হ্যুমেন রিসোর্স চাউখৎ-থৌরাংগী মন্ত্রালয়

আই.আই.তি. বোম্বেগী মহৈরোইশিংনা লুচিংবা তীম অমনা মমল য়াম্না চংদবা রুহদার কৌবা মেকানিকেল ভেন্তিলেতর পুথোকখ্রে
দিজাইন ইনোবেশন সন্তর, আই.য়ু.এস.তি., পুলৱামাদা দিজাইন অসি শাগৎখি

Posted On: 26 APR 2020 2:05PM by PIB Imphal

সরকারনা হায় মদুদি “কোবিদদ-১৯ ইনফেক্সনগী কর্ব অসি নেমথবা হৌরক্লে অমসুং লাইচৎ অসি শন্দোরকপদগী লাকশিনবা ঙম্লে”।

হকশেল মন্ত্রালয়গী মতুং ইন্না লাইনা অসিনা নারবা মীওইশিং অদুগী মরক্তা চাউরাক্না ৮০%দি নারবসু কাহেন্না শাথিরোই, চাউরাক্না ১৫%না ওক্সিজেন সপোর্ত মথৌ তাগনি অমসুং লেমহৌরিবা খরা হেন্না লুশিল্লবা নত্ত্রগা শাথিবা ফিভমদা লৈবা ৫%দি ভেন্তিলেতরগী মথৌ তাগনি।

অসিনা মরম ওইরগা ভেন্তিলেতরশিং অসি লাইনা অসিনা নারবা পেসেন্তশিং লায়েংবদা মথৌ তাবা মেদিকেল ইনফ্রাস্ত্রকচরগী য়াম্না মরু ওইবা কম্পোনেন্ত অমনি।

হায়রিবশিং অসি খন্থরবা মতুংদা, সরকারনা মাইকৈ অনি ফাংবা খোংথাং লৌখৎলিবনি, দোমেস্তিক মেন্যুফেকচরিং কেপাসিতী হেনগৎহনবা অসিগা লোইনা লোইননা মেদিকেল সপ্লাইশিংগীদমক্তা মালেম শিনবা থুংনা থিদুনা হোৎনবা। এপ্রিল ২৫, ২০২০দা পাংথোকখিবা গ্রুপ ওফ মিনিস্তরসগী মীফম অদুদা পীখিবা অপদেৎ অদুগী মতুং ইন্না দোমেস্তিক মেন্যুফেকচররশিংনা ভেন্তিলেতরশিং শাবগী থবক হান্নদগী পাইখৎপা হৌখ্রে অমসুং মেন্যুফেকচরর মাপনদা য়ুনিৎ ৫৯,০০০গী মথক্তা হেনবা ওর্দরশিং পীবা হৌখ্রে।

মসিগী মতাংদা, অসিগুম্বা চিরবা তাঞ্জা অসিদা ভারতকী অনৌবা পুথোক্নবগী অমসুং শেমগৎ-শাগৎনীংবগী ৱাখল্লোনশিং অসিনা অফবা মহৈ পুরকপা অসি য়াম্না নুংঙাইনীংঙাই ওইবা ৱাফমনি। সাইন্তিফিক কম্যুনিতী পুম্নমক, সি.এস.আই.আর. য়াওনা অমসুং মখোয়গী ৩০ হেনবা লেবশিং, আই.আই.তি.শিং অমসুং প্রাইবেৎ সেক্তর অমসুং সিভিল সোসাইতীদগী অসিগুম্বা ইন্সতিত্যুৎশিং কয়া অমনা পাম্বৈ কয়া অমা পুথোরক্তুনা লাইচৎ অসিগী মায়োক্তা লান্থেংনবদা মখোয়গীসু থৌদাং খরা মখৈদি য়াওরিবনি।

আই.আই.তি. বোম্বে, এন.আই.তি. শ্রীনাগর অমসুং ইস্লামিক য়ুনিভর্সিতী ওফ সাইন্স & তেক্নোলোজী (আই.য়ু.এস.তি.), আৱন্তিপোরা, পুলৱামা, জম্মু এন্দ কশ্মীরগী ইঞ্জিনীয়রিং মহৈরোইশিংগী তীম অসি ভেন্তিলেতর মথৌ তাবদগী মায়োক্নরিবা অৱাবা অসিবু কোকহন্নবগীদমক্তা মমাং থাদুনা চোংথোরক্লিবা অদুগুম্বা খুৎশা হৈথোই-শিংথোইরবা মীওইশিংগী কাংলুপ্নি। তীম অসিনা মফম অসিদা ফংবা মচাকশিং শিজিন্নরগা শাবা মমল হোংবা ভেন্তিলেতর অমা পুথোরকখ্রে।

https://static.pib.gov.in/WriteReadData/userfiles/image/Ruhdaar118Y1.jpg

 

