হ্যুমেন রিসোর্স চাউখৎ-থৌরাংগী মন্ত্রালয়
কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রমেশ পোখ্রিয়াল ‘নিশাঙ্ক’না মালেমগী লাইরিক্কী নুমিত্তা #মাইবুকমাইফ্রেন্দকেম্পেন হৌদোকখ্রে
শ্রী রমেশ পোখ্রিয়াল ‘নিশাঙ্ক’না #মাইবুকমাইফ্রেৱ্দকেম্পেনদা কেন্দ্রগী মন্ত্রী কয়াবু সোসিএল মীদিয়াদা তেগ তৌদুনা খোংথাং অসিদা য়াওবীয়ু হায়খ্রে
Posted On:
23 APR 2020 7:20PM by PIB Imphal
হ্যুমেন রিসোর্স দিবেলপমেন্তকী কেন্দ্রগী মন্ত্রী শ্রী রমেশ পোখ্রিয়াল ‘নিশাঙ্ক’না মালেমগী লাইরিক্কী নুমিৎকী থৌরম অসিগা মরী লৈননা মীয়ামদা য়াইফ-পাউজেল পীরক্লি অমসুং থৌরম অসিদা #মাইবুকমাইফ্রেন্দকেম্পেন কৌবা অমা সোসিএল মীদিয়াদা হৌদোকখ্রে। শ্রী পোখ্রিয়ালনা সোসিএল মীদিয়াদা ভিদিও মেসেজ অমা থাদোকখ্রে। মেসেজ অদুদা অসুম্না হায় - “ নহাক্না লাইরিক অমা হাংদোকপা মতমদা অনৌবা মালেম অমসু হাংদোকই”। মহাক্না লাইরিক অসি মীওইবগী খ্বাইদগী চান্নবা অহানবা মরূপ্নি হায়খি। লাইরিক্না মীওই খুদিংমকপু পুক্নিং থৌনা হাপ্পি অমসুং অনৌবা ৱাখল্লোন অমগী লম্বীসু শেমই। লাইরিক্না মীওইবগী পুন্সিগী অৱাবা মতমদা শেন্নবীদুনা চৎলি হায়না মহাক্না হায়খি।
https://pbs.twimg.com/amplify_video_thumb/1252978789186801669/img/El7fV61Eb4pqvRaf?format=jpg&name=small
দা. রমেশ পোখ্রিয়াল নিশাঙ্ক
✔@DrRPNishank
মরূপশা, মালেমগী লৈইরিক্কী নুমিৎ অসিদা অদোমদা য়াইফ-পাউজেল পীজরি।
হায়নৈ মদুদি “অদোম্না লাইরিক অমা হাংদোক্লবদি অদোম্না অনৌবা মালেম অমা হাংদোক্লবনি।”
ঐনা হায়জনীংবদি অদোম পুম্নমক্না লাইরিক অমা পাবীরগা মদুগী মরমদা ঐঙোন্দা অদোম্না হৌজিক করম্বা লাইরিক পাবীরিবগে হায়বদু #MyBookMyFriendদা তম্বীয়ু। #WorldBookDay
1,921
8:57 AM - Apr 23, 2020
Twitter Ads info and privacy
1,520 people are talking about this
হন্দক্কী মালেমগী লাইরিক্কী নুমিৎ অসিদি লোকদাউন মনুংদা ওইনা পাংথোক্লে হায়না কেন্দ্র মন্ত্রীনা হায়খি। লোকদাউন মনুং অসিদা মহৈরোইশিংনা মখোইগী মহৈ লোইশংগী লাইরিক্কী মথক্তা অতোপ্পা কান্নবা অমসুং নুংঙাইবা লাইরিকসু পাও হায়না মহাক্না মহৈরোইশিংদা হায়খি। অনৌবা অমা তম্বা ফংবগী খুদোংচাবা অমা লৈগনি। মহাক্না মহৈরোই খুদিংদা লাইরিক অমমম পাও অমসুং সোসিএল মীদিয়াদা #মাইবুকমাইফ্রেন্দকেম্পেন শিজিন্নদুনা মখোইনা পারিবা লাইরিক অদুগী মতাংদা মঙোন্দসু খঙহল্লু হায়খি।
শ্রী পোখ্রিয়ালনা তোঙান তোঙানবা কেন্দ্রগী মন্ত্রীশিংবুসু #মাইবুকমাইফ্রেন্দকেম্পেনদা তেগ তৌদুনা কেম্পেন অসিদা য়াওরবীয়ু হায়না সোসিএল মীদিয়াদা হায়খি। মসিদা নত্তনা ভারতকী মফম কয়াদা লৈরবা মমীং লৈরবা মীওইশিংসু কেম্পেন অসিদা য়াওরক্নবা অমসুং লৈবাক অসিগী মীপুম খুদিংবু পুক্নিংগী ইথীল পীনবা হায়খ্রে। শ্রী পোখ্রিয়ালনা মখা তারদুনা হায়খি মদুদি #মাইবুকমাইফ্রেন্দকেম্পেন অসি মথংগী নুমিৎ ৭ ফাওবা চত্থখিগনি অমসুং মীয়াম পুম্নমক্না মতম অসিগী মনুংদা য়াওবীরকউ।
(Release ID: 1618494)
Visitor Counter : 205