శాస్త్ర విజ్ఞాన- సాంకేతిక విజ్ఞాన మంత్రిత్వ శాఖ
వెల్లుల్లి సారంతో కూడిన తైలంను ఉపయోగించి కోవిడ్ చికిత్సకు
ఔషధం తయారీ దీశగా కృషి చేస్తున్న శాస్త్రవేత్తలు
Posted On:
23 APR 2020 2:33PM by PIB Hyderabad
ప్రస్తుతం ప్రపంచం మొత్తానికి ప్రాణాంతక మహమ్మారిగా మారిన కోవిడ్-19 వైరస్కు ఔషధాన్ని తయారు చేసే పనిని బయోటెక్నాలజీ శాఖకు చెందిన మొహాలిలోని " సెంటర్ ఆఫ్ ఇన్నోవేటివ్ అండ్ అప్లైడ్ బయో ప్రొసెసింగ్ " (డీబీటీ-సీఐఏబీ) చేపట్టింది. కోవిడ్-19 వైరస్ సంక్రమణ నివారణ, రోగ నిర్ధారణ లేదా కోవిడ్ నివారణకు ఉపయోగపడే వివిధ ఉత్పత్తులను అభివృద్ధి చేయడానికి ఉద్దేశించిన పలు రకాల పరిశోధనా ప్రాజెక్టుల ప్రణాళికను డీబీటీ-సీఐఏబీ చేసింది.
పలు మార్గాల్లో వివిధ ఉత్పత్తుల అభివృద్ధి..
రసాయన శాస్ర్తం, కెమికల్ ఇంజినీరింగ్, బయోటెక్నాలజీ, మాలిక్యులర్ బయాలజీ, న్యూట్రిషన్, నానో టెక్నాలజీతో సహా విభిన్న పరిశోధన నేపథ్యాల నుండి వచ్చిన శాస్త్రవేత్తల నైపుణ్యాన్ని ఉపయోగించుకునే విధంగా ఈ ప్రణాళిక రూపొందించారు. కోవిడ్ నివారణ పరిశోధన వేదిక కింద యాంటీవైరల్ పూత పదార్థాలను అభివృద్ధి చేయడానికి లిగ్నిన్ ఉత్పన్నమైన నోబెల్ మెటల్ నానోకాంప్లెక్స్లపై పనిచేసే విధంగా ఇన్స్టిట్యూట్ ప్రణాళికలను సిద్ధం చేసింది. చికిత్సా వేదిక కింద రోజ్ ఆక్సైడ్-సుసంపన్నమైన సిట్రోనెల్లా ఆయిల్, కార్బోపోల్ మరియు ట్రైఎథనోలమైన్ సూత్రీకృత ఆల్కహాలిక్ శానిటైజర్ల అభివృద్ధి దిశగా దృష్టి సారించే ప్రయత్నం చేస్తోంది.
దీనికి తోడు పాలీపైరోలిక్ ఫోటోసెన్సిటైజర్లు మరియు వాటి నానోఫార్మ్యులేషన్స్ ఉపయోగించి
యాంటీ వైరల్ ఫోటోడైనమిక్ థెరపీ దిశగా కూడా పరిశోధనలకు ప్రణాళికలను సిద్ధం చేసింది.
ఇమ్యునోమోడ్యులేటరీల యొక్క సూక్ష్మజీవుల ఉత్పత్తి మరియు యాంటీవైరల్ ఫ్రక్టాన్ జీవ అణువుల అభివృద్ధితో కోవిడ్-19కు చెక్ పెట్టడం, కరోనా ఇన్ఫెక్షన్ సోకిన వారిలో ఛాతీలో ఏర్పడు రక్త చలన దోషమును తగ్గించడానికి వీలుగా ముక్కు ద్వారా స్ప్రే కిట్ల అభివృద్ధి మరియు వాణిజ్య తయారీ దిశగా అడుగులు వేస్తోంది. కోవిడ్-19కు ఔషధాన్ని కనుగోనే పరిశోధన వేదికపై పండ్లలో విత్తానాలలో విలువైన ఔషధ గుణం కలిగిన తొక్కలు, విత్తనాలను వేరు చేసి వాటి ద్వారా ఔషధాల్ని అభివృద్ధి చేసే దిశగా పరిశోధన జరుగనున్నాయి. దీనికి తోడు సార్స్-సీఓవీ-2 వైరస్ నిలవరించేందుకు గాను సహజ వెల్లుల్లి సారంతో కూడిన తైలంను ఏసీఈ 2 ప్రోటీన్ను ఇన్హిబిటర్గా ఉపయోగించే విషయమై పరిశోధనలు జరుగనున్నాయి. అంతే కాకుండా, యాంటీవైరల్ డ్రగ్ అభివృద్ధికి సంభావ్యత కలిగిన లిగ్నిన్ డెరైవ్డ్ నానోకారియర్స్ (ఎల్ఎన్సీ) అభివృద్ధికి మరియు కర్కుమిన్ ఫోర్టిఫైడ్ పాలవిరుగుడు ప్రోటీన్ పౌడర్ను న్యూట్రా స్యూటికల్గా ఉపయోగించే విషయమై కూడా అధ్యయనాలు నిర్వహించనున్నారు.
ఆరు నెలల నుండి ఏడాది కాలంలో అభివృద్ధి..
ఆరు నెలల నుండి సంవత్సర కాలంలో బయోకాంపాజిబుల్, తక్కువ ధరలో లభ్యమయ్యేలా మరియు స్కేలబుల్ ఉత్పత్తులను అందుబాటులోకి తేవాలన్న ధ్యేయంతో ఇక్కడ పరిశోధకులు తమ ప్రాజెక్టులపై కృషి చేస్తున్నారు. రసాయన పరిశ్రమలు, బీఎస్ఎల్-3 సౌలభ్యం కలిగిన ప్రభుత్వ లాబొరేటరీల సౌజన్యంతో ఈ అధ్యయనాలు నిర్వహించబడుతాయి.
(Release ID: 1617480)
Visitor Counter : 242