স্তেৎ লৈঙাকশিংনা মখোয় মখোয়গী স্কিমগী মখাদা পীবা রাসন কার্দ পায়বা নফসাগী খুদোংচাবা ফংদবা মীওই খুদিংমক্তা গেহুগীনা কে.জি.দা লুপা ২১ অমসুং চেঙগীনা কে.জি.দা লুপা ২২গী চাংদা মী অমদা থাদা কে.জি. ৫গী চাংদা থা ৩ ফংহন্নবা কেন্দ্র লৈঙাকনা ফুদ কোর্পোরেসন ওফ ইন্দিয়াদা খঙহনখ্রে‍। হায়রিবা স্তোক অসি স্তেৎশিংদা অমুক্তদা নৎত্রগা থাগী ওইনা থা অহুম চঙনা জুন ২০২০ ফাওবদা চিংথোক্নবা খুদোংচাবা পীখ্রে‍।

তেংবাং পীবদা য়াওরিবা এন.জি.ও.শিং/চেরিতেবল লুপশিংদা মতেং পাংননবগীদমক হায়রিবা লুপশিং অসিদা লৈবাক শীনবা থুংনা চাং চপ মান্ননা অকক্নবা চাং থমদনা গেহুগীনা কে.জি.দা লুপা ২১ অদুগা চেঙগীনা কে.জি.দা লুপা ২২গী চাংদা পীননবা লৈঙাকনা এফ.সি.আই.দা হায়খ্রে‍। য়াথং অসিনা কোভিদ-১৯ লাইচৎগী তানফম অসিদা খুন্নাইগী শরুক খুদিংমক্তা মরম চাবা মমলদা চাননবা চেঙ-হৱাই মরাং কাইনা ফংহন্দুনা লৈবাকসিগী চেঙ-হৱাই সপ্লাইগী ফীভমদা কান্নবা ফংহনগনি হায়না থাজবা থমলি‍।

ফ্যের প্রাইস সোপ (এফ.পি.এস.) লাখ ৫.৩গী খুত্থাঙদা মীওই ক্রোর ৮১ কোনশিল্লিবা মালেমগী খ্বাইদগী চাউবা ফুদ সিক্যুরিতী সিস্তেমবু মচাক পীননবা লৈবাক শীনবা থুংনা চাননবা চেঙ-হৱাই পুথোক পুশিনগী চাউরবা থৌ অমা এফ.সি.আই.না পায়রিবা অসিগী শরুক অমা ওইনা ০৯.০৪.২০দা চাননবা পোৎলম এম.তি. লাখ ২.১৬ পুবা রেক ৭৭ পুথোক পুশিন তৌদুনা অনৌবা খোঙফম শেমখ্রে‍। মসিগী লো্য়ননা অথিংবা থম্বা হৌরকপদগী হৌরগা এফ.সত.আই.না পুথোক পুশিন তৌখিবা অপুনবা চান-থক্নবা পোৎলমশিং অসি মেত্রিক তন মিল্লিয়ন ২.৫কী ময়া য়ৌশিল্লক্লে‍।

পি.এম. গরিব কল্যান অন্ন য়োজনা (পি.এম.জি.কে.এ.ৱাই.)গী মখাদা চানবা পোৎলম অপুনবা এম.এম.তি. ১২.১ মীওই অমদা কে.জি. ৫গী চাংদা মীওই ক্রোর ৮১দা থা অহুমদা পীবগী থবক লৌখৎলি‍। স্তেৎ খুদিংমক্তা মখোয় মখোয়গী য়েন্থোকপগী থৌরাংগী মতুং ইন্না স্তেৎ খুদিংমক্তা অসিগুম্লবা মশিং য়াম্লবা চানবা পোৎলমশিং অসি মফম চানা য়ৌহন্নবগী শীংনবা অসি মায়োক্ননবা মপুং ফানা শেম শাদুনা লৈরে‍। ৱেস্ত বেঙ্গলদা স্তেৎ অদুগী ওইনা পি.এম.জি.কে.এ.ৱাই.গী মখাদা মথৌ তাবা ফুত্তোক্লবা চেঙ এল.এম.তি. ৬ এপ্রিল লোইশিল্লকপা ফাওবদা য়ৌহন্নবা অখন্নবা থৌরাংশিং পায়খৎলি‍। লৈবাকসিগী ওইনা ফুত্তোক্লবা চেঙ খ্বাইদগী য়াম্না পুথোক্লিবা স্তেৎশিং, ছত্তিসগর, তেলঙ্গনা অমসুং ওরিশাদগী ফুত্তোক্লবা চেঙ পুননবা থৌরাং য়াত্থোকপা লোইরে‍। অদুবু ফুত্তোক্লবা চেঙ থম্ননবা মফম মরাঙ কায়না ফংহন্ননবগীদমক্তা এফ.সি.আই.না মাঙজৌননা ৱেস্ত বেঙ্গল লৈঙাক্তা গোদাউনশিংদা লৈরিবা গেহুগী স্তোকশিং লৌথোকপগী থবক খোঙজেল য়াঙশিন্নবা হায়জখ্রে‍।

অথিংবা থমখ্রবা মতুংদা স্তোকশিং পুথোক পুশিন তৌবগী চাং থাজবগী ৱাংমদা পায়খৎপগা লোয়ননা এফ.সি.আই.না আন্ধ্র প্রদেশ, তেলঙ্গনা, ওরিশা, ছত্তিসগরনচিংবা স্তেৎশিংদগী চাঙ লৈশিনবগী থবকসু পায়খৎলি‍। মসিনা পঞ্জাব, হর‍্যানা, মধ্য প্রদেশ, য়ু.পি., রাজস্থাননচিংবা চাউনা লৈফম ওইরিবা স্তেৎশিংদগী নীংথম লৌরোক্কী গেহুসু স্তেৎ লৈঙাকশিংনা শেম্বা পোৎ লৈবগী থৌরাংগী মতুং ইন্না সোসিয়েল দিস্তেন্সিংগী কাংলোন নীংথিনা ঙাক্তুনা লৌশিনবা হৌনবা হোৎনরি‍। রবি লৌরোক্কী মনুংদা গেহু এম.এম.তি. ৪০ অমদি চেঙ এম.এম.তি. ৯ লৌশিনগনি হায়না পারিবা অসিনা লৈবাকসিগী কৈদা চানবা পোৎলমশিংগী স্তোক অমুক হেঙ্গৎহন্দুনা লৈবাকসিগী ফুদ সিক্যুরিতীদা খুদোংথিবা লৈহল্লরোই‍।

হেন্না অকুপ্পা ৱারোলগীদমক মখাগী লিঙ্কশিং অসিদা নম্বীয়ুঃ

১. পি.এম.জি.কে.এ.ৱাই.গী মখাদা বেনিফিসরী খুদিংমক্তা পীননবা অহেনবা চানবা পোৎলমশিংগী এল্লোকেসন লৌননবা স্তেৎশিংগী ওইবা অকুপ্পা ৱারোল

২. অথিংবা থম্লিঙৈ মনুংদা স্তেৎশিংগী ওইনা হাপখিবা রেকশিংগী অকুপ্পা ৱারোল

৩. অথিংবা থম্লিঙৈ মনুংদা স্তেৎশিংগী ওইনা থাদখিবা রেকশিংগী অকুপ্পা ৱারোল