نئی دہلی، 28اپریل2020،دنیا بھر میں ایسے 6 علاقائی مخصوص موسمیاتی مراکز (آر ایس ایم سی)اور 5 علاقائی حاراتی سمندری طوفان کی پیشگی خبر دینے والے مراکز (ٹی سی ڈبلیو سی)، مصروف عمل ہیں، جو حاراتی سمندری طوفانوں کو نام دینے اور اُن سے متعلق مشاورت نامے جاری کرنے کےلئے مجاز ہیں۔ بھارت کا محکمہ موسمیات مذکورہ 6آر ایس ایم سی کے زمرے میں آتا ہے، جو بنگلہ دیش، بھارت، ایران، مالدیپ ، میانمار، عمان، پاکستان، قطر، سعودی عرب، سری لنکا، تھائی لینڈ، متحدہ عرب امارات اور یمن سمیت 13 رکن ممالک کو ڈبلیو ایم او ؍ای ایس سی اے پی پینل کے تحت حاراتی سمندری طوفان اور طوفانوں سے متعلق مشاورت نامے جاری کرتا ہے۔ آر ایم ایس سی واقع نئی دلی بھی ایک ادارہ ہے، جسے خلیج بنگال (بی او بی) اور بحر عرب (اے ایس) سمیت شمالی بحر ہند (این آئی او) کے سلسلے میں حاراتی سمندری طوفانوں کو  نام دینے کا اختیار حاصل ہے۔

حاراتی سمندری طوفانوں کو نام دینے سے سائنٹفک برادری، تباہ کاری سے نمٹنے کے منتظمین، میڈیا اور عوام الناس کو درج ذیل امداد حاصل ہوتی ہے:

*ہر ایک سمندری طوفان کی شناخت

*اس کی ترقی اور پھیلاؤ کے تئیں بیداری

*اگر کسی خطے پر ایک سے زیادہ اور شانہ بہ شانہ طوفان آتا ہے، تو اس سے متعلق شبہات کا ازالہ

*کسی ٹی سی کو آسانی سے یاد رکھا جاسکتا ہے

*بڑی تعداد میں متعلقہ افراد تک تیزی اور اثرانگیزی کے ساتھ پیشگی خبرکی ترویج ممکن ہوتی ہے

لہذا مختلف سمندروں کے طاسوں پر پیداہونے والے حاراتی سمندری طوفانوں کے سلسلے میں انہیں متعلقہ آر ایس ایم سی اور ٹی سی ڈبلیو سی کے ذریعے معنون کیا جاتا ہے۔ خلیج بنگال اور سعودی عرب سمیت شمالی بحر ہند کے لئے آر ایس ایم سی واقع نئی دلی  معیاراتی ضوابط اپنا کر حاراتی سمندری طوفانوں کو اپنا کر نام دیتا ہے۔ ڈبلیو ایم او ؍ای ایس سی اے پی پینل،  جس کا تعلق حاراتی سمندری طوفانوں سے ہے، نے سلطنت عمان میں  2000 میں مسقط میں منعقدہ اپنے 27ویں اجلاس میں اس امر پر اصولی طور پر اتفاق کیا تھا کہ خلیج بنگال اور بحرعرب میں آنے والے حاراتی طوفانوں کو وہ نام دے گا۔ رکن ممالک کے مابین گفت و شنید کے بعد شمالی بحر ہند پر چھانے والے حاراتی طوفانوں کو نام دینے کا کام ستمبر 2004سے شروع ہوا۔ اس فہرست میں 8 ڈبلیو ایم او؍ای ایس سی اے پی پی ٹی سی رکن ممالک یعنی بنگلہ دیش، بھارت، مالدیپ، میانمار، عمان، پاکستان، سری لنکا اور تھائی لینڈ میں مجوزہ نام شامل ہیں۔اس فہرست میں شامل تقریباً تمام تر نام،  سوا آخری نام (امپھان)،تا حال استعمال میں آ چکے ہیں۔

ڈبلیو ایم او ؍ای ایس سی اے پی  پی ٹی سی کے 45ویں اجلاس کے دوران جو ستمبر 2018 میں مسقط، عمان میں منعقد ہوا تھا، یہ فیصلہ کیا گیا تھا کہ 5 نئے رکن ممالک یعنی ایران، قطر، سعودی عرب، متحدہ عرب امارات اور یمن (مجموعی طور پر 13رکن ممالک)، کی نمائندگی سمیت  حاراتی سمندری طوفانوں کی ایک نئی فہرست تیار کی جائے۔ ڈبلیو ایم او ؍ ای ایس سی اے پی پی ٹی سی نے اپنے اجلاس کے دوران بھارتی محکمہ موسمیات کے ڈاکٹرمرتیونجے کو پینل رکن ممالک کے مابین تال میل پیدا کرنے کے لئے رابطہ کار کے طور پر نامزد کیاتھا اور انہیں یہ ذمہ داری بھی سونپی گئی تھی کہ وہ معیاری ضوابط پر عمل کرتے ہوئے لسٹ کو حتمی شکل دیں گے اور نفاذ کے منصوبے کے سلسلے میں بھی تجویز پیش کریں  گے۔ رابطہ کار کی رپورٹ ابتدائی طور پر بھارت کی جانب سے 9سے13ستمبر 2019 کے دوران میانمار کے نے پائیتا میں منعقدہ 46ویں ڈبلیو ایم او ؍ ای ایس سی اے پی، پی ٹی سی  اجلاس میں پیش کی گئی تھی۔ گفت و شنید کے بعد اس رپورٹ کو ڈبلیو ایم او ؍ ای ایس سی اے پی، پی ٹی سی نے اپریل 2020 میں اتفاق رائے اختیار کر لیا تھا۔

