রাস্ত্রপতিগী লৈফমদা কোবিদ-১৯ পোজিতিব কেস অমা থেংনবগী মতাংদা মীদিয়াগী রিপোর্ত অমদি মীয়াম্না ৱাখলনা শাগৎলিবশিংদা মিৎয়েং থমদুনা ফীভমদুগী মতাংদা অচুম্বা ৱারোলশিং মখাদা পীরিঃ

ক. রাস্ত্রপতিগী সেক্রেতরিয়েৎতা থবক তৌবসু নত্তবা অদুগা রাস্ত্রপতিগী লৈফমদা লৈবসু নত্তবা সেন্ত্রেল দিল্লীদগী কোবিদ-১৯না নারবা নুপা অমা নই দিল্লীগী বি.এল. হোস্পিতালদা ১৩.০৪.২০২০দা লায়না কয়ানা মরম ওইদুনা শিখি‍।

খ. লৈখিদ্রবা মীওই অদুগী কন্তেক্ত ত্রেসিং তৌবা মতমদা রাস্ত্রপতিগী সেক্রেতরিয়েৎতা থবক তৌবা মীওই অমগী ইমুংগী মী অমা মহাক্কা উনরুই হায়বা খঙবা ঙমখি‍।

গ. শিন্মী অদু রাস্ত্রপতিগী লৈফমগী সেদ্যুল এ মফমগী পোকেৎ ১দা ইমুং মনুংগা লোয়ননা লৈবা মীশক্নি‍। চৎন-পথাপকী মতুং ইন্না ইমুং অদুগী মীওই তরেৎমক মন্দির মার্গতা লৈবা ক্বরেন্ততাইন ফেসিলিতীদা ১৬.০৪.২০২০দা থমখ্রে‍।

ঘ. মখা তারকপদা লৈখিদ্রবা মীওইদুগা উনরুবা ইমুং মনুংদুগী মীওই অমা পোজিতিব ওইরমখি‍। অদুগা রাস্ত্রপতিগী সেক্রেতরিয়েৎকী শিন্মীদু য়াওনা মহাক্কী ইমুংগী অতৈ মীওইশিংদি নেগেতিব ওইরমখি‍।

ঙ. দিজাস্তর মেনেজমেন্ত এক্ত ২০০৫ অমদি ইপিদেমিক দিজিজেজ এক্ত ১৮৯৭কী মখাদা লৈবা ওথোরিতীগী পাউতাক অমদি চৎন পথাপকী মতুং ইন্না রাস্ত্রপতিগী লৈফমগী সেদ্যুল এ মফমগী পোকেৎ ১দা লৈবা য়ুম ১১৫ মশক খঙদোক্লবা মতুংদা মখোয়দা চত্থোক চৎশিন তৌবদা অথিংবা থমবগা লোয়ননা ইমুংদা লেঙদনা লৈনবা পাউতাক পীখ্রে‍। য়ুমশিংদুদা লৈরিবা মীওইশিংগীদমক্তা চান-থক্নবা অমদি তঙাই ফদনা চঙদ্রবা য়াদ্রবা পোৎলমশিং ময়ুম ময়ুমদা থিনবগী থবক চত্থরি‍।

চ. হৌজিকফাওবদা রাস্ত্রপতিগী সেক্রেতরিয়েৎকী শিন্মী অমত্তা কোবিদ-১৯ পোজিতিব ওইবা লৈত্রি অমদি সেক্রেতরিয়েৎ অমসুং লোকেল এদমিনিস্ত্রেসনগা লোয়ননা লৈঙাক্কী চৎন পথাপকী মতুং ইন্না লৌখৎফম থোকপা চেকশিন থৌরাং পুম্নমক লৌখৎলি হায়না শেংদোক্লি‍।