍ଡର୍ଡ ପ୍ରି.ଷ୍ଟ୍ରେସ କଂକ୍ରିଟ (PSC) ବ୍ୟବହାର କରାଯାଇଛି । ଏଠାରେ ପୁରୁଣା ୟାର୍ଡର ରିମଡେଲିଂ ପାଇଁ 72 ଘଂଟା ଲାଗିଥିଲା 1970ରେ ଏହି ଉଡେନ ଲେଆଉଟ ସିତର୍ସ କ୍ରସ ଓଭର ତିଆରି ହୋଇଥିଲା । ଏହା ଫଳରେ ଏହି ୟାର୍ଡରେ ଟ୍ରେନ ଚଳାଚଳର  ନିରାପତା ଓ ବେଗ ବଡିବ ।

ସେହିଭଳି ଦକ୍ଷିଣ କେନ୍ଦ୍ରୀୟ ରେଳପଥ ଅନ୍ତର୍ଗତ ବିଜୟୱାଡା ୟାର୍ଡରେ ସିଜରର୍ସ କ୍ରସଓଭର ନବୀକରଣ କରାଯାଇଛି । ଏଥିପାଇଁ 24 ଘଂଟା ସମୟ ଲାଗିଥିଲା । ସେ ଏଠାରେ ମଧ୍ୟ ଉଡେନ ଲେଆଉଟ ସିଜର୍ସ କ୍ରସଓଭର ସ୍ଥାନରେ ଷ୍ଟାଣ୍ଡାର୍ଡ ପିଏସସି ଲେଆଉଟ କ୍ରସଓଭର କରାଯାଇଛି । ଏହା ଫଳରେଏହି ବ୍ୟବସ୍ଥା ଅଧିକ ଦକ୍ଷ ଓ ନିରାପତା ହୋଇଛି । ସିକନ୍ଦରାବାଦ ଓ ବିଶାଖାପଟଣା  ଆଡକୁ ରେଳ ଚଳାଚଳ ସୁଗମ କରିବାରେ ଏହା ସହାୟକ ହୋଇଛି  ।

ପଶ୍ଚିମ ରେଳବାଇ ଅନ୍ତର୍ଗତ କରୋନା ଷ୍ଟେସନରେ ସିମେଂଟ କଂକ୍ରିଟ ଆପ୍ରନ ଲାଇନ 1 ଓ 2ରୁ ମରାମତି ପାଇଁ 12 ଦିନ ସମୟ ପଡିଥଲା । ଏହା ଫଳରେ ଏହି ଟ୍ରାକ ଯଥେଷ୍ଟ ମଜବୁତ ଓ ନିରାପଦ ହୋଇଛି ।

ଦକ୍ଷିଣ-ପଶ୍ଚିମ ରେଳପଥର ବାଙ୍ଗାଲୋର ସିଟି ୟାର୍ଡର ରିମ ହେଲିଂ କରାଯାଇ ମହୀସୁର ଆଡକୁ ଯିବା ଆସିବା କରୁଥିବା ଟ୍ରେନ ସମୂହର ଚଳାଚଳକୁ ସୁଗମ କରାଯାଇଛି । ଏହି କାମଟି 10 ବର୍ଷ ଧରି ପଡିରହିଥିଲା । ଏହି ପଥ ଦେଇ ବହୁ ଟ୍ରେନ ଚଳାଚଳ କରୁଥିବାରୁ ସେ ସବୁକୁ ବାତିଲ କରି ଏ କାମ କରିବା ସହିଜ ହେଉନଥିଲା । ଲକଡାଉନ ଏଥିପାଇଁ ଯେଉଁ ସୁଯୋଗ ଦେଲା ତାହାକୁ ରେଳବାଇ ହାତ ଛଡା କରିନାହିଁ ।

ଗୁରୁତ୍ୱପୂର୍ଣ୍ଣ ସେତୁ କାମ

ଦକ୍ଷିଣ- ପଶ୍ଚିମ ରେଳପଥ ଅନ୍ତର୍ଗତ ଯିବ ମୋଗାସହର । ନିକଟରେ ପ୍ରବାହିତ ତୁଙ୍ଗ ନଦୀ ଉପରେ ଥିବା ରେଳପୋଲ (ନଂ-86) ର  ଗାର୍ଡର ପରିବର୍ତ୍ତନ କାର୍ଯ୍ୟଚାଲିଛି । ଏହା ଏକ ଗୁରୁତ୍ୱପୂର୍ଣ୍ଣ ରେଳ ସେତୁ ଓ  ଏଥିରେ 15ଟି ସ୍ଥାନ ରହିଛି । ଏହି ସେତୁରେ 18.30 ମିଟର ଲମ୍ବ ଷ୍ଟିଲପ୍ଲେଟ ଗାର୍ଡର ନୂଆ ଲଗାଯାଉଛି । 45 ଘଂଟା ଟ୍ରେନ ଚଳାଚଳ ବିନା ଏହି କାମ ସହଜରେ ହୋଇ ପାରିନଥାନ୍ତା । ସମଗ୍ର ସେତୁର ଗାର୍ଡର ପରିବର୍ତ୍ତନ କାର୍ଯ୍ୟ ମେ ଦୁଇ ତାରିଖ ସୁଦ୍ଧା ଶେଷ ହେବ ।  ଏଥି ପାଇଁ 25 ଟନ୍ ଓଜନ ବିଶିଷ୍ଟ ଷ୍ଟାଣ୍ଡର୍ଡ ଷ୍ଟିଲଗାର୍ଡ ବ୍ୟବହୃତ ହେଉଛି ।  ଏହି ସେତୁର ଉଚ୍ଚତା ନଦୀ ପତନରୁ 20 ମିଟର ।

