ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯ
ವಿಜ್ಞಾನಿಗಳು ಬೆಳ್ಳುಳ್ಳಿ ತೈಲವನ್ನು ಬಳಸಿ ಕೋವಿಡ್ ನಿವಾರಕ ಔಷಧಿ
Posted On:
23 APR 2020 2:33PM by PIB Bengaluru
ವಿಜ್ಞಾನಿಗಳು ಬೆಳ್ಳುಳ್ಳಿ ತೈಲವನ್ನು ಬಳಸಿ ಕೋವಿಡ್ ನಿವಾರಕ ಔಷಧಿ
ಮೊಹಾಲಿಯಲ್ಲಿರುವ ಬಯೋಟೆಕ್ನಾಲಜಿಸ್ ಸೆಂಟರ್ ಆಫ್ ಇನ್ನೋವೇಟಿವ್ ಅಂಡ್ ಅಪ್ಲೈಡ್ ಬಯೋಪ್ರೊಸೆಸಿಂಗ್ (ಡಿಬಿಟಿ-ಸಿಐಎಬಿ) ಕೇಂದ್ರವು ಪ್ರಸ್ತುತ ಇಡೀ ಪ್ರಪಂಚವನ್ನೇ ತಲ್ಲಣಗೊಳಿಸುತ್ತಿರುವ ಮಾರಣಾಂತಿಕ ಕೋವಿಡ್ 19 ಸೋಂಕನ್ನು ತಡೆಗಟ್ಟಲು, ರೋಗನಿರ್ಣಯ ಮಾಡಲು ಅಥವಾ ಗುಣಪಡಿಸಲು ಬಳಸಬಹುದಾದ ಉತ್ಪನ್ನಗಳನ್ನು ಉತ್ಪಾದಿಸುವ ಉದ್ದೇಶದಿಂದ ಹಲವಾರು ಸಂಶೋಧನಾ ಯೋಜನೆಗಳನ್ನು ಯೋಜಿಸಿದೆ.
ರಸಾಯನಶಾಸ್ತ್ರ, ರಾಸಾಯನಿಕ ಎಂಜಿನಿಯರಿಂಗ್, ಜೈವಿಕ ತಂತ್ರಜ್ಞಾನ, ಆಣ್ವಿಕ ಜೀವಶಾಸ್ತ್ರ, ಪೋಷಣೆ, ನ್ಯಾನೊತಂತ್ರಜ್ಞಾನ ಸೇರಿದಂತೆ ವಿವಿಧ ರೀತಿಯ ಸಂಶೋಧನಾ ಹಿನ್ನೆಲೆಯಿಂದ ಬಂದಿರುವ ತನ್ನ ವಿಜ್ಞಾನಿಗಳ ಪರಿಣತಿಯನ್ನು ಬಳಸಿಕೊಳ್ಳಲು ಈ ಯೋಜನೆಯನ್ನು ವಿನ್ಯಾಸಗೊಳಿಸಲಾಗಿದೆ.
ತಡೆಗಟ್ಟುವ ವೇದಿಕೆಯಡಿಯಲ್ಲಿ, ಆಂಟಿವೈರಲ್ ಲೇಪನ ವಸ್ತುಗಳನ್ನು ಅಭಿವೃದ್ಧಿಪಡಿಸಲು ಲಿಗ್ನಿನ್ ನಿಂದ ಪಡೆದ ನೋಬಲ್ ಮೆಟಲ್ ನ್ಯಾನೊಕಾಂಪ್ಲೆಕ್ಸ್ಗಳು ಮತ್ತು ರೋಸ್ ಆಕ್ಸೈಡ್-ಪುಷ್ಟೀಕರಿಸಿದ ಸಿಟ್ರೊನೆಲ್ಲಾ ಎಣ್ಣೆ, ಕಾರ್ಬೋಪೋಲ್ ಮತ್ತು ಟ್ರೈಥೆನೊಲಮೈನ್ ನಿಂದ ರೂಪಿಸಿದ ಆಲ್ಕೊಹಾಲ್ ಯುಕ್ತ ಸ್ಯಾನಿಟೈಜರ್ ಅನ್ನು ಚಿಕಿತ್ಸಕ ವೇದಿಕೆಯಡಿಯಲ್ಲಿ ಕೆಲಸ ಮಾಡಲು ಸಂಸ್ಥೆ ಯೋಜಿಸಿದೆ, ಈ ಪ್ರಯತ್ನವನ್ನು ಪಾಲಿಪೈರೋಲಿಕ್ ಫೋಟೊಸೆನ್ಸಿಟೈಜರ್ಗಳು ಮತ್ತು ಆಂಟಿವೈರಲ್ ಫೋಟೊಡೈನಾಮಿಕ್ ಥೆರಪಿಗಾಗಿ ಅವುಗಳ ನ್ಯಾನೊಫಾರ್ಮ್ಯುಲೇಶನ್ಗಳು, ಇಮ್ಯುನೊಮೊಡ್ಯುಲೇಟರಿ ಮತ್ತು ಆಂಟಿವೈರಲ್ ಫ್ರಕ್ಟಾನ್ ಜೈವಿಕ ಅಣುಗಳ ಸೂಕ್ಷ್ಮಜೀವಿಯ ಉತ್ಪಾದನೆ, ಮತ್ತು ಕೊರೊನಾ ಸೋಂಕಿನಲ್ಲಿ ಉಂಟಾಗುವ ಎದೆಯ ಕಫವನ್ನು ಸರಾಗಗೊಳಿಸುವ ಮೂಗಿನ ತುಂತುರು ಕಿಟ್ನ ಅಭಿವೃದ್ಧಿ ಮತ್ತು ವಾಣಿಜ್ಯ ಉತ್ಪಾದನೆ ಇತ್ಯಾದಿಗಳಿಗಾಗಿ ಕೇಂದ್ರೀಕರಿಸಲಾಗುವುದು.
