ভারতকী ইকাইখুম্ননিংঙাই ওইরবা উপ-রাস্ত্রপতি শ্রী এম. ভেনকৈয়া নাইদুনা বৈসাখী, ৱশু, পুথান্দু, মসাদী, ৱৈশখরী অমসুং বোহাগ বিহুগী থৌরমগা মরী লৈননা লৈবাক মীয়ামদা য়াইফ-পাউজেল পীখ্রে। মসিগী কুম্মৈ অসি লৈবাক অসিগী তোঙান তোঙানবা মফমশিংদা এপ্রিলগী ১৩ অমসুং ১৪, ২০২০দা পাংথোকই। মহাক্কী পাউজেলদা উপ-রাস্ত্রপতিজীনা হায়খি মদুদি ঐখোয় লৈবাক মীয়াম্না অৱা চাংয়েং মায়োক্নরিঙৈ মনুংসিদা, অসিগুম্বা কুম্মৈ অসিনা পুক্নীং থৌনা লিংজেল হাপকৎহল্লি অমসুং অনৌবা মাইকৈদা লমজিং লমতাকপীরি।

মখাদা পীরিবা অসি পাউজেল অদুগী মপুং ওইবা মরোলশিং অদুনি--

“ ‘বৈসাখী, ৱশু, পুথান্দু, মসাদী, ৱৈশখরী অমসুং বোহাগ বিহু’গী য়াম্না নুংঙাইরবা তাঞ্জা অসিদা লৈবাক মীয়ামদা হরাও তরাম্না য়াইফ-পাউজেল পীজরি।

মসিগী কুম্মৈ অসি অনৌবা চহিনা লাকপগী নুংঙাইবা ফোংদোক্লি, মসিনা ঐখোয়দা অনৌবা খোংচৎ অমসুং অনৌবা আশাগলোইননা পুক্নীং থৌগৎতুনা লমজিং লমতাকপীরি। মহৈ-মরোংশিং লোকপগা মরি লৈনবা অসিগী কুম্মৈ অসিনা মহৌশাগী ওইবা খুদোল অমসুং ফজবশিং অসিদমক্তা হরাও তয়াম্বা ফোংদোক্লি।

ঐখোয়নাঙসি নোবল কোরোনাগী কিনীংঙাই ওইরবা শক্তমগী অৱা চাংয়েং মায়োক্নরিঙৈ মনুংসিদা, অসিগুম্বা কুম্মৈ অসিনা ঐখোয়গী পুক্নীং থৌনা হাপকৎতুনা অমসুং অনৌবা মাইকৈদা লমজিং লমতাকপীরি।

ঐনা নীংজরি মদুদি লাক্কদৌরিবা চহি অসিনা হরাওবা নুংঙাইবা পুরকপা ওইরসনু অমসুং ঐখোয়না হৌজিক ওইরিবা ফিভম অসিবু থৌনা লৈনা মায়োক য়ামিন্নসি লোইননা হিংমিন্নরিবা ঈজাতি অমসুং মহোশা ইমাবুশু ঙাকশেন্দুনা য়েংশিনমিন্ননবা খোংথাং লৌখৎমিন্নসি।

লাক্লো, ময়াম পুন্না অনৌবা চহিনা লাকপসিদা ইশাগী য়ুম য়ুমদা ইশাগী নক্ননা লৈরিবশিং অমসুং নুংশিজরবশিংগা লোইননা হরাওবা ফোংদোকমিন্নসি অমসুং মীয়াম তিনবা অমসুং অচৌবা থৌরমশিংদগী লাপ্না লৈসি।

য়ুমদা লৈবীয়ু, অশোয়-অঙাম য়াওদনা লৈবীয়ু।”