ರೋಗ ಲಕ್ಷಣಗಳಿಲ್ಲದವರಲ್ಲಿ ಕೋವಿಡ್–19 ಸೋಂಕು ಪರೀಕ್ಷಿಸಲು ಕಿಟ್ ಅಭಿವೃದ್ಧಿ ಹಾಗು ಲಸಿಕಾ ಉತ್ಪಾದನೆಗೆ ಸಜ್ಜಾದ ಡಿ ಎಸ್ ಟಿ  ಅನುದಾನಿತ ಸ್ಟಾರ್ಟ್ ಅಪ್

“ಲಸಿಕೆಗಳನ್ನು ಅಭಿವೃದ್ಧಿಪಡಿಸುವುದು ದೀರ್ಘಾವಧಿ ಕ್ರಿಯೆ, ಈ ಚಟುವಟಿಕೆಯನ್ನು ಶೀಘ್ರಗತಿಯಲ್ಲಿ ಕೈಗೊಳ್ಳುವುದು ಅತ್ಯವಶ್ಯಕ”: ಡಿ ಎಸ್ ಟಿ ಕಾರ್ಯದರ್ಶಿ, ಪ್ರೋಫೆಸರ್ ಆಶುತೋಷ್ ಶರ್ಮಾ
 

ಕೋವಿಡ್ 19 ತುರ್ತು ಪರಿಸ್ಥಿತಿಯಲ್ಲಿ ಆಕ್ಟಿವ್ ವೈರೊಸಮ್ (ಎವಿ) ಲಸಿಕೆ ಮತ್ತು ಇಮ್ಯುನೊ ಡೈಗ್ನಾಸ್ಟಿಕ್ ಕಿಟ್ ಗಳ ಅಭಿವೃದ್ಧಿಯನ್ನು ಕೈಗೊಳ್ಳಲು ಹೊಸ ಜೀವಶಾಸ್ತ್ರ ತಂತ್ರಜ್ಞಾನದ ಕುರಿತು ಕೆಲಸ ಮಾಡುತ್ತಿರುವ ಸೀಗಲ್ ಬಯೊಸೊಲ್ಯೂಶನ್ಸ್ ಎಂಬ ಸ್ಟಾರ್ಟ್ ಅಪ್ ಕಂಪನಿಗೆ  ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ಡಿ ಎಸ್ ಟಿ ಬಂಡವಾಳ ಒದಗಿಸಿದೆ.

ಸೀಗಲ್ ಬಯೊದಿಂದ ಅಭಿವೃದ್ಧಿಪಡಿಸಿದ ಆಕ್ಟಿವ್ ವೈರೊಸಮ್ ತಂತ್ರಜ್ಞಾನ (ಎವಿಟಿ) ಲಸಿಕೆಗಳು ಮತ್ತು ಇಮ್ಯುನೊಥೆರಾಪ್ಯುಟಿಕ್ ಏಜಂಟ್ ಗಳ ಉತ್ಪಾದನೆಗೆ ಉಪಯುಕ್ತವಾಗಿದೆ. ಬೇಕಾದ ರೋಗಕಾರಕಗಳಿಂದ ಅಪೇಕ್ಷಿತ ಪ್ರತಿಜನಕಗಳನ್ನು ವ್ಯಕ್ತಪಡಿಸುವ ನೂತನ, ಅಪಾಯಕಾರಿಯಲ್ಲದ ಹಾಗೂ ಆರ್ಥಿಕವಾಗಿ ಹೊರೆಯಲ್ಲದ ಆಕ್ಟಿವ್ ವೈರೊಸಮ್ ಏಜಂಟ್ ಗಳ ಉತ್ಪಾದನೆಗೆ ಎವಿಟಿ ವೇದಿಕೆ ಪ್ರಯೋಜನಕಾರಿಯಾಗಿದೆ. ಕೋವಿಡ್ – 19 ಸೋಂಕನ್ನು ತಡೆಗಟ್ಟುವ ನೂತನ ಲಸಿಕಾ ಅಬಿವೃದ್ಧಿಗೆ ಮತ್ತು ಕೋವಿಡ್ – 19 ಗಾಗಿ ಇಮ್ಯುನೊಡಯಾಗ್ನಾಸ್ಟಿಕ್ ಎಲಿಸಾ ಕಿಟ್ ಗಳನ್ನು ಅಭಿವೃದ್ಧಿಪಡಿಸಲೂ ಸಹ ಇವುಗಳನ್ನು ಬಳಸಲಾಗುತ್ತದೆ.

