কোভিদ-১৯ গী সমস্যা মনুংদা প্লম্বিংগুম্বা তঙাই ফদবা থবকশিংগী মথৌ তারিবসি উরগা, ইন্দিয়ন প্লম্বিং স্কিল কাউন্সিল (আই.পি.এস.সি.) না স্কিল দিবেলপমেন্ত অমসুং ইন্ত্রপ্রিনর্শিপ মন্ত্রালয় (এম.এস.দি.ই.) গী মখাদা লৈবা স্কিল ইন্দিয়া থৌরাংগা খুৎশম্নদুনা লোকদাউনগী মতম মনুংদা লৈবাক শিনবা থুংনা থবক শুবা য়ারবা প্লম্বর ৯০০ গী দেতাবেজ শেমখ্রে। আই.পি.এস.সি.না মখোয়গী ত্রেনিং পার্তনরশিংদা লৈজদ্রবশিংদা চানবা পোৎলমশিং অমসুং তঙাইফদবা পোৎলমশিং য়েন্থোকপীনবা অমসুং শেম-শাবা অমসুং য়েন্থোকপগী থবক থৌরমদা অঙম্বা মতেং পাংবীনবা হায়জখ্রে। ত্রেনিং সেন্তর ৭০ হেনবনা চানবা পোৎলমশিং য়েন্থোকপা/আইসোলেসন সেন্তর ওইনবা খনগৎখ্রে।

অহকপা হকশেল অমসুং অশোই-অঙাম য়াওদনবগী কাঙলোশিংগী মথৌ তারিবসি উরগা, এম.এস.দি.ই.না কোভিদ-১৯ লাইচৎকী মনুংদা প্লম্বিংগী থবক শুবা মতমদা ইনগদবা কাঙলোনশিংসু শেমখ্রে। হায়রিবা চৎন-কাঙলোনশিং অসি এম.এস.দি.ই.গী তেক্নিকেল তাস্ক ফোর্সকা লোইননা পুন্না শেমখিবনি। চৎন-কাংলোনশিং অসিদা তৌগদবা অমসুং তৌরোইদবা অমসুং মী লৈনবা বিল্দিং অমসুং এপার্তমেন্ত, হোস্পিতাল, আইসোলেসন সেন্তর, ললোন-ইতিক্কী কমপ্লেক্স অমসুং অতোপ্পা ইস্তাব্লিস্মেন্ত য়াওনা মফম-মফমগী মখা পোন্না লৌখৎপা চেকশিল থৌরাংশিং য়াওরি।

পাউতাকশিং অসিগী মরুওইবা ৱারোল খরদিঃ

১. সোসিয়েল দিস্তেন্সিং ঙাক্না চৎপা

২. খুৎচু খুৎলাইশিং, থেংনগদবা মফমশিং, ইক্বীপমেন্তশিং দিসইনফেক্ত তৌবা – সোলুসনগী শিজিন্নগদবা চাং

৩. কেস্লেস ত্রাঞ্জেক্সন তৌবা

৪. শিজিন্নখ্রবা পোৎচৈশিং মাঙহনবা

৫. ক্রাইসিস্কী মতমদা কঞ্জুমরশিংদা করম্না ইশানা শেমজগদগে হায়বগী মতাংদা তাকপী-তম্বীবা

৬. করিগুম্বা লোইশিলহৌদবা থবক লৈরবদি লোগ অমা শেম্বা

ইং ২০২০গী এপ্রিলগী তাং ১৫দা য়ুম্লৈ কৈরৈ মন্ত্রালয়না পীখিবা ওর্দর অমগী মতুং ইন্না, প্লম্বরশিংনা ইং ২০২০গী এপ্রিলগী তাং ২০দগী মখোয়গী থবক তৌবগী অয়াবা পীখিবনি।

স্কিল দিবেলপমেন্ত অমসুং ইন্ত্রপ্রিনর্শিপ মন্ত্রী দা. মহেন্দ্র নাথ পান্দেনা হায়খি, “ আই.পি.এস.সি.না হায়রিবা চৎন-কাঙলোনশিং অসি শেম্বদা লৌরিবা প্রোএক্তিব ওইরবা থৌরাং অসি শিংথানিঙাই ওই অমসুং মসি ভারতনা কোরোনাভাইরসকা লান্থেংনবা অসিদা তরাম্না ওক্নিংঙাই ওইবা খোঙথাং অমনি। ঐখোয়গী প্রধান মন্ত্রী নরেন্দ্র মোদী সিংহনা লৌখৎলক্লিবা থৌরাং অমসুং লাইচৎ অসিবু মাঙ থানা লান্থেংনরিবা হেলথ ৱার্করশিংগী মতেং পাংদুনা পুন্না হোৎনমিন্নগদবনি। ইকাইখুম্ননিংঙাই ওইরবা প্রধান মন্ত্রীনা মহাক্কী ইনৌ-নৌনা পীখিবা ৱারোলদা পনখিবা খোঙথাং তরেৎ অদু লৈবাক অসিগী প্রজা খুদিংমক্না ইনগদবনি অমসুং মদুনা শাথীরবা লাইচৎ অসিবু লান্থেংনবদা অদুক্কী মতীক মতেং পাংগনি। আই.পি.এস.সি.দা ভোলুন্তীয়রশিংদগী লৈবাক্কীদমক মতেং পাংজগে হায়দুনা হায়জরক্লি, মরম অসিনা মশীং ৯০০ অসিদগী শোয়দনা হেনগৎলকখিনি।“

