সাইন্স অমসুং তেক্নোলোজী মন্ত্রালয়

সি.এ.আই.আর.না মরম কয়াদা শিজিন্ননবা মকোক্তা লৈবা হীদাক ২৫গী মশক খঙদোকখ্রে


ভাইরেল আর.এন.এ. পোলিমরেজগীদমক্তা খ্বাইদগী থাজবা হীদাক ওইরিবা ফেবিরপিরাবির অসি পাক-শন্না থিংজিনবা ঙমখ্রবা অমনি

হাইদরাবাদকী সি.এস.আই.আর.-আই.আই.তি.না ফেবিরপিরাবিরগীদমক খুদোংচানীংঙাই ওইরবা অমদি অহোংবা সিন্থেতিক প্রোসেস অমা শেমগৎখ্রে

Posted On: 30 APR 2020 7:25PM by PIB Imphal

 

সি.এস.আই.আর.না মাইয়োং কয়াদা তমথীরবা কোবিদ-১৯ লান্থেংনবদা মাংজিল থারি, অনৌবা হীদাকশিং শাবদা চহী ১০-১০ চংলগদবা ওইবনা থুনা অনাবা ফহনবদা মরম কয়াদা অমুক হন্না হীদাকশিংদু  শিজিন্নবা য়ানবা কন্না হোৎনরি। মালেমগী ওইনা হীদাক কয়া অমা কোবিদ-১৯গী মায়োক্তা কোরোনাভাইরসনা নারবশিংদা ফহনবা ঙম্ব্রা হায়বগী ক্লিনিক্কী ওইবা চাংয়েং তৌরি।

ভারত্তা কোরোনাভাইরসনা নারবা মীশিংদা হীদাকশিং ফংহন্নবা, সি.এস.আই.আর.না অমুক হন্না মরম কয়াদা শিজিন্ননবা মকোক ওইবা হীদাক ২০গী মশক খঙদোকখ্রে। মকোক থারিবা হীদাক ২৫গী মনুংদা, ফেবিরপিরাবির অসি পাক-শনবা মওংদা ভাইরেল আর.এন.এ. পোলিমরেজ থিংজিনবা ঙম্বা খ্বাইদগী থাজনীংঙাই ওইবা হীদাক অমনি। ফেবিরপিরাবির অসি ফুজী ফিল্ম তোয়ামা কেমিকেল লিমিতেদনা শাবা অমদি লোক লাইহৌগী অনা লায়েংনবগীদমক খনগৎলবা রসিয়া, চাইনা অমসুং জাপান্না য়োনবা হীদাক অমনি।

হাইদরাবাদকী সি.এস.আই.আর.-আই.আই.সি.তি.না ফেবিরপিরাবিরগীদমক খুদোংচানবা অমদি হোংনা ফংনবা সিন্থেতিক প্রোসেস অমা শেমগৎখ্রে।  ইন্দস্ত্রীগা কন্না হোৎনমিন্নবনা অমা ওইবনা, সি.এস.আই.আর.-আই.আই.সি.তি.না ফেবিরপিরাবিরগী  ফার্মা গ্রেদ এ.পি.আই.গী অপুনবা প্রোসেস অমদি মশিং মরাং কায়না মাংজিল থারিবা ফার্মাসিয়ুতিকেল কম্পনি সিপ্লাদা ত্রান্সফর তৌখ্রে।  ভারত্তা কোবিদ-১৯গী মায়োক্তা লান্থেনরিবা হীদাক অসি সিপ্লানা লোঞ্চ তৌদ্রিঙৈগী মমাংদা হান্না থীজিনখিগনি। ফেবিরপিরাবিরবু ভারত্তা  লোঞ্চ তৌনবগীদমক সিপ্লানা নিয়মগী ওইনা থৌবু ওইরিবা দি.জি.জি.আই.দা অয়াবা পীনবগীদমক হায়জখ্রে। ফেবিরপিরাবির অসি লোক লাইহৌগী লায়েংবদা শিজিন্নবা জেনেরিক ওইবা হীদাক অমনি অমসুং চাইনা, জাপান অমদি ইতালিগুম্বা লৈবাকশিংদা কোবিদ-১৯গীদমক মসি ক্লিনিকশিংগী ওইবা চাংয়েং তৌদুনা লৈরি।    আই.সি.এম.আর.গী তুংদা ওইরক্কদবা ফীভমশিংগী মখাদা সিপ্লানা প্রদক্ত অসি সিপ্লেঞ্জা হায়না মার্কেতিং তৌদ্রিঙৈগী মমাংদা চান্নবা চাংয়েং অমা পাংথোক্লগনি।

ভারতকী অমদি মালেমগী ওইনা মমল অহোংবা হীদাক্কীদমক সি.এস.আই.আর. অমসুং সিপ্লানা পুন্না থবক তৌমিন্নরকপগী শাংলবা ইতিহাস অমা লৈ। সি.এস.আই.আর.গী লেবোরেতরীশিংদা ঐচ.আই.ভি.গী জেনেরিক ওইবা হীদাকশিং শেম্নবা তেক্নোলোজী কয়া অমা শেমগৎখ্রে অমদি মীওই মিলিয়ন কয়াগী পুন্সি কনগদৌরিবা সিপ্লানা মালেম শীনবা থুংনা মায় পাক্না ঐচ.আই.ভি.না নারবা মীশিংদা শেল হোংনা লায়েংবা ফংহনখ্রে।  ফেবিরপিরাবিরগী ওইনা চপ মান্নবা মওংদা তৌগনি হায়না সরকারদা থাজবা পীখ্রে।

 

#সি.এস.আই.আর.কোবিদ-১৯লান্থেংনৈ



(Release ID: 1620390) Visitor Counter : 157