ಡ್ರಗ್ ಡಿಸ್ಕವರಿ ಪ್ಲಾಟ್ಫಾರ್ಮ್ ಅಡಿಯಲ್ಲಿ, ಸಂಶೋಧನೆಯು ಹಣ್ಣುಗಳ ಸಿಪ್ಪೆ ಮತ್ತು ಬೀಜಗಳಿಂದ ಚಿಕಿತ್ಸಕ ಮತ್ತು ಮೌಲ್ಯಯುತ ಔಷಧೀಯ ಘಟಕಗಳನ್ನು ಬೇರ್ಪಡಿಸುವುದು ಮತ್ತು ನೈಸರ್ಗಿಕ ಬೆಳ್ಳುಳ್ಳಿಯ ತೈಲವನ್ನು ಎಸ್ಎಆರ್ ಎಸ್-ಸಿ ಒ ವಿ -2 ಆಕ್ರಮಣವನ್ನು ತಡೆಗಟ್ಟಲು .ಎಸಿಇ 2 ಪ್ರೋಟೀನ್ ಪ್ರತಿರೋಧಕವಾಗಿ ಉಪಯೋಗಿಸುವುದನ್ನು ಅಧ್ಯಯನ ಮಾಡುವುದು.
ಇದಲ್ಲದೆ, ಆಂಟಿವೈರಲ್ ಔಷಧಿ ವಿತರಣೆಯ ಸಾಮರ್ಥ್ಯವನ್ನು ಹೊಂದಿರುವ ಲಿಗ್ನಿನ್ ನಿಂದ ಪಡೆದ ನ್ಯಾನೊಕ್ಯಾರಿಯರ್ಸ್ (ಎಲ್ಎನ್ಸಿ) ಅಭಿವೃದ್ಧಿಗೆ ಮತ್ತು ಕರ್ಕ್ಯುಮಿನ್ ಫೋರ್ಟಿಫೈಡ್ ಪ್ರೋಟೀನ್ ಪೌಡರ್ ಅನ್ನು ನ್ಯೂಟ್ರಾಸ್ಯುಟಿಕಲ್ ಆಗಿ ಬಳಸುವುದಕ್ಕಾಗಿ ಅಧ್ಯಯನಗಳನ್ನು ನಡೆಸಬೇಕಾಗಿದೆ.
ಜೈವಿಕ ಹೊಂದಾಣಿಕೆಯ, ಕಡಿಮೆ ವೆಚ್ಚದ ಮತ್ತು ಗಾತ್ರ, ತೂಕ ಬದಲಾಯಿಸಬಹುದಾದಂತಹ ಉತ್ಪನ್ನಗಳನ್ನು ಆರು ತಿಂಗಳಿಂದ ಒಂದು ವರ್ಷದದೊಳಗೆ ಹೊರತರಲು ಸಂಶೋಧಕರು ಪ್ರಯತ್ನಿಸುತ್ತಿದ್ದಾರೆ. ರಾಸಾಯನಿಕ ಕೈಗಾರಿಕೆಗಳು ಮತ್ತು ಇತರ ಸರ್ಕಾರಿ ಪ್ರಯೋಗಾಲಯಗಳ ಸಹಯೋಗದೊಂದಿಗೆ ಬಿಎಸ್ಎಲ್-3 ಸೌಲಭ್ಯದೊಂದಿಗೆ ಅಧ್ಯಯನಗಳನ್ನು ನಡೆಸಲಾಗುವುದು.
***
(Release ID: 1617606)
Visitor Counter : 226