ইন্দিয়ন প্লম্বিং স্কিল কাউন্সিলগী চেয়রমেন ওইরিবা দা. রাজেন্দ্র কে সোমানীনা হায়খি, “ভারতকী প্রজা খুদিংমক্কী হকশেল অমসুং সেফতী অসি য়াম্নমক মরুওইবা অমনি। প্লম্বিংগী শিনফমদা লৈরিবা শিনমীশিং অসিনা লৈবাক অসিগী হকশেল ফহন্নবা হোৎনবদা য়াম্না মরুওইবা থৌদাং লৌরি।

হায়রিবা চৎন-কাঙলোনশিং অসি মিস্তর এম.কে. গুপ্তনা লুচিংদুনা তেক্নিকেল তাস্কফোর্সনা শেমখিবা কোভিদ-১৯ মখা তানা শন্দোরকপদগী লাকশিন্নবা, শিনমীশিংনা লৌখৎকদবা অহেনবা চেকশিন-থৌরাংনি।“

ভারত্তা প্লম্বিংগী সেক্তরসি কা হেন্না অনওর্গনাইজ ওই অমসুং কন্ত্রেকচুৱেল অমসুং মাইগ্রেতরি শিনমীশিংদা তাংজবা অমসুং মসিগী কন্ত্রেক্তরশিং, মেন্যুফেকচরশিং অমসুং কন্সলতেন্তগুম্বা সব সেগমেন্তশিং অসি  ওর্গনাইজেসন অমত্তনা পীদবা ওইরি। আই.পি.এস.সি. অসি হৈ-শিংলবা শিনমীশিংগী দিমান্দ অমসুং সপ্লাইগী মরক্তা লৈবা অহোবসি মেনশিন্নবা শেমখিবনি। মসিনা প্লম্বিং কম্যুনিতিদা স্কিল দিফিসিত হন্থহন্দুনা পাক-চাউনা য়েংবা স্কিল দিবেলপমেন্তনা শৌঙাক পীদুনা লেপ্পা লৈতনা চাং নাইনা ভোকেস্নেল প্রোফিসিএন্সিদা খ্বাইদগী ফবা মওংদা পীরি। হৌজিক-হৌজিক্কী ওইনা, আই.পি.এস.সি.গী চাউরাক্না ত্রেনিং সেন্তর ২৩০, সর্তিফাই তৌরবা ত্রেনর ২৫০ অমসুং সর্তিফাই তৌরবা এসেসর ৮৫রোম লৈবাক শিনবা থুংনা লৈ। আই.পি.এস.সি.না মখা তানা স্কিল ইন্দিয়া মিসনলোমদা চঙশিন্দুনা ইন্দিয়ন প্লম্বিং সেক্তরগী ইকোসিস্তেম অসি ফোর্মেলাইজ তৌনবা হোৎনরি।

এম.এস.দি.ই.না স্কিলশিংবু হেন্না শীজিন্নবা য়াহন্নবদা মীৎয়েং থম্লি। মসি ২০১৪দা হেক লিংখৎলকপদগী, এম.এস.দি.ই.না পোলিসি, ফ্রেমৱার্ক অমসুং স্তেন্দার্দশিং ফোর্মেলাইজ তৌনবা; অনৌবা থৌরম অমসুং শৌশিল হৌদোকা; অনৌবা ইনফ্রাস্ত্রকচর শাগৎপা অমসুং হৌজিক লৈরিবা ইন্সতিত্যুতশিং ফগৎহনবা; রাজ্যশিংগা খুৎশম্নবা; ইন্দস্ত্রীশিংগী থবক তৌবা অমসুং মীয়ামগী পুক্নিং চিংশিনবা অমসুং স্কিলশিংসিদা খোয়দাহন্নবা খোঙথাং কয়া মশক থোক্না লৌখৎলি। মন্ত্রালয় অসিনা হৈথোই-শিংথোইরবা শিনমীশিংগী দিমান্দ অমসুং সপ্লাইগী মরক্তা লৈবা অহোবা অসি মেনখত্তুনা হৌজিক লৈরিবা থবক অসি খক্তদা নত্তনা নৌনা শেম্লকপা য়াবা থবকশিংগী অনৌবা স্কিল অমসুং ইনোবেসনশিং শেমগৎনবা  হোৎনরি। হৌজিকফাওবদা, স্কিল ইন্দিয়াগী মখাদা মীওই করোর অহুম হেনবনা ত্রেনিং তৌখ্রে। মসিগী ফ্লেগসিপ প্রধান মন্ত্রী কৌসল বিকাস য়োজনা (পি.এম.কে.বি.ৱাই) ২০১৬-২০২০ প্রোগ্রাম অসিগী মখাদা, মন্ত্রালয় অসিনা কেন্দিদেত লাখ ৯২ হেনবনা হৌজিকফাওবদা ত্রেন তৌখ্রে।