সাইন্স অমসুং তেক্নোলোজী মন্ত্রালয়
লল্লোন ইতিক্কী ওইবা মওংদা তৌনবগীদমক্তা ইলেক্ত্রোস্তেতিক দিসইনফেক্সন তেক্নোলোজী ত্রান্সফর তৌখ্রে
Posted On:
29 APR 2020 12:44PM by PIB Imphal
সি.এস.আই.আর.-সেন্ত্রেল সাইন্তিফিক ইন্সত্রুমেন্তস ওর্গনাইজেসন (সি.এস.আই.আর.-সি.এস.আই.ও.), চন্দীগরনা খংহৌ হৌরকপা কোরোনা অসিবু থেংননবা নীংথিজনা মপুং ওইনা লৌনহন্দনবা অমদি মহিক-মতাইশিং হাৎননবা অনৌবা তেক্নোলোজী অমা দিজাইন তৌদুনা শেমখ্রে। সি.এস.আই.আর.-সি.এস.আই.ও.না মসিগী তেক্নোলোজী অসি কম্মর্সিএলাইজেসন অমদি লার্জ-স্কেল প্রদক্সনগীদমক নাগপুরদগী কম্পেনী রাইৎ ৱাতর সোলুসন্না মফম অমদগী মফম অমদা হোংদোকখিবনি। মসিগী তেক্নোলোজী অসি য়াম্না নীংথিজনা অমদি ফহন্নবগী মওংদা কোরোনাভাইরস অমসুং পেথোজেনশিংবু ফহল্লি হায়না সি.এস.আই.আর.-সি.এস.আই.ও.গী সাইন্তিস্তশিংনা হায়খি।
ইলেক্ত্রোস্তেতিক দিসইনফেক্সন মেচিন অসি ইলেক্ত্রোস্তেতিক প্রীন্সিপলদা য়ুম্ফম ওইরগা শেমগৎপনি। মসিনা মাইক্রোওর্গানিজমশিং অমদি ভাইরসশিং হাৎনবা মাইক্রোমীতর ১০-২০গী রেঞ্জদা লাইনা লৌনদনবশিং চাং মান্ননা কুপ্না মরিক-মরিক থোকহল্লি। অপীকপা মরিকশিং ওইবা মরম্না, স্প্রে দ্রোপলেৎ অসি পীকপনা, তমথিবা মাইক্রোওর্গানিজমশিং অমদি কোরানাভাইরস য়ৌহনবা ঙম্বা স্প্রে দ্রোপলেৎশিংগী সর্ফেস এরিয়া হেনগৎহল্লি। মসিগী মেচিন অসি কনভেন্সনেল মেথদশিংদা চাংদম্নবদা য়াম্না পীকপা হন্থবা লাইনা লৌনদনবা মচাকশিং শিজিন্নৈ। মসিনা অকোয়বদা লৈরিবা নেচরেল রিসোর্সশিং কল্লি অমদি কেমিকেলগী ওইবা ফত্ত-হৌদিশিংসু হেনগৎতবগা মান্নৈ।
“লাইনা লৌনদনবগী মেছিন্দগী থোরকপা চার্জ তৌরবা মরিকশিংগী মমাংদা ভাইরসশিং থিবদা ওইথোকপা ৱাৎলবা পোৎ অমদি লোত্তুনা লৈরিবা মফমশিংদা মান্নবা মওংদা নীংথিনা ফহনবা অমদি ইথিলগা লোয়ননা য়ৌহল্লি অমসুং মহিক হাৎনবা হিদাক্কী মরিকশিং অদু ভাইরস অরোৎপা মফমদা য়ৌহল্লি, মতৌ অসুম্না মসিনা য়াম্না অফবা মওংদা শৌগৎলকপা পেথোজেনশিংবু হাৎলি” হায়না তেক্নোলোজীগী সেনিয়র সাইন্তিস্ত অমদি ইন্নোভেতর দা.মনোজনা হায়খি।
তেক্নোলোজী ত্রান্সফর তৌবগী এগ্রীমেন্ত অসি রাইৎ ৱাতর সোলুসনগী দিরেক্তর অভিজিৎ অমদি সি.এস.আই.আর.-সি.এস.আই.ও., চন্দীগরগী ব্যুজিনেস হৌদোকখিবা অমদি প্রোজেক্ত থৌরাংবা ওইরিবা দা.সুরেন্দর সিংহ সাইনিনা খুৎয়েক পীনখি। তেক্নোলোজী ত্রান্সফরগী থৌরম অসি পার্তী অনীমক্কী মরক্তা ভিদিও কনফরেন্সিং পাংথোকখি। সি.এস.আই.আর.-সি.এস.আই.ও.গী দিরেক্তর দা.সঞ্জয় কুমার অমদি বিভাগকী অতোপ্পা মকোকশিংসু থৌরম অদুদা য়াওখি।
“মীয়ামগী ওইবা মফমশিং মরুওইনা অনা লায়েংশঙশিং, পাউলত্রী, ত্রেন অমদি বসশিং, এয়রপোর্ত অমদি এয়রপ্লেনশিং, ওপিসশিং, ক্লাসরুমশিং অমসুং হোতেলশিংদা ইলেক্ত্রোস্তেতিক্না লাইনা লৌনদনবশিং অমদি মহিক-মতাইশিং হাৎননবা চাইথোকপগী ইন্নোভেতিব ওইবা ৱাখল্লোনশিং অসি পুদুনা লাক্লি। মসিনা হকচাং ফবা পুন্সি মরেল অমদি মীয়ামগী হকচাং ফনবগা হকথেংননা ভারত সরকারগী স্বস্থ ভারত মিসনগা হকথেংননা শম্নহনবদা থৌদাং লৌই” হায়না সি.এস.আই.আর.-সি.এস.আই.ও. চন্দীগরগী দিরেক্তরনা হায়রম্মি।
“ইলেক্ত্রোস্তেতিক্না স্প্রে তৌবগী মখল-মখা তেক্নোলোজী অসি মাংজৌননা তোঙান-তোঙানবা ইন্দস্ত্রী অমদি ইলেক্ত্রোস্তেতিক তিলহাৎ হীদাকশিংগী স্প্রেয়র, ইলেক্ত্রোস্তেতিক ওইবা উফুলশিং লৌথোক্নবা অমদি অকোয়ববু ঙাক-শেন্নবা খুৎলাই ওইনা মীয়াম্না শিজিন্নবশিং মাংজৌননা ত্রান্সফর তৌখ্রে” হায়না দা সুরেন্দর সিংহ সাইনিনা হায়খি। (ইন্দিয়া সাইন্স ৱায়র)
(অহেনবা ই-পাওগীদমক্তা পাউ ফাওবীরকউ: দা. সুরেন্দর সিংহ সাইনী, ই-মেল: sssaini@csio.res.in)
****
(Release ID: 1619647)
Visitor Counter : 215