సీగ‌ల్ బ‌యో సొల్యూష‌న్స్‌, నూత‌న జీవ సాంకేతిక ప‌రిజ్ఞానాల‌పై ప‌నిచేస్తున్న స్టార్ట‌ప్‌. కోవిడ్ -19 అత్యవసర పరిస్థితుల కోసం యాక్టివ్ వైరోసోమ్ (AV) -వాక్సిన్ , ఇమ్యునోడయాగ్నోస్టిక్ కిట్ల అభివృద్ధిని చేపట్టడానికి కొత్త జీవ సాంకేతిక పరిజ్ఞానాలపై పనిచేసే స్టార్టప్ అయిన సీగల్ బయో సొల్యూషన్స్ కు, సైన్స్ అండ్ టెక్నాలజీ విభాగం (డిఎస్‌టి) నిధులు సమకూరుస్తోంది.
 
సీగల్ బయో అభివృద్ధి చేసిన యాక్టివ్ వైరోసోమ్ టెక్నాలజీ (ఎవిటి), టీకాలు , ఇమ్యునోథెరపీటిక్ ఏజెంట్ల ఉత్పత్తికి ఉపయోగపడుతుంది. ల‌క్షిత పాథోజ‌న్ల‌ నుండి కావలసిన యాంటిజెన్లను వ్యక్తీకరించే , ప్రమాదకరం కాని  ఎక‌న‌మిక‌ల్ వైరోసోమ్ ఏజెంట్లను ఉత్పత్తి చేయడానికి ఎవిటి ప్లాట్‌ఫాం ఉపయోగపడుతుంది. కోవిడ్-19 వ్యాప్తి నివారణకు  వ్యాక్సిన్,  కోవిడ్ -19ను అదుపు చేసేందుకు ఉప‌యోగించే  ఇమ్యునోడయాగ్నొస్టిక్ ఎలిసా కిట్‌లను అభివృద్ధి చేయడానికి ఇవి ఉపయోగించబడతాయి.
“ఖచ్చితంగా వ్యాధి  నిర్ధార‌ణ‌, వైర‌స్ వ్యాప్తి గొలుసును  విచ్ఛిన్నం చేయడం, సురక్షితమైన , సమర్థవంతమైన వ్యాక్సిన్లతో చికిత్స , నివారణ చర్యలు కోవిడ్ -19 స‌వాలును స‌మ‌ర్ధంగా  ఎదుర్కోవ‌డంలో అత్యంత కీల‌క‌మైన‌వి. వీటిలో, వ్యాక్సిన్లను అభివృద్ధి చేయడం  అనేది సుదీర్ఘ‌కాల ప్ర‌క్రియ‌. అందుబ‌ల్ల  ఇప్పుడే  ఆ కార్యాచరణను వేగంగా చేప‌ట్ట‌డం చాలా అవసరం ”అని డిఎస్టి కార్యదర్శి ప్రొఫెసర్ అశుతోష్ శర్మ అన్నారు.
 ప్రస్తుతం దేశంలో అందుబాటులో ఉన్న పాలిమరేస్ చైన్ రియాక్షన్ (పిసిఆర్) ఆధారిత డయాగ్నొస్టిక్ కిట్లు స‌త్వ‌రం,  క్రియాశీల కోవిడ్ -19 వ్యాప్తిని గుర్తించగలుగుతాయి, కాని ఎలాంటి ల‌క్ష‌ణాలు పైకి క‌నిపించ‌ని అంటువ్యాధులను ఇవి గుర్తించలేవు లేదా గతంలో కోవిడ్ -19 బారిన పడి ప్ర‌స్తుతం ఆ ల‌క్ష‌ణాలు లేని వారు. లేదా కోవిడ్ -19 నుంచి కోలుకున్న వారు ఇప్ప‌టికీ  వైర‌స్‌ను  వ్యాప్తి చేస్తుండ‌వ‌చ్చు.

