ਸਾਇੰਸ ਐਂਡ ਇੰਜੀਨੀਅਰਿੰਗ ਰਿਸਰਚ ਬੋਰਡ (ਸਰਬ- SERB) , ਜੋ ਕਿ ਭਾਰਤ ਸਰਕਾਰ ਦੇ ਵਿਗਿਆਨ ਅਤੇ ਟੈਕਨੋਲੋਜੀ (ਡੀਐੱਸਟੀ) ਵਿਭਾਗ ਦੀ ਇੱਕ ਕਾਨੂੰਨੀ ਸੰਸਥਾ ਹੈ, ਨੇ ਕੋਵਿਡ-19 ਮਹਾਮਾਰੀ ਨਾਲ ਨਜਿੱਠਣ ਲਈ ਮੈਥੇਮੈਟੀਕਲ ਮਾਡਲਿੰਗ ਅਤੇ ਕੰਪਿਊਟੇਸ਼ਨਲ ਪਹਿਲੂਆਂ ਬਾਰੇ ਮੈਟਰਿਕਸ ਸਕੀਮ ਦੇ 11 ਪ੍ਰੋਜੈਕਟਾਂ ਵਿੱਚ ਧਨ ਲਗਾਉਣ ਲਈ ਪ੍ਰਵਾਨਗੀ ਦੇ ਦਿੱਤੀ ਹੈ।

ਇਨ੍ਹਾਂ ਵਿੱਚੋਂ ਵਧੇਰੇ ਅਧਿਅਨਾਂ ਦਾ ਉਦੇਸ਼ ਕੋਵਿਡ-19 ਨਾਲ ਸਬੰਧਿਤ ਵੱਖ-ਵੱਖ ਖੇਤਰਾਂ ਦੇ ਮੈਥੇਮੈਟੀਕਲ ਸਿਮੂਲੇਸ਼ਨ ਮਾਡਲਾਂ ਦਾ ਅਧਿਐੱਨ ਕਰਨਾ ਹੈ ਅਤੇ ਇਸ ਦੇ ਲਈ ਬੇਸਿਕ ਐੱਸਆਈਆਰ (ਸਸੈਪਟਿਬਲ ਇਨਫੈਕਟਿਡ -ਰਿਕਵਰਡ) ਵਿੱਚ ਸੋਧ ਕਰਨੀ ਹੈ। ਇਨ੍ਹਾਂ ਵਿੱਚੋਂ ਕੁਝ ਕਾਰਕ ਆਬਾਦੀ ਦੀ ਵਿਲੱਖਣਤਾ, ਆਬਾਦੀ ਦੀ ਅਲੱਛਣੀ ਭੂਮਿਕਾ, ਪ੍ਰਵਾਸ ਅਤੇ ਕੁਆਰੰਟੀਨ, ਸਮਾਜਿਕ ਦੂਰੀ ਅਤੇ ਲੌਕਡਾਊਨ ਦਾ ਪ੍ਰਭਾਵ, ਸਮਾਜਿਕ-ਆਰਥਿਕ ਤੱਤ ਅਤੇ ਕਈ ਹੋਰ ਹਨ। ਇਨ੍ਹਾਂ ਅਧਿਅਨਾਂ ਦਾ ਮੁਢਲੇ ਤੌਰ ‘ਤੇ ਉਦੇਸ਼ ਭਾਰਤੀ ਹਾਲਾਤ ਦਾ ਜਾਇਜ਼ਾ ਲੈਣਾ ਹੈ। ਇਹ ਬੇਸਿਕ ਪ੍ਰਜਨਨ  ਨੰਬਰ ਦਾ ਇੱਕ ਅਨੁਮਾਨ ਪ੍ਰਦਾਨ ਕਰਨਗੇ - ਬਿਮਾਰੀ ਦੇ ਛੂਤਛਾਤ ਵਾਲੀ ਹੋਣ ਬਾਰੇ ਸੰਕੇਤ ਦੇਣਗੇ। ਇਹ ਭਵਿੱਖ ਦੀ ਮਹਾਮਾਰੀ ਬਾਰੇ ਮੌਜੂਦਾ ਮੁਹੱਈਆ ਅੰਕੜਿਆਂ ਦੇ ਅਧਾਰ ‘ਤੇ ਭਵਿੱਖਬਾਣੀ ਕਰਨ ਅਤੇ ਉਸ ਦੇ ਪ੍ਰਬੰਧਨ ਵਿੱਚ ਸਹਾਈ ਸਿੱਧ ਹੋਣਗੇ।

