কোবিদ-১৯ লাইচৎ অসি অচৌবা শিংনবা অমনি। লৈবাক পুম্বনা লোকদাউন তৌরিবা মতম অসিদা পাৱর মন্ত্রালয়গী মখাদা সেন্ত্রেল পি.এস.য়ু. অমা ওইরিবা পাৱরগ্রিদনা অপনবা য়াওদনা ২৪x৭ পাৱর ত্রান্সমিসন ফংহনবতা নত্তনা ভারত্তা লাইচৎকী চৈথেং হন্থন্নবা হ্যুমেনিতরিয়ান রিলিফ এক্তিবিতীশিং পায়খৎতুনা ইচং থৌনা থবক তৌরি।

রেস্পোন্সিবল কোর্পোরেৎ সিতিজন অমা ওইনা পাৱরগ্রিদ অসি কোবিদ-১৯ লাইচৎকা মরী লৈননা সি.এস.আর. এক্তিবিতীশিং পায়খৎপা অহানবশিংগী মরক্তা অমা ওইরে। মসিনা পি.এম. কেয়র্স ফন্দা লুপা কোতি ২০০ মতেং পাংখ্রে।

পি.এম. কেয়র্স ফন্দা শেলগী তেংবাং পাংবগা লোয়ননা পি.এস.য়ু. অসিনা মসিগী কন্ত্রেক্ত ৱার্করশিং, লেবরশিং অমসুং মসিগী সব-স্তেসন সাইতশিং মসুং ত্রান্সমিসন লাইন ওফিসশিংগা নক্ননা লৈবা লাইরবা মীওইশিংদা চান-থক্নবা পোৎলমশিংসু য়েন্থোক্লি। মরুওইবা পোৎলমশিং অসিগী মথক্তা মাস্কশিং, সেনিতাইজরশিং অমসুং সাপোনশিং য়েন্থোকপগী থবকসু চত্থরি। হৌজিক ফাওবদা লৈবাক অসিগী মফম ২০০ হেনবদা বেনেফিসরী চাউরাক্না ৮১,০০০দা লুপা কোতি ৪.২৭কী মমল ওইবা চান থক্নবা পোৎলমশিং ফংহনখ্রে।

পাৱরগ্রিদনা হোস্পিতালশিংদা ভেন্তিলেতরশিং লৈনবা, মেদিকেল ফেসিলিতী হেঙ্গৎহন্নবা লোয়ননা লাইচৎ অসি থেংননবগীদমক ইনফ্রা স্ত্রকচর শেমগৎনবসু মতেং পীরি। কোবিদ-১৯গী মায়োক্তা লান্থেংনরিবা অসিগীদমক লৈবাক পুম্বদা লৈরিবা তোঙান-তোঙানবা হোস্পিতালশিংদা পি.পি.ই. কিৎশিং, ভেন্তিলেতরশিং অমসুং অতোপ্পা হোস্পিতাল ইক্বিপমেন্তশিংসু য়েন্থোকখ্রে।

মসিদসু নত্তনা, লৈবাক্কী তোঙান-তোঙানবা মফমশিংদা ওফিসশিংদা লৈরিবা পাৱরগ্রিদ তিমনা লাইচৎ অসিগী মনুংদা সোসিয়েল দিস্তেন্সিংগী মরু ওইবগী মতাংদা মীয়ামদা ভাব তাহল্লি।

মখা তানা য়েংনগীদমক মসিদা ক্লিক তৌবীয়ু