“ಕರಾರುವಕ್ಕಾದ ರೋಗಪತ್ತೆ, ಹರಡುವಿಕೆ ಸರಪಳಿಯನ್ನು ತುಂಡರಿಸುವುದು, ಚಿಕಿತ್ಸೆ ಮತ್ತು ಸುರಕ್ಷಿತ ಮತ್ತು ಪರಿಣಾಮಕಾರಿ ಲಸಿಕೆಗಳು ಕೋವಿಡ್ – 19 ಸವಾಲುಗಳನ್ನು ಎದುರಿಸಲು ಪ್ರಮುಖ ಆಧಾರಸ್ಥಂಭಗಳಾಗಿವೆ. ಇವುಗಳಲ್ಲಿ ಲಸಿಕೆಗಳನ್ನು ಅಭಿವೃದ್ಧಿಪಡಿಸುವುದೇ ದೀರ್ಘ ಸಮಯವನ್ನು ತೆಗೆದುಕೊಳ್ಳುತ್ತದೆ. ಆದ್ದರಿಂದ ಈ ಚಟುವಟಿಕೆಯನ್ನು ತ್ವರಿತಗತಿಯಲ್ಲಿ ಪೂರ್ಣಗೊಳಿಸುವುದು ಈಗ ಅತ್ಯವಶ್ಯಕವಾಗಿದೆ” ಎಂದು ಡಿ ಎಸ್ ಟಿ ಕಾರ್ಯದರ್ಶಿ ಪ್ರೋಫೆಸರ್ ಆಶುತೋಷ್ ಶರ್ಮಾ ಹೇಳಿದ್ದಾರೆ.

ಪ್ರಸ್ತುತ ಭಾರತದಲ್ಲಿ ಲಭ್ಯವಿರುವ ಪಾಲಿಮರೇಸ್ ಚೈನ್ ರಿಯಾಕ್ಷನ್ (ಪಿಸಿಆರ್) ಆಧಾರಿತ ರೋಗಪತ್ತೆ ಕಿಟ್ ಗಳು ಸಕ್ರೀಯವಾಗಿರುವ ಕೋವಿಡ್-19 ಸೋಂಕು ಪತ್ತೆ ಹಚ್ಚಲು ಮಾತ್ರ ಶಕ್ತವಾಗಿವೆ ಆದರೆ ರೋಗಲಕ್ಷಣಗಳಿಲ್ಲದ ಸೋಂಕುಗಳನ್ನು ಅಥವಾ ಈ ಹಿಂದೆ ಕೋವಿಡ್-19 ಸೋಂಕು ತಗುಲಿದ ಅಥವಾ ಯಾರು ಇದರ ಪ್ರಭಾವಕ್ಕೆ ಒಳಗಾಗಿದ್ದರೊ ಅಥವಾ ಈ ಹಿಂದೆ ಕೋವಿಡ್-19 ಸೋಂಕಿಗೆ ಒಳಗಾದವರು ಆದರೆ ಈ ರೋಗದಿಂದ ಬಳಲದೇ ಇದ್ದವರು ಅಥವಾ ಕೋವಿಡ್-19 ಸೋಂಕಿನಿಂದ ಚೇತರಿಸಿಕೊಂಡಿದ್ದು ಮತ್ತು ಈಗಲೂ ಈ ವೈರಾಣು ಹರಡಿಸುತ್ತಿರುವವರನ್ನು ಇವು ಗುರುತಿಸಲು ಸಾಧ್ಯವಿಲ್ಲ. ಇದಕ್ಕೆ ತದ್ವಿರುದ್ಧವಾಗಿ ಇಮ್ಯುನೊಡೈಗ್ನಾಸ್ಟಿಕ್ ಕಿಟ್ ಗಳು ಕೋವಿಡ್ ನ ಪ್ರತಿಕಾಯಗಳನ್ನು ಪತ್ತೆ ಹಚ್ಚಲು ಸಹಾಯ ಮಾಡುತ್ತವೆ – ಇದರಿಂದ ಈ ಸೋಂಕುಗಳನ್ನು ಕೂಡ ಪತ್ತೆಹಚ್ಚಬಹುದು.   ಆದ್ದರಿಂದ ಕೋವಿಡ್ – 19 ಕ್ಕಾಗಿ ಇಮ್ಯುನೊಡೈಗ್ನಾಸ್ಟಿಕ್ ಕಿಟ್ ಗಳನ್ನು ಉತ್ಪಾದಿಸಲು ಎಸ್ ಪಿ ಬಿ ಎಲ್ ತನ್ನ ಪ್ರಯತ್ನಗಳನ್ನು ಆರಂಭಿಸಿದೆ. ಈ ಪರೀಕ್ಷೆಗಳು ಆರೋಗ್ಯ ರಕ್ಷಣೆ ಸಂಶೋಧಕರಿಗೆ  ಕೋವಿಡ್ – 19 ಹರಡುವಿಕೆಯನ್ನು ಮತ್ತಷ್ಟು ನಿಖರವಾಗಿ ಪರಿವೀಕ್ಷಿಸಲು ಅನುವು ಮಾಡಿಕೊಡುತ್ತವೆ.

