उपराष्ट्रपती कार्यालय
इस्टरच्या पूर्वसंध्येला उपराष्ट्र्पतींच्या शुभेच्छा
Posted On:
11 APR 2020 2:50PM by PIB Mumbai
नवी दिल्ली, 11 एप्रिल 2020
इस्टरच्या पूर्वसंध्येला उपराष्ट्रपती एम व्यंकय्या नायडू यांनी देशाला शुभेच्छा दिल्या आहेत. अंधःकारावर नेहमी प्रकाशाचा विजय होईल, याचे स्मरण पुनरुत्थानाची गोष्ट करून देते, असे उपराष्ट्रपतींनी आपल्या संदेशात म्हटले आहे. कोविड -१९ विरुद्धच्या लढाईत भारत आणि जग विजयी ठरेल अशा सदिच्छा त्यांनी व्यक्त केल्या आहेत.
येशूच्या पुनरुत्थानाची गोष्ट आशा आणि विश्वासाची गोष्ट आहे. कोरोनाच्या पार्श्ववभूमीवर इस्टरचा सण आपल्या जीवनात धैर्य आणि आशावाद जागृत करो, असे उपराष्ट्रपतींनी आपल्या संदेशात म्हटले आहे.
आपल्या घरातच राहून प्रियजनांसोबत इस्टर साजरा करताना कोविड-१९ विरुद्धच्या लढाईत आपला देश आणि जग विजयी ठरेल यासाठी प्रार्थना करूया, असे उपराष्ट्रपतींनी म्हटले आहे.
आरोग्यसेवेतील कर्मचारी आणि या संकटसमयी अथक प्रयत्न करणाऱ्या सर्वांप्रती आपण कृतज्ञ राहूया.
हा इस्टर आपल्याला अधिक दयाळू , निश्चयी आणि संयमी होण्याचे बळ देवो. आपल्या जीवनात शांतता आणि सलोखा नांदो, अशा सदिच्छा उपराष्ट्रपतींनी आपल्या संदेशात व्यक्त केल्या आहेत.
B.Gokhale/S.Kakade/P.Kor
(Release ID: 1613271)
Visitor Counter : 129