ভারত লৈঙাক্কী তুরিজম মন্ত্রালয়না ‘দেখো অপ্না দেশ’কী অপুনবা ৱাখল্লোনগী মখাদা ৱেবিনার মথং মথং পাঙথোক্লি‍। ৱেবিনারশিং অসিগী পান্দমদি মীয়াম্না খঙনবা ৱাৎপা লমথুংফমশিং অমদি মীয়াম্না খঙনরবা লমথুংফমশিংগী খঙনবা ৱাৎলিবা মশকশিং য়াওনা লৈবাকসিদা লৈরিবা লমকোয়-লমথুংফম কয়ামরুমবু য়োকখৎপা অমদি মীয়ামদা খঙহনবনি‍। মসিগী মথক্তা এসেসিবল ইন্দিয়ানচিংবা হীরমশিংদা অকক্নবা ৱাখল্লোন নাইবা ৱেবিনারশিংসু পাঙথোক্লি‍। মথং মথং পাঙথোরকপসিগী তরুকশুবা ওইনা ভারতপু মীপুম খুদিংমক্কী লমকোই-লমথুংফম অমা ওইহনবা হায়বা হীরমদা এপ্রিল ২২, ২০২০দা পাঙথোকখি‍।  ৱেবিনার অসি মালেমগী মফম কয়াদগী  মীওই ১৭০০ হেনবনা লাইবতা য়েংখি‍।

ৱেবিনার অদু শোইনাইরবশিংনা চৎলুরবা ভারতকী তোঙান তোঙানবা লমথুংফমশিংগী খোঙচৎ অমা ওইখি‍। বরানসীগী লিরবা শহর অমদি হি তোংদুনা হিথাংফমশিং কোয়রুবদগী গুলমার্গকী উনতনা থল্লবা অঙমবা মফম ফাওবা, অমৃৎসরদা লৈবা হরমিন্দর সাহিব লাইশঙ (গোল্দন তেম্পল)দগী ধর্মসালাদা লৈবা দলাই লামাগী মোনাস্তরী ফাওবা, জয়ালমরগী কিলাদগী রিসিকেসতা পোঙ তোংবা ফাওবা, কেরলাগী মনুংগী ঈশিংশিংদগী কর্নাতাকাগী নেস্নেল পার্ক ফাওবা ‍। হায়রিবা মফমসিং অসি মালেম শিনবা থুংবদগী তাবগী পাঙ্গল ৱাৎলবা মতৈ মনাও নত্ত্রগা মিৎ উবগী পাঙ্গল ৱাৎলবা মতৈ মনাও, হ্বীলচেয়র লাকপা লমকোয়বশিং, নাইতোম নৎত্রগা কাংবু ওইনা লাকপা লমকোয়বশিং পুম্নমক্না য়ৌরুরবা ঙাক্তনি‍। ৱেবিনার অদুদা ইন্দিয়া পুম্বদা এসেসিবল ত্রাভেলগী লোইনাইদবা ওইথোকপা য়াবশিংগী মরমদা উৎখি‍। তোঙান তোঙানবা মফমশিংদা শোইনাইরবা মীওইশিংগীদমক্তা থম্লিবা খুদোংচাবশিং অমদি কোয়বা চৎনবগী শিন-লাঙবা মতমদা ৱাখলদা লৈগদবা ৱাফমশিংসু ৱেবিনার অদুদা পুথোকখি‍।

মসিগী মরুমদা খঙজিনবা য়াবা ৱাফমদি ইং ২০১৭তা চৎনবা হৌখিবা ইন্দিয়াগী “দি রাইত ওফ পর্সন্স ৱিথ দিসএবিলিতীজ এক্ত (আর.পি.দব্লিউ.দি.), ২০১৬ অসি ইন্দিয়াবু মীপুম খুদিংমক্কী লমকোয়-লমথুংফম অমা ওইহন্নবা হোৎনবদা অচৌবা খোঙফম অমা ওইরি‍। এক্ত অসিনা শোইনাইবগী মখল হান্না লৈরমবা ৭তগী ২১দা হেনগৎহনবতা নত্তনা শোইনাইরবশিংগী হক অমসুং ফংফম থোকপশিং হেনগৎহন্দুনা মখোয়গী শক্তি হেনগৎহন্নবগী মতিক চাবা থৌওং পীদুনা ফংহল্লে অমদি পেন্নীংঙাই ওইবা মওংদা মখোয়বু খুন্নাইসিদা নাখৈ শেংনা পুনবা ফংহল্লে‍।

ৱেবিনার অদু শোইনাইরবশিংগীদমক্তা চত্থোক চৎশিন লায়বা অমদি পুম্মক শুরবা লম কোয়বগী খুদোংচাবা ফংহল্লিবা লুপ প্লানেৎ এবল্দ হৌদোরকপা নেহা অরোরানা পাঙথোকখিবনি‍। মহাকপু খুদম-লোলগী এক্সপর্ত অমনা মতেং পাংদুনা তাবগী পাঙ্গল ৱাৎলবা শরুক য়ারিবশিংদা থৌরম পরেংশিং অদু হন্দোক্তুনা তাকখি‍।