ಪುಣೆಯ ಉದ್ಯಮಶೀಲತೆ ಅಭಿವೃದ್ಧಿ ಕೇಂದ್ರ (ವೆಂಚರ್ ಸೆಂಟರ್) ದಲ್ಲಿರುವ ಸೀಗಲ್ ಬಯೋ, ತಂತ್ರಜ್ಞಾನ ಅಭಿವೃದ್ಧಿ ಮಂಡಳಿಯ (ಟಿ ಡಿ ಬಿ) ಸೀಡ್ ಸಪ್ಪೊರ್ಟ್ ಸಿಸ್ಟೆಮ್ ನೆರವಿನೊಂದಿಗೆ ಡಿ ಎಸ್ ಟಿ, 2 ಬಗೆಯ ಆಕ್ಟಿವ್ ವೈರೋಸಂ (ಎವಿ) ಏಜಂಟ್ ಗಳನ್ನು ಉತ್ಪಾದಿಸುತ್ತಿದೆ. ಎಸ್ ಬಿ ಪಿ ಎಲ್ 2 ವಿಧದ ಎವಿ ಏಜಂಟ್ ಗಳನ್ನು ಉತ್ಪಾದಿಸುತ್ತಿದ್ದು  ಒಂದು ಕೋವಿಡ್ – 19 ರ (ಎವಿ-ಎಸ್) ಎಸ್ ಪ್ರೋಟಿನ್ ಅನ್ನು ಅಭಿವ್ಯಕ್ತಿಸುತ್ತದೆ ಮತ್ತೊಂದು  ಕೋವಿಡ್ – 19 ರ (ಎವಿ-ಎಸ್ ಪಿ) ಗಳ ಸ್ಟ್ರಕ್ಚರಲ್ ಪ್ರೋಟಿನ್ ಅನ್ನು ಅಭಿವ್ಯಕ್ತಪಡಿಸುತ್ತದೆ. ಪ್ರಸ್ತುತ ಇವುಗಳ ಇಮ್ಯುನೊಜೆನಿಸಿಟಿಯನ್ನು ಪರೀಕ್ಷಿಸಲು ಎಸ್ ಬಿ ಪಿ ಎಲ್ ಈ ಎರಡೂ ಏಜಂಟ್ ಗಳ ಸಂಶ್ಲೇಷಣೆಯನ್ನು 10 ಮಿಲಿಗ್ರಾಂ ಮಟ್ಟಕ್ಕೆ ಹೆಚ್ಚಿಸುತ್ತಿದೆ. ಎವಿಎಸ್ ಮತ್ತು ಎವಿಎಸ್ ಪಿ ಗಳು ಕೋವಿಡ್ – 19 ನ್ನು ವಿರೋಧಿಸುವ ಮತ್ತು ತಟಸ್ಥಗೊಳಿಸುವ ಪ್ರತಿಕಾಯಗಳನ್ನು ಪ್ರಚೋದಿಸುತ್ತವೆಯೇ ಮತ್ತು ಕಣಗಳ ರೋಗ ನಿರೋಧಕ ಪ್ರತಿಕ್ರಿಯೆ ಸಾಮರ್ಥ್ಯ ಹೊಂದಿದೆಯೇ ಎಂಬುದನ್ನು ಖಚಿತಪಡಿಸಲು ಈ ಪರೀಕ್ಷೆಗಳನ್ನು ಮೊದಲು ಕಾಡು ಇಲಿಗಳ ಮೇಲೆ ಪ್ರಯೋಗಿಸಲಾಗುವುದು.    