پی ٹی سی رکن ممالک کےذریعے ناموں کے انتخاب کےلئے درج ذیل کسوٹی اپنائی گئی تھی:

1.مجوزہ نام اپنی نوعیت کے لحاظ سے سیاست اور سیاسی شخصیات کے ناموں قطعی علیحدہ ہونا چاہئے، اس میں مذہبی اعتقادات، ثقافت، صنف وغیرہ کا دخل بھی نہیں ہونا چاہئے۔

2.نام اس انداز سے منتخب کیا جانا چاہئے کہ یہ دنیا کی آبادی کے کسی بھی گروپ کے جذبات کو ٹھیس نہ پہنچائے۔

3.اسے اپنی نوعیت کے لحاظ سے از حد سخت اور سفاک نہیں ہونا چاہئے۔

4.یہ مختصر تلفظ میں آسان ہونا چاہئے اور کسی رکن کے لئے باعث اشتعال نہ ہونا چاہئے۔

5.نام کی زیادہ سے زیادہ طوالت 8حروف پر مشتمل ہو سکتی ہے۔

6.مجوزہ نام کو اس کے تلفظ اور صوتی تلفظ کے ساتھ فراہم کیا جانا چاہئے۔

7.پینل کے پاس یہ حقوق محفوظ ہوں گے کہ وہ کسی بھی نام کو اُس صورت میں رد کرسکتا ہے، جب اس کےانتخاب کے لئے مجوزہ کسوٹی نہ اپنائی گئی ہو۔

8.جن ناموں کو حتمی شکل دی گئی ہے، اُن پر وقوت گزرنے کے ساتھ یعنی نفاذ کے وقت کے دوران نظرثانی کی جا سکتی ہے اور اس کے لئے سالانہ اجلاس میں پی ٹی سی سے منظوری لی جا سکتی ہے۔ یہ عمل اُسی صورت میں ہوگا، جب کسی رُکن کی جانب سے کوئی واجب اعتراض داخل کیاجائے۔

9.شمالی بحر ہند پر چھانے والے حاراتی طوفانوں کے نام دوہرائے نہیں جائیں گے۔ ایک مرتبہ استعمال کے بعد اس کا دوبارہ استعمال نہیں ہوگا۔ لہذا نام نئے ہونا چاہئے۔آر ایس ایم سی واقع نئی دلی سمیت دنیا بھر میں واقع آر ایس ایم سی کی موجودہ فہرست یا پہلےسے موجود کسی فہرست میں اس طرح کےنام کا تذکرہ نہیں ہونا چاہئے۔

لہذا ڈبلیو ایم او ؍ ای ایس سی اے پی ، پی ٹی سی کے ذریعے جن ناموں کو حتمی شکل دی گئی ہے، ان کی نئی فہرست ضمیمہ-1 میں دی گئی ہے۔اس سے قبل 2004 میں  شامل کئے گئے ناموں کی فہرست ضمیمہ -2 میں شامل ہے۔ موجودہ فہرست میں  مجموعی طور پر 169نام شامل ہیں، جن میں 13 نام 13ڈبلیو ایم او، ای ایس سی اے پی، رکن ممالک کی جانب سے فراہم کئے گئے ہیں۔ وقتاً فوقتاً عوام الناس کی جانب سےبھارت میں جو نام تجویز کئے جاتے ہیں، اُن پر آئی ایم ڈی کی جانب سے تشکیل کردہ کمیٹی نے انہیں حتمی شکل دینے کے لئے غوروفکر کیا اور معقول ناموں کوبھارت کی جانب سے پیش کی جانے والی ناموں کی مجوزہ فہرست میں شامل کیا گیا تھا۔ (ضمیمہ-1)۔

ڈبلیو ایم او؍ ای ایس سی اے پی، رکن ممالک کی جانب سے اپریل 2020 میں اختیار کئے گئے حاراتی سمندری طوفانوں کے ناموں کی نئی فہرست

ان کا استعمال سابقہ فہرست میں دیئے گئے امپھان نام کے استعمال کے بعد کیاجائے گا

نوٹ:

1.پینل اراکین کے نام ملک کے لحاظ سے حروف تہجی کا لحاظ رکھتے ہوئے فہرست بند کئے گئے ہیں

2.ناموں کا استعمال کام میں دی ترتیب کے لحاظ سے ہوگا

3.پہلا نام کالم کی پہلی قطار سے شروع ہوگا اور ترتیب وار آخری قطار تک کالم 13 تک جائے گا

4.جدول کا استعمال صرف ایک مرتبہ کیا جائے گا

ضمیمہ -2

ماہ ستمبر 2004 میں ڈبلیو ایم او ؍ ای ایس سی اے پی پینل رکن ممالک نے جن حاراتی سمندری طوفان کے نام استعمال کئے تھے، ان کی فہرست

دسمبر 2019 تک استعمال شدہ ناموں کو سُرخ رنگ سے لکھایا گیا ہے۔

۔۔۔۔۔۔۔۔۔۔۔

م ن۔ک ا۔

U-2109