ভারতকী রাস্ত্রপতি শ্রী রাম নাথ কোবিন্দনা বৈশাখি, বিশু, রঙ্গোলি বিহু, নব বর্শ, বৈসখারী, পুথান্দু অমদি পিরাপুগী তাঞ্জা লাকপদা লৈবাক মীয়ামদা য়াইফ পাউজেল পীখ্রে। কুমহৈশিং অসি লৈবাক্কী তোঙান-তোঙানবা মফমশিংদা ২০২০গী এপ্রিল ১৩ অমসুং ১৪দা পাংথোক্নরি। মহাক্না হায়খি:-

“বৈশাখি, বিশু, রঙ্গোলি বিহু, নব বর্শ, বৈসখারী, পুথান্দু অমদি পিরাপুগী য়াইফরবা তাঞ্জানা লাকপদা ঐহাক্না ভারত অমসুং মীরমদা লৈরিবা ভারত মচা পুম্নমকপু য়াইফ পাউজেল পীজরি।

কুমহৈশিং অসি ভারতকী কলচরেল দাইবরসিতীদা পাক্লবা য়ুনিতীগী খুদম অমনি অমদি ঐখোয়গী লৌমীশিংগী মফমদা ইকায় খুম্নবগী তাঞ্জা অমসুনি। ঐখোয়গী লৌমীশিংবু মতম পুম্নমক্তা ঐখোয়না তৌবিমল খংবা উৎকদবনি মরমদি মখোয়না ঐখোয়গীদমক চানবা মহৈ-মরোং পুথোকপা খক্তা নত্তনা মখোয়গী চোকথবা লৈতনা হোৎনরিবশিং অদুনা ঐখোয়দা ফুদ সেক্যুরিতী অমসুং চাখৎপসু পীরি।

হৌজিক-হৌজিক ঐখোয় কোবিদ-১৯গী মওংদা মমাংদা অমুক্তা ওইখিদ্রিবা শিংনবা অমা মায়োক্নরি। লাকপীরো, চহি অসিদা, কুমহৈশিং অসিগী তাঞ্জা অসিদা ঐখোয় পুম্নমক্না ৱারেপ অসি লৌরসি মদুদি ঐখোয় সোসিয়েল দিস্তেন্সিংগী অমদি মতিক চাবা চেকশিন থৌরাং ঙাক্না চৎকনি অমদি অপুনবগী পাঙ্গলদা কোরোনা ভাইরসপু মায়থিবা পীগনি।”

রাস্ত্রপতিগী পাউজেল অসি হিন্দীদা পানবগীদমক মসিদা ক্লিক তৌবীয়ু