ಒಮ್ಮೆ ಇದು ರುಜುವಾತಾದರೆ ACE2R+ mice ಕುರಿತು ಪರಿಣಾಮಕಾರಿತ್ವದ ಅಧ್ಯಯನವನ್ನು ಅವರು ಕೈಗೆತ್ತಿಕೊಳ್ಳಲಿದ್ದಾರೆ. ಇದನ್ನು ಸಾರ್ಸ್ ರೋಗಕ್ಕೆ ಮಾದರಿಯಾಗಿ ಬಳಸಲಾಗುವುದು. ಇದರ ಜೊತೆಗೆ ಎವಿ ಏಜೆಂಟ್ ಉತ್ಪಾದನೆಗೆ ಜೀವಪರಿಷ್ಕರಣಾ ಘಟಕವೊಂದನ್ನು ಸ್ಥಾಪಿಸಲಾಗುವುದು ಮತ್ತು ಬೃಹತ್ ಪ್ರಮಾಣದಲ್ಲಿ ಸುಮಾರು 100,000 ಲಸಿಕಾ ಡೋಸ್ ಗಳಷ್ಟು ಎವಿ ಏಜೆಂಟ್ ನ್ನು ಉತ್ಪಾದಿಸಲಾಗುವುದು. ACE2R+ mice ನಲ್ಲಿ ಮತ್ತು ಇತರ ಪುಟ್ಟ ಪ್ರಾಣಿ ಪ್ರಬೇಧಗಳು ಅಥವಾ ಮಂಗಗಳಲ್ಲಿ ನಂಜಿನಾಂಶ, ಸುರಕ್ಷತೆ ಮತ್ತು ಫಾರ್ಮಾಕೊಕೈನೆಟಿಕ್ ಕುರಿತು ವಿವರವಾದ ಅಧ್ಯಯನ ನಡೆಸಲಾಗುವುದು. ನಂತರ ಎವಿ ಲಸಿಕಾ ಏಜಂಟ್ ಗಳನ್ನು ಪ್ರಥಮ ಹಂತದ ಚಿಕಿತ್ಸಕ ಪ್ರಯೋಗಗಳಿಗಾಗಿ ಸಿದ್ಧಪಡಿಸಲಾಗುವುದು.  18-20 ತಿಂಗಳುಗಳ ಅಂತ್ಯದ ವೇಳೆಗೆ ಎವಿ ಗಳ ವಿಶೇಷ ಲಕ್ಷಣಗಳು ಮೊದಲ ಹಂತದ ಪ್ರಯೋಗಗಳನ್ನು ಪ್ರಾರಂಭಿಸಲು ಅನುವು ಮಾಡಿಕೊಡುತ್ತದೆ ಎಂದು ಕಂಪನಿಯು ನಿರೀಕ್ಷಿಸುತ್ತಿದೆ.           