তীম অসিনা দেরুহদার ভেন্তিলেতর হায়না মিংথোনবা ভেন্তিলেতর অসি করম্না পুথোরকখিবনো হায়বগী মতাংদা ৱাফম খরদং মসিদা পীরি। প্রোজেক্ত অসিগী হেদ ওইরিবা জুলকার্নৈন, আই.আই.তি. বোম্বেগী ইন্দস্ত্রিয়েল দিজাইন সেন্তরগী ফার্স্ত-ইয়রগী মহৈরোই অসি লাইচৎ অসিনা মরম ওইরগা ইন্সতিত্যুৎ অদু থিংখিবদগী মরমদম কশ্মীরদা চৎখিরম্মি। লাইচৎ অসিনা খুমাং চাউশিল্লকপদা মফম অদুদা লৈরিবা ফিভম অদু হকথেংননা খঙবা মতমদা মহাক্না কশ্মীর তম্পাক্তা ভেন্তিলেতর ৯৭ খক্তমক লৈ হায়বা খঙলম্মি। মহাক্না মসিগী হেন্না মথৌ তারকখিগনি হায়বা উবা ফংখি অমসুং ভেন্তিলেতরশিংগী অৱাৎপা লৈবা অসিগী মতাংদা মীয়ামগীদমক্তা ওইনা অচৌবা অৱাবগী মচাক অমা ওইরম্মি।

মরম অসিদগী জুলকার্নৈননা আই.য়ু.এস.তি., আৱন্তিপোরাদগী মহাক্কী মরূপ পি.এস.শোইব, আসিফ শাহ অমসুং শাকার নেহৱি অমসুং এন.আই.তি. শ্রীনাগরদগী মাজিদ কৌলগা লোইননা তীম শেমগৎখি। আই.য়ু.এস.তি.দা লৈবা দিজাইন ইনোবেশন সেন্তর (দি.আই.সি.)দগী মতেং লৌদুনা তীম অসিনা মফম অসিদা ফংবা মচাকশিং শিজিন্নদুনা মমল হোংবা ভেন্তিলেতর অমা দিজাইন তৌবা ঙমখি। মখোয়গী অহানবা পান্দমদি হান্নদগী চাংয়েং তৌদুনা শিজিন্নরবা দিজাইন অমগী মতৌ তমদুনা শাবনি অদুবু মখোয়না মসিগী মতাংদা থবক তৌবা হৌরকপদগী মখোয়না মশাগী ওইবা ভেন্তিলেতরগী দিজাইন অমা পুথোকপা ঙমখি।

জুলকার্নৈননা হায় মদুদি “প্রোতোতাইপ অসি শাবদা তীম অসিনা লুপা ১০,০০০ চংখি অমসুং মসি মায়াম পুথোরকপা মতমদদি মমল অসি হেন্না তাথরক্কনি।” মহাক্না হায় মদুদি হোস্পিতালশিংদা শিজিন্নরিবা অতাংবা মখলগী ভেন্তিলেতরশিংদা লুপা কয়া অমা পী, “রুহদারনা মথৌ তাবা ফংস্নেলিতীশিং কোবিদ-১৯না নারবা অরুবা ফিয়মদা লৈরিবা পেসেন্তশিংগী পুন্সি কন্নবা মথৌ তাবা ব্রীদিং সপোর্ত মতিক চানা পীবা ঙম্মি।”

মখাতানা লৌখৎকদৌরিবা খোংথাংশিংগী মতাংদা পল্লদুনা জুলকার্নৈননা হায়খি “তীম অসিনা হৌজিক প্রোতোতাইপ অসিগী মেদিকেল তেস্তিংগীদমক্তা চৎলগনি। অয়াবা হেক ফংবগা, ময়াম পুথোক্নবগীদমক্তা পুরগনি। হোৎনরিবা থবক অসি অপীকপা ইন্দস্ত্রীনা পুথোকপা য়ানবগীদমক্তনি। তীম অসিনা পোৎথোক অদুগী শেন্দোং অমত্তা লৌজরোই”

https://static.pib.gov.in/WriteReadData/userfiles/image/Ruhdaar2P0PE.jpg

 