 దీనికి భిన్నంగా, కోవిడ్  కు యాంటీబాడీల‌ను  గుర్తించడంలో ఇమ్యునోడయాగ్నొస్టిక్ కిట్లు సహాయపడతాయి -ఇవి అంటువ్యాధులను కూడా గుర్తించగలవు. అందువల్ల, కోవిడ్ -19  కోసం ఇమ్యునోడయాగ్నోస్టిక్ కిట్‌లను ఉత్పత్తి చేసే ప్రయత్నాలను ఎస్‌.బి.పి.ఎల్  ప్రారంభించింది. ఈ పరీక్షలు ఆరోగ్య సంర‌క్ష‌ణ‌ పరిశోధకులకు కోవిడ్ -19 వ్యాప్తిని మరింత ఖచ్చితంగా నియంత్రించ‌డానికి వీలు కల్పిస్తాయి.
 సీగ‌ల్ బ‌యో పూణె లోని ఎంటర్‌ప్రెన్యూర్‌షిప్ డెవలప్‌మెంట్ సెంటర్ (వెంచర్ సెంటర్) లో ఉంది. టెక్నాలజీ డెవలప్‌మెంట్ బోర్డ్ (టిడిబి)  సీడ్ సపోర్ట్ సిస్టమ్ కింద దీనికి మద్దతు ల‌భిస్తోంది. డిఎస్‌టి రెండు రకాల యాక్టివ్ వైరోసోమ్ (ఎవి) ఏజెంట్లను ఉత్పత్తి చేస్తోంది. ఎస్‌బిఎఎల్  రెండు రకాల ఎవిఏజెంట్లను ఉత్పత్తి చేస్తుంది - ఒకటి కోవిడ్ -19 (AV-S) కు సంబంధించిన‌ S ప్రోటీన్ వ్య‌క్తం చేసేది కాగా ,మరొకటి కోవిడ్ -19 (ఎవి-ఎస్‌పి లు)  నిర్మాణ ప్రోటీన్లను వ్య‌క్తంచేసేది.
 ఎస్‌బిపిఎల్  ప్రస్తుతం ఈ రెండు ఏజెంట్ల సంశ్లేషణను 10 ఎం.జి స్థాయిల వరకు విస్తరిస్తోంది, తద్వారా వారి రోగనిరోధక శక్తిని పరీక్షించవచ్చు. యాంటీ-కోవిడ్ -19 న్యూట్రలైజింగ్ యాంటీబాడీస్ & సెల్యులార్ ఇమ్యూన్ రెస్పాన్స్ (ల) ను ప్రేరేపించే ఎవి-ఎస్‌పి  ల సామర్థ్యాన్ని నిర్ధారించడానికి ఈ పరీక్షల‌ను ముందు వైల్డ్ ర‌కం ఎలుకలలో చేస్తారు.
ఒక‌సారి ఇది నిరూపిత‌మైన  తర్వాత, వారు ఎసిఇ -2 ఆర్‌ + ఎలుకలపై దీని సమర్థత కు సంబంధించిన  అధ్యయనాలను చేపడ‌తారు, వీటిని సార్స్ వ్యాధికి నమూనాగా ఉపయోగిస్తారు. సమాంతరంగా, ఏవి- ఏజెంట్ ఉత్పత్తికి బయోప్రాసెస్ ను ప్రారంభిస్తారు. త‌ద్వారా పెద్ద ఎత్తున 100,000 వ్యాక్సిన్ మోతాదులో  ఎవి- ఏజెంట్ ఉత్పత్తి చేయబడుతుంది.
ఎసిఇ2ఆర్‌+ ఎలుకలు , మరొక చిన్న జంతు జాతుల ర‌కాలు లేదా కోతులపై , టాక్సిసిటీ,  భద్రత , ఫార్మకోకైనటిక్ అంశాల‌పై స‌వివ‌ర‌మైన‌ అధ్యయనం చేప‌డ‌తారు. ఆపై తొలి ద‌వ‌  క్లినికల్ ట్రయల్స్ కోసం ఎవి- వ్యాక్సిన్ ఏజెంట్ తయారు చేస్తారు. ఏవి లకు గ‌ల  ప్రత్యేక ఫీచ‌ర్ల‌ను బ‌ట్టి 18-20 నెలల చివరి నాటికి  తొలి దశ ట్రయల్స్ ప్రారంభించగలమ‌ని కంపెనీ  భావిస్తోంది.
 
ఈ వ్యాక్సిన్ ప్రాజెక్టుకు సమాంతరంగా, ఎస్ బిపిఎల్ కోవిడ్ -19 ఎస్‌ప్రోటీన్‌ను వ్యక్తీకరించే యాక్టివ్ వైరోజోమ్‌లను ఇమ్యునోడయాగ్నొస్టిక్ కిట్‌లను అభివృద్ధి చేయడానికి యాంటిజెన్‌గా ఉపయోగిస్తుంది. ఐజిఎం ఎలీసా కిట్‌లను స‌మీక‌రిస్తుంది, ఐజిజి రకం యాంటీబాడీ ఎలీసా కిట్‌లను కనుగొంటుంది . లాటరల్ ఫ్లో (ఎల్ఎఫ్ఎ) ఇమ్యునోడయాగ్నొస్టిక్ పరీక్షల‌ను రూపొందిస్తారు. . ఎల్ఎఫ్ఎ పరీక్షలు దేశంలోని పౌరులు  తమకు తాముగా సులభంగా పరీక్షించుకోవడానికి ఉప‌యోగ‌ప‌డ‌తాయి. ఇది  వారు వ్యాధి బారిన ప‌డ‌కుండా చూస్తుంది.
ఆగష్టు 2020 చివరి నాటికి ఇమ్యునోడయాగ్నొస్టిక్ కిట్లు క్షేత్రస్థాయి పరీక్షలకు సిద్ధంగా ఉంచ‌నున్నారు. 10-11 నెలల నాటికి వీటికి ఆమోదం పొంద‌గ‌ల‌మ‌ని  ఎస్బిపిఎల్ భావిస్తోంది. మరోవైపు, ఎవి వ్యాక్సిన్ రూప‌కల్ప‌న‌కు ఎక్కువ సమయం పడుతుందని భావిస్తున్నారు. ఏదేమైనా, ప్ర‌స్తుత అత్య‌వ‌స‌ర పరిస్థితుల దృష్ట్యా, ఎస్బిపిఎల్ 80 రోజుల్లో కాన్సెప్ట్ ను రుజువు చేసే ప్ర‌క్రియ‌ను పూర్తి చేయాల‌ని సంక‌ల్పించింది. అలాగే  ప్రీ క్లినిక‌ల్  ప‌రీక్ష‌లు  పూర్తి చేసి , 18-20 నెలల లోపు తొలి ద‌శ ప్రారంభించేందుకు లక్ష్యంగా పెట్టుకుంది.
మ‌రిన్ని వివ‌రాల‌కు సంప్ర‌దించండి:
విశ్వాస్ డి. జోషి
vishwasjo@seagullbiosolutions.in
9967547936)