তোঙান তোঙানবা ন্যুমরিকেল ৱেদর প্রেদিক্সন মোদেলশিং অমসুং অকোইবগী অমসুং থর্মো-দাইনামিকেল ওইবা ফিভম খরা মফম অসিদা ওইরক্লিবসিগী  ওইনা মাংজৌননা হায়রকপা ৱারোলগী মতুং ইন্না এপ্রিল ৩০, ২০২০গী মতম অসিৱাইদা খাথংবা অন্দমান সী অমসুং মনাক নকপা মফমশিংদা লো প্রেসর এরিয়াগী ফিভম ওইগনি হায়রি। 

পুং ৪৮গী মনুংদা হায়রিবা ফিভম অসি হেঞ্জিল্লক্কনি অমসুং এপ্রিল ৩০-মে ৩, ২০২০গী মনুংদা অৱাং-অৱাংনোংচুপ লোমদা চৎপা হৌরগা অমুক অৱাং-অৱাংনোংপোক্লোমদা অন্দমান অমসুং নিকোবর ইথৎকী মতাই অমসুং  ইথৎসিদগী অমুক চত্থোকখিগনি।

ইন্দিয়া মেতের‍্যোলোজিকেল দিপার্তমেন্তকী সাইক্লোন লাক্কনি হায়না খঙহনবা মশানা থৌওং অসি লেপ্তনা য়েংশিন্দুনা লৈরি অমসুং মরী লৈনবা রাজ্য সরকারশিংদা চাং নাইনা ই-পাউ পীরি।

ফিভম অসিনা অন্দমান অমসুং নিকোবর ইথৎ অমসুং অকোইবদা লৈবা মফমশিংদা মখাদা পীরিবা খুদোংথীনীংঙাই ওইবা ঈশিং নুংশিৎকী মওং কয়া থোকপা য়াই:

ৱার্নিং:

১. নোং চুবা: এপ্রিল ৩০দা নিকোবর ইথৎকী মফম অয়াম্বদা পানা অমসুং ময়াই ওইবা নোং চুগনি অমসুং মফম খরদা অকনবা নোং চুগনি। মরী লৈনবা মফমশিংদা নোং চুবগী চাং অসি মখা তারকপা নুমিৎশিংদা নোং চুবগী চাং অসি হেনগৎলক্তুনা মে ১দা পানা চুবদগী ময়াই ওইরপ্না চুরক্কনি অমসুং মী য়াম্না তাদবা অন্দমান অমসুং নিকোবর ইথৎকী নোং কন্না চুরম্বা মফমশিংদা হেন্না কন্না চুরক্কনি অমসুং মে ২দা অন্দমান অমসুং নিকোবর ইথৎকী মফম খরদা নোং য়াম্না কন্না চুগনি। 

২. নুংশিৎ শিৎপগী ৱার্নিং: এপ্রিল ৩০ অমসুং মে ১, ২০২০দা সুমাত্রা তোর্বানগী অৱাংদা, খা থংবা অন্দমান সমুদ্র, নিকোবর ইথৎ  অমসুং বে ওফ বেঙ্গলগী খা-নোংপোক থংবা মফমশিংদা পুংদা কিলোমীতর ৪০-৫০ শিৎলম্বদগী খঙহেন হেনগত্তুনা পুংদা কিলোমীতর ৬০গী চাংদা  নুংশিৎ শিৎকনি অমসুং মে ২ অমসুং মে ৩দনা অন্দমান সমুদ্রগী অৱাংদা, অন্দমান ইথৎশিং অমসুং বে ওফ বেঙ্গলগী খা-নোংপোক অমসুং ময়াই ওইবা নোংপোক থংবা মফমশিংদা হায়রিবা মখলগী নুংশিৎ অসি শিৎকনি।

৩. সমুদ্রগী ফিভমঃ এপ্রিল ৩০ অমসুং মে ১, ২০২০দা অৱাংথংবা সুমাত্রাগী তোর্বানশিং, খাথংবা অন্দমানগী সমুদ্র অমসুং বে ওফ বেঙ্গলগা তাইনবা খানোংপোক্তা লৈবা সমুদ্রগী ফিভম ফৎলোই  অমসুং মে ২ অমসুং মে ৩গী নুমিত্তনা অন্দমান সমুদ্র অমসুং বে ওফ বেঙ্গলগা তাইনবা খা নোংপোক অমসুং খা ময়াই ওইবা সমুদ্রগী ফিভম ফৎলোই।

৪. ঙামীশিংনা চেকশিনগদবা: এপ্রিল ৩০ অমসুং মে ৩, ২০২০গী মনুংদা সুমাত্রাগী তোর্বান অমসুং অকোইবা, অন্দমান সমুদ্র অমসুং বে ওফ বেঙ্গলগী খা নোংপোক অমসুং খা-ময়াইদা লৈবা সমুদ্রগী মফমশিংদা চত্তনা খঙহল্লি।

থৌওংশিং অসিগী অপদেৎকীদমক, www.imd.gov.in,www.rsmcnewdelhi.imd.gov.in অমসুং

www.mausam.imd.gov.inদা চংউ।