ਪ੍ਰਸਤਾਵਿਤ ਅਧਿਐੱਨ ਦਾ ਉਦੇਸ਼ ਵੱਧ ਤੋਂ  ਵੱਧ ਸੰਭਾਵਿਤ ਇਨਫੈਕਸ਼ਨ ਦੀ ਪਛਾਣ ਕਰਨਾ ਹੋਵੇਗਾ, ਜਦੋਂ ਇਨਫੈਕਸ਼ਨ ਦਾ ਪਤਾ ਲੱਗੇਗਾ ਅਤੇ ਸੰਪਰਕ ਨੈੱਟਵਰਕ ਢਾਂਚਾ ਪ੍ਰਬੰਧਨ ਕਾਫੀ ਹੱਦ ਤੱਕ ਨਿਸ਼ਾਨਾ ਬਣਾ ਕੇ ਪ੍ਰਸ਼ਾਸਨ ਦੀਆਂ ਕੋਸ਼ਿਸ਼ਾਂ ਨੂੰ ਘਟਾਉਣ ਲਈ ਜਾਣਿਆ ਜਾਂਦਾ ਹੈ। ਉਹ ਮਹਾਮਾਰੀ ਦੇ ਫੈਲਣ ਅਤੇ ਰੋਕਥਾਮ ਦੇ ਮੁੱਦਿਆਂ ਦੇ ਪ੍ਰਭਾਵ ਨੂੰ ਇੱਕ ਪੈਰਾਮੀਟ੍ਰਿਕ ਪੂਰਵ-ਅਨੁਮਾਨ ਪ੍ਰਕਿਰਿਆ ਰਾਹੀਂ ਹੱਲ ਕਰਨ ਦੇ ਯੋਗ ਹੋਵੇਗਾ। ਨਤੀਜੇ ਵਜੋਂ ਵਰਤਣ ਯੋਗ ਸੌਫਟਵੇਅਰ ਦੇ ਰੂਪ ਵਿੱਚ ਇੱਕ ਪੈਕੇਜਡ ਹੱਲ ਹੈ,  ਜੋ ਭਾਰਤ ਸਰਕਾਰ ਦੁਆਰਾ ਤਿਆਰ ਵਰਤੋਂ ਲਈ ਉਪਲਬਧ ਕਰਵਾਇਆ ਜਾ ਸਕਦਾ ਹੈ ਅਤੇ ਇਸ ਦੇ ਸੰਭਵ ਇਲਾਜ ਦੀ ਪਛਾਣ ਹੋ ਸਕੇਗੀ ਅਤੇ  ਕੋਵਿਡ-19 ਲਈ ਵੱਖੋ ਵੱਖਰੇ ਵਾਇਰਸਾਂ ਦੇ ਡੀਐੱਨਏ ਢਾਂਚਿਆਂ ਦਾ ਅਧਿਐੱਨ ਡੀਐੱਨਏ ਦੇ ਡਿਜ਼ਾਈਨ ਤਿਆਰ ਕਰਕੇ ਕੀਤਾ ਜਾਵੇਗਾ।

ਕੋਵਿਡ 19 'ਤੇ ਮੈਟ੍ਰਿਕਸ ਸਪੈਸ਼ਲ ਕਾਲ ਅਧੀਨ ਸਮਰਥਤ ਰੋਗ ਸੰਚਾਰ ਗਤੀਸ਼ੀਲ ਮਾਡਲਾਂ ਦਾ ਇਹ ਅਧਿਐੱਨ ਪੈਰਾਮੀਟਰ ਸੈੱਟਾਂ ਦਾ ਅੰਦਾਜ਼ਾ ਲਗਾਉਣ ਅਤੇ ਕੋਵਿਡ-19 ਦੇ ਫੈਲਣ ਦੀ ਨਿਯੰਤਰਣ ਵਿਧੀ ਨੂੰ ਮੁਹੱਈਆ ਕਰਨ ਵਿੱਚ ਸਹਾਇਤਾ ਕਰੇਗਾ ਅਤੇ ਪ੍ਰਭਾਵਸ਼ਾਲੀ ਉਪਾਵਾਂ ਨੂੰ ਪ੍ਰਭਾਸ਼ਿਤ ਕਰਨ ਵਿੱਚ ਫਰੰਟਲਾਈਨ ਸਿਹਤ ਪੇਸ਼ੇਵਰਾਂ ਅਤੇ ਨੀਤੀ ਨਿਰਮਾਤਾਵਾਂ ਦੀ ਸਹਾਇਤਾ ਕਰੇਗਾ।

ਮੈਟ੍ਰਿਕਸ ਸਕੀਮ ਤਹਿਤ ਪ੍ਰਸਤਾਵ ਲਈ ਸਰਬ ਦੀ ਵਿਸ਼ੇਸ਼ ਕਾਲ ਅਧੀਨ ਪਹਿਲੇ ਪੜਾਅ ਵਿੱਚ ਦੇਸ਼ ਭਰ ਵਿੱਚੋਂ ਬਹੁਤ ਸਾਰੀਆਂ ਤਜਵੀਜ਼ਾਂ ਪ੍ਰਾਪਤ ਹੋਈਆਂ ਹਨ -

ਅਲਾਟ ਕੀਤੇ ਗਏ ਪ੍ਰੋਜੈਕਟ ਇਸ ਤਰ੍ਹਾਂ ਹਨ

ਕੋਵਿਡ-19 ਅਤੇ ਇਸ ਦੇ ਨਿਯੰਤਰਣ ਦੇ ਟ੍ਰਾਂਸਮਿਸ਼ਨ ਡਾਇਨਾਮਿਕਸ ਦੀ ਮੈਥੇਮੈਟਿਕਲ ਮਾਡਲਿੰਗ

ਕੋਵਿਡ-19 ਦੇ ਫੈਲਣ ਦੀ  ਬੇਸੀਅਨ ਵਿਅਕਤੀਗਤ ਪੱਧਰ ਦੀ ਮਾਡਲਿੰਗ 

ਕੋਵਿਡ-19 ਦੇ ਸੰਭਾਵਤ ਇਲਾਜ ਦੀ ਡੀਐੱਨਏ ਢਾਂਚੇ ਦੇ ਇਟਰੇਟਡ ਫੰਕਸ਼ਨ ਸਿਸਟਮ ਰਾਹੀਂ ਪਛਾਣ

ਮਹਾਮਾਰੀ ਦੇ ਫੈਲਣ ਲਈ ਮਲਟੀ-ਕਲਸਟਰ ਮਾਡਲ ਅਤੇ ਜਾਇਜਾ ਡੈਟਾ ਦੁਆਰਾ ਚਲਾਏ ਗਏ  ਪੈਰਾਮੀਟਰਾਈਜੋਸ਼ਨ ਉੱਤੇ ਅਧਾਰਿਤ ਰਿਤ ਹੈ