তীম অসিনা মরু ওইনা থেংনখিবা অৱাবা অদুদি রিসোর্সশিংগী অৱাৎপা লৈখিবা অদু খক্তনি হায়না জুলকার্নৈননা হায়খি। তীম অসিনা মেস্সাচুসেৎস ইন্সতিত্যুৎ ওফ তেক্নোলোজী, য়ু.ঐস.এ.না পুথোরকপা দিজাইনসু য়াওনা দিজাইন কয়া অমা চাংয়েং তৌখি। রিসোর্শকী অৱাৎপা লৈবা অসি খল্লগা তীম অসিনা মখোয়গী মমল লিক্না চংবা দিজাইন অসি পুথোরকখিবনি। দিজাইন অসি য়াম্না এদভান্স ওইরবা সোফৱেয়র শিজিন্নদুনা শাখিবনি অমসুং তীম অসিনা পুথোরক্লিবা ফল অসিদা অপেনবা ফাওই হায়না মহাক্না হায়খি।

আই.য়ু.এস.তি.গী এলুম্নস অমসুং সীমকোর তেক্নোলোজীগী সি.ই.ও. ওইরিবা আসিফনা হায় মদুদি “ঐখোয়না খনখিবা অদুদি হান্নদগী শিজিন্নরিবা ভেন্তিলেতর অসিগী মহুত্তা অহোংবা মমলগী ভেন্তিলেতর অমা দিজাইন তৌবা অমসুং পুথোকপা হায়বসিনি। ঐখোয়গী তীম্না শম্না হায়রবদা তাইদেল ভোল্যুম, ব্রেধস পর মিনিৎ অমসুং ইন্সপিরেতরী: এক্সপিরেতরী রেসিও অমসুং মসিনা ওপরেৎ তৌরিঙৈ মনুংদা লেপ্তনা প্রেসর মোনিতর তৌনবা বেসিক পেরামীতরশিংগী কন্ত্রোল মাইপাক্না তৌবা ঙম্লে।”

https://static.pib.gov.in/WriteReadData/userfiles/image/Ruhdaar493FF.jpg

 

দি.আই.সি., আই.য়ু.এস.তি.গী কোওর্দিনেতর, দা. শাহকর অহমদ নাহৱিনা হায়খি মদুদি তেংবাংগী য়াম্না মথৌ তারবা পুংজা অসিদা খুনাই অসিদা কান্নগদবা থবক খরদা ওইরবসু তৌরমগে হায়বগী অপাম্বনা থৌনা হাপ্লবা নহাশিংগী তীম্নি। মহাক্না হায়খি মদুদি ভেন্তিলেতর অসি ইঞ্জিনীয়রিংগী মিৎয়েংদগীদি মপুং ফানা মথৌ পাংথোক্লে অদুবু মেদিকেল কম্যুনিতীনা ক্লিয়রেন্স অমসুং ভেলিদেশন তৌবগী মথৌ তাই।

প্রোফেসর, দিপার্তমেন্ত ওফ মেকানিকেল ইঞ্জিনীয়রিং, আই.য়ু.এস.তি., দা. মাজিদ ঐচ. কৌলনা হায়খি মদুদি য়াম্না লিক্না মমল য়াম্না চংদনা শাখিবা ভেন্তিলেতর অসি দি.আই.সি.দা ফংবা কমপোনেন্তশিং শিজিন্নদুনা পুথোকখিবনি। প্রোতোতাইপ অসি মাইপাক্নবা হোৎনবদা মরু ওইনা সেন্তর অসিদা লৈরিবা ৩-দি. প্রিন্তিং অমসুং লেজর-কত্তিং তেক্নোলোজীশিংগী চাউরবা মতেং য়াওরিবনি। সেন্তর অসি ভারত সরকারগী হ্যুমেন রিসোর্স দিবেলপমেন্ত মন্ত্রালয়গী মখাদা হৌদোকখিবা থবক অমনি।



(Release ID: 1618723) Visitor Counter : 32