ଦକ୍ଷିଣ ରେଳପଥର ଚେନ୍ନାଇ ଷ୍ଟେସନ ନିକଟରେ ଥିବା ରୋଡ ଓଭରବ୍ରିଜ ଭଙ୍ଗାଯାଇ ଚେନ୍ନାଇ ସେଂଟ୍ରାଲ ଷ୍ଟେସନକୁ ନୂଆ ସଂଯୋଗ ପଥ ନିର୍ମାଣ କାମ ଚାଲିଛି । ଏପ୍ରିଲ 26ରେ ଏହି କାମ ଚାଲିଛି । ସଂପୃକ୍ତ ରୋଡ ଓଭରବ୍ରିଜଟି ଅସୁରକ୍ଷିତ ଥିଲା । ଏହା ଆଠଟି ଟ୍ରାକ ଅତିକ୍ରମ କରିଥିଲା ।   ମେ 3 ସୁଦ୍ଧା ଏହି କାମ ଶେଷ କରିବାର ଲକ୍ଷ୍ୟ ରଖାଯାଇଛି । ଏଥି ପାଇଁ 48 ଘଂଟା ଟ୍ରାଫିକ ବନ୍ଦ କରିବାକୁ ପଡିଥାନ୍ତା ଏବେ ସେ ଅସୁବିଧା ନାହିଁ ।

ପୂର୍ବତଟ ରେଳପଥର ବିଶାଖାପଟଣା – ଗୋପାଳପଟଣା ସେକସନରେ କେସବୱେ ନିର୍ମାଣ କାର୍ଯ୍ୟ କରାଯାଇଛି । ଏହା ଦ୍ୱାରା ଏକ ଲେଭଲ କ୍ରସିଂ ବଳ ହୋଇଛି  ଓ ଗମନାଗମନ ବ୍ୟବସ୍ଥା ସୁରକ୍ଷିତ ହୋଇଛି ।

ଦକ୍ଷିଣ- କେନ୍ଦ୍ରୀ ରେଳପଥର ରାଜମହେନ୍ଦ୍ରୀ ବିଶାଖାପଟଣା ସେକସନରେ ଏକ ସେତୁ ନିର୍ମାଣ କରାଯାଇ ବନ୍ୟାପଣି ନିଷ୍ପାସନ ବ୍ୟବସ୍ଥା କରାଯାଇଛି । ଏହା ଫଳରେ ରେଳପଥ ପାଇଁ ଆଉ ବନ୍ୟାଭୟ ନାହିଁ । ଏହା ଛଡା କେନ୍ଦ୍ରୀୟ ରେଳପଥର ରୁମା ୱଲ ଡିଭିଜନରେ ଛଅ  ଫୁଟ ଓଭରବ୍ରିଜ ତିଆରି କରାଯାଇଛି । ଧାର୍ଯ୍ୟ ସମୟ ମେ  ଦୁଇ ସୁଦ୍ଧା ଏସବୁ ଲୋକାର୍ପିତ ହେବାକୁ ରହିଛି ।

ଲକଡାଉନ ସମୟରେ ବିଭିନ୍ନ ସ୍ଥାନରେ ରେଳବାଇ ପକ୍ଷରୁ  ପୁରୁଣା ଅସୁରକ୍ଷିତ ଫୁଟ ଓଭର ବ୍ରିଜକୁ ଭଙ୍ଗାଯାଉଛି । ସେଥି ମଧ୍ୟରୁ ଉତ୍ତର ରେଳପଥର ଲୁଧିଆନା ଷ୍ଟେସରେ ଥିବା ଏକ 100 ବର୍ଷର ପୁରୁଣା ଫୁଟ ଓଭରବ୍ରିଜ ଅନ୍ୟତମ । ଏହା ଛଡା ପୂର୍ବ କେନ୍ଦ୍ରୀୟ ରେଳପଥର ସମସ୍ତିପୁର ଡିଭିଜନରେ କେନାଲ କାମ  ପାଇଁ ବ୍ୟସ୍ତ ବ୍ୟାକୁଳ ବାବରଘାଟି ତିରସରାଇ ଲାଇନରେ ଏକ ସର୍ଭିସଗାର୍ଡର ଲଗାଯାଇଛି । ଏହାଛଡା ପୂର୍ବ ରେଳପଥର ଟଲ୍ଲାସ୍ଥିତ ଅସୁରକ୍ଷିତ ରୋଡ ଓଭରବ୍ରିଜକୁ ଭଙ୍ଗାଯାଇ ନୂଆ ବ୍ରିଜ କାମ ଚାଲିଛି ।  ଆଠ ପ୍ଲାନ ବିଶିଷ୍ଟ ଏହି ଓଭରବ୍ରିଜ 11ଟି ଟ୍ରାକ ଅତିକ୍ରମ କରି କୋଲକତା ଷ୍ଟେସନକୁ ସଂଯୋଗ କରୁଥିଲା । ସାଧାରଣ ସମୟରେ ଏହାକୁ ଭାଂଗିଥିଲେ ଟ୍ରାଫିକ ଚଳାଚଳକୁ ଦୀର୍ଘ ସମୟ ପର୍ଯ୍ୟନ୍ତ ବନ୍ଦ କରିବାକୁ ପଡିଥାନ୍ତା ।

************