ಈ ಲಸಿಕಾ ಯೋಜನೆಯ ಜೊತೆ ಜೊತೆಗೆ  ಕೋವಿಡ್ – 19 ರ ಎಸ್ ಪ್ರೋಟಿನ್ ಅನ್ನು ಅಭಿವ್ಯಕ್ತಪಡಿಸುವ ಸಕ್ರೀಯ ವೈರೊಸೋಮ್ ಗಳನ್ನು ಇಮ್ಯುನೊಡೈಗ್ನಾಸ್ಟಿಕ್ ಕಿಟ್ ಗಳ ಅಭಿವೃದ್ಧಿಗೆ ಕೋವಿಡ್ – 19 ರ ಪ್ರತಿಜನಕದ ರೂಪದಲ್ಲಿ   ಎಸ್ ಬಿ ಪಿ ಎಲ್ ಬಳಸಲಿದೆ. ಎಲಿಸಾ (ಇ ಎಲ್ ಐ ಎಸ್ ಎ) ಕಿಟ್ ಗಳನ್ನು ಅಧೀನದಲ್ಲಿಟ್ಟುಕೊಳ್ಳುವ ಐಜಿಎಂ(IgM), ಐಜಿಜಿ(IgG) ಮಾದರಿಯ ಪ್ರತಿರೋಧಕ ಎಲಿಸಾ ಕಿಟ್ ಗಳನ್ನು ಪತ್ತೆಹಚ್ಚುವುದು ಮತ್ತು ಒಂದು ಲ್ಯಾಟರಲ್ ಫ್ಲೊ (ಎಲ್ ಎಫ್ ಎ) ಇಮ್ಯುನೊಡೈಗ್ನಾಸ್ಟಿಕ್ ಪರೀಕ್ಷೆಯನ್ನು ಉತ್ಪಾದಿಸಲಾಗುತ್ತದೆ. ಈ ಎಲ್ ಎಫ್ ಎ  ಪರೀಕ್ಷೆಗಳು ಭಾರತೀಯ ನಾಗರಿಕರು ಸ್ವತಃ ತಾವೇ ಸುಲಭವಾಗಿ ಪರೀಕ್ಷಿಸಿಕೊಳ್ಳಲು ಮತ್ತು ತಮಗೆ ಯಾವ ರೋಗವಿಲ್ಲ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಲು ಸಬಲಗೊಳಿಸುತ್ತದೆ.

ಆಗಸ್ಟ್ 2020 ರ ಅಂತ್ಯದ ವೇಳೆಗೆ ಇಮ್ಯುನೊಡೈಗ್ನಾಸ್ಟಿಕ್ ಕಿಟ್ ಗಳು ಕ್ಷೇತ್ರ ಪ್ರಯೋಗಗಳಿಗೆ ಸಿದ್ಧವಾಗಲಿವೆ ಮತ್ತು 10 ರಿಂದ 11 ತಿಂಗಳೊಳಗೆ ಅನುಮೋದನೆ ಪಡೆಯಲಿವೆ ಎಂದು ಎಸ್ ಬಿ ಪಿ ಎಲ್ ನಿರೀಕ್ಷಿಸುತ್ತಿದೆ. ಮತ್ತೊಂದೆಡೆ ಎವಿ ಲಸಿಕೆ ದೀರ್ಘ ಕಾಲ ತೆಗೆದುಕೊಳ್ಳುವ ನಿರೀಕ್ಷೆಯಿದೆ. ಆದಾಗ್ಯೂ ಸದ್ಯದ ತುರ್ತು ಪರಿಸ್ಥಿತಿ ಅವಲೋಕಿಸಿದಾಗ 80 ದಿನಗಳಲ್ಲಿ ತನ್ನ ಪರಿಕಲ್ಪನೆಯನ್ನು ಸಂಪೂರ್ಣಗೊಳಿಸುವ ಗುರಿಯನ್ನು ಮತ್ತು ಚಿಕಿತ್ಸಾಪೂರ್ವ ಅಭಿವೃದ್ಧಿಯನ್ನು ಪೂರ್ಣಗೊಳಿಸಿ ಮೊದಲ ಹಂತದ ಪ್ರಯೋಗವನ್ನು 18-20 ತಿಂಗಳೊಳಗೆ ಪ್ರಾರಂಭಿಸುವ ಗುರಿಯನ್ನು ಎಸ್ ಬಿ ಪಿ ಎಲ್ ಹೊಂದಿದೆ.

(ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:ವಿಶ್ವಾಸ ಡಿ ಜೋಷಿ vishwasjo@seagullbiosolutions.in 9967547936)

********