প্রধানমন্ত্রীগী লোইশঙ

প্রধান মন্ত্রীনা সিবিল এভিয়েসন সেক্তরগী মতাংদা খন্ন-নৈননবা য়েংশিনবগী মীফম অমা পাংথোকখ্রে

प्रविष्टि तिथि: 01 MAY 2020 5:53PM by PIB Imphal

প্রধান মন্ত্রী শ্রী নরেন্দ্র মোদীনা ভারতকী সিবিল এভিয়েসন সেক্তরবু হেন্না ইফিসিয়েন্ত ওইহনবদা মতেং ওইবা য়াবা লালোংশিং য়েংশিন্নবা মীফম অমা পাংথোকখ্রে। এয়রপোর্তশিংদা রিভেন্যু হেন্না জেনরেৎ তৌবগা লোয়ননা অহেনবা ইফিসেন্সী পুরক্নবগীদমক থা অহুমগী মনুংদা তেন্দর প্রোসেস লোইশিন্দুনা পি.পি.পি. বেসিস্তা অহেনবা এয়ারপোর্ত ৬ শিন্নবগী খোঙজং য়াংশিন্নবা সিবিল এভিয়েসন মন্ত্রালয়দা হায়খ্রে। ই-দি.জি.সি.এ. প্রোজেক্তসু য়েংশিনখি। প্রোজেক্ত অসিনা দি.জি.সি.এ.গী ওফিসতা অহেনবা ত্রান্সপরেন্সী পুরক্কনি অমদি তোঙান-তোঙানবা লাইসেন্সশিং/পর্মিসনশিংগীদমক প্রোসেসিংগী মতম হন্থন্দুনা স্তেকহোল্দর পুম্নমক্তা মতেং ফংলগনি। মসিমসু ৱারেপ লৌখি মদুদি সিবিল এভিয়েসন মন্ত্রালয় অমসুং মসিগী মখাদা লৈবা ওর্গনাইজেসনশিংনা লৌখৎলিবা রিফোর্ম ইনিসিয়েতিব পুম্নমক অকক্নবা মতমদা পায়খৎকদবনি। মীফম অসিদা হোম মিনিস্তর, ফাইনান্স মিনিস্তর, সিবিল এভিয়েসনগী রাজ্য মন্ত্রী, ফাইনান্সকী রাজ্য মন্ত্রী অমসুং ভারত সরকারগী মকোক থোংবা ওফিসিয়েলশিংনা শরুক য়াখি।

****


(रिलीज़ आईडी: 1620297) आगंतुक पटल : 191
इस विज्ञप्ति को इन भाषाओं में पढ़ें: English , Urdu , Marathi , हिन्दी , Bengali , Punjabi , Gujarati , Odia , Tamil , Telugu , Kannada , Malayalam