প্রধানমন্ত্রীগী লোইশঙ

প্রধান মন্ত্রী অমসুং পেলেস্তাইনগী রাস্ত্রপতিগী মরক্তা তেলিফোন্দা ৱারী শানখ্রে

Posted On: 14 APR 2020 7:05PM by PIB Imphal

প্রধান মন্ত্রী শ্রী নরেন্দ্র মোদীনা পেলেস্তাইনগী রাস্ত্রপতিগী হিজ এক্সিলেন্সী শ্রী মহমুদ অব্বাসকা ঙসি তেলিফোন্দা ৱারী শানখ্রে।

প্রধান মন্ত্রীনা রামজানগী লাক্কদৌরিবা শেংলবা থাগীদমক পেলেস্তাইনগী রাস্ত্রপতি অমসুং প্রজাশিংগী মফমদা নুংঙাইবা ফোংদোকখি।

লুচিংবা অনিনা হৌজিক চত্থরিবা কোবিদ-১৯ লাইচৎনা ওইহল্লক্লিবা শিংনবশিংদা খন্ন-নৈনখি অমদি ফিভম অসি লাকশিন্নবা মখোয়-মখোয়গী মরী লৈনবা লৈবাকশিংদা লৌখৎলিবা খোংথাংশিংবু অমনা অমদা পাউদমখি।

প্রধান মন্ত্রীনা পেলেস্তাইনগী ওথোরিতীশিংবু ভাইরস অসিদগী মখোয়গী মীয়াম্বু ঙাকথোক্নবা হোৎনরিবশিং অদুদা থাগৎপা ফোংদোকখি অমদি হোৎনরিবশিং অসিগীদমক ভারতকী মায়কৈদগী পাংবা য়াবা তেঙবাং পুম্নমক পাংগনি হায়না থাজবা পীখি।

লুচিংবা অনিনা শিংনরক্লিবা মতম অসিদা তেঙবাংগী লম্বী য়াত্থোক্নবগীদমক চানবা থাক্তা লেপ্পা লৈতনা পাউ ফাওননবা য়ানখি।     



(Release ID: 1614601) Visitor Counter : 102