লকডাউনৰ সময়ছোৱাত ভাৰত চৰকাৰৰ কৃষি, সহযোগিতা তথা কৃষক কল্যাণ বিভাগৰ দ্বাৰা কৃষক সম্প্ৰদায়ৰ কাৰ্যকলাপসমূহ সুগম কৰি তোলাৰ বাবে বিভিন্ন পদক্ষেপ গ্ৰহণ কৰা হৈছে৷ সেইসমূহ হ’ল-য

• বিভাগত খাৰিফ ২০২০ৰ সময়ছোৱাত শস্য চপোৱা আৰু থ্ৰেছিঙৰ বাবে সকলো ৰাজ্যলৈ এছঅ’পি জাৰি কৰি কৃষক আৰু কৃষি শ্ৰমিকৰ স্বাস্থ্যক সুৰক্ষা দিয়া তথা ক’ৰনা ভাইৰাছৰ বিস্তৃতি প্ৰতিৰোধ কৰিবলৈ কোৱা হৈছে৷
• ৰবি ২০২০ৰ সময়ছোৱাত নেফেডে ১,০৭,৮১৪ মেট্ৰিক টন দাইল আৰু তিল মুঠ ৫২৬.৮৪ কোটি টকাৰ এমএছপি মূল্যত ক্ৰয় কৰিছে৷ ইয়াৰ দ্বাৰা ৭৫,৯৮৪ কৃষক উপকৃত হৈছে৷
• ৰাজ্য চৰকাৰ/কেন্দ্ৰীয়শাসিত প্ৰদেশসমূহলৈ পৰামৰ্শৱলী জাৰি কৰি প্ৰত্যক্ষ বিপণনক সুগম কৰি তোলাৰ বাবে কোৱা হৈছে যাতে বৃহৎ ক্ৰেতা/বৃহৎ খুচুৰা ব্যৱসায়ী/সংসাধকসমূহৰ দ্বাৰা কৃষক/এফপিঅ’/সহকাৰী সমিতিসকলৰ পৰা প্ৰত্যক্ষ ক্ৰয় কৰা যায় যাৰ দ্বাৰা ৰাজ্য এপিএমচি অধিনিয়মৰ অধীনত সীমা নিৰ্ধাৰিত কৰি সম্পৰ্কীয় নিয়ামকসমূহ প্ৰণয়ন কৰিব পাৰি৷ বিভাগে ফলমূল আৰু শাক-পাচলিৰ বজাৰসমূহ তথা কৃষি উৎপাদনক আন্তঃৰাজ্যিক সঞ্চালনসমূহ সুক্ষ্মভাৱে নিৰীক্ষণ কৰি আছে৷
• অলপতে ই-নাম প্লেটফ’ৰ্মত লজিষ্টিক উপকৰণৰ সঞ্চালন সুগম কৰি তোলা হৈছে৷ ৭.৭৬ লাখ ট্ৰাক আৰু ১.৯২ লাখ পৰিবহণ এই মডিউলৰ সৈতে পূৰ্বেই জড়িত কৰোৱা হৈছে৷
• ৰে’লৱেয়ে সোনকালে নষ্ট হোৱা সামগ্ৰীসমূহৰ সৈতে অত্যাৱশ্যকীয় সামগ্ৰীসমূহৰ যোগানৰ বাবে ১০৯ টাইম টেবুল পাৰ্চেল ৰে’লৰ বাবে ৬২টা পথ নিৰ্ধাৰিত কৰিছে৷
• প্ৰধানমন্ত্ৰী কৃষক সন্মান নিধিৰ অধীনত ২৪.০৩.২০২০ তাৰিখৰ পৰা প্ৰযোজ্য হোৱা লকডাউনৰ সময়ছোৱাত প্ৰায় ৭.৭৭ কোটি কৃষক পৰিয়ালক লাভান্বিত কৰা হৈছে৷ এই পৰ্যন্ত ১৫,৫৩১ কোটি টকাৰ ধনৰাশি আৱণ্টিত কৰা হৈছে৷
• ৰাষ্ট্ৰীয় উদ্যান শস্য ব’ৰ্ডে নাৰ্ছাৰীসমূহৰ ষ্টাৰ-ৰেটেডৰ বৈধতা ৩০ ছেপ্টেম্বৰ ২০২০লৈ সম্প্ৰসাৰিত কৰিছে৷
• ভাৰতত ঘেঁহু পৰ্যাপ্ত পৰিমাণে উৎপাদন হৈছে৷ নেফেডক জি২জি ব্যৱস্থাপনাৰ অধীনত আফগানিস্তানলৈ ৫০,০০০ মেট্ৰিকটন আৰু লেবাননক ৪০,০০০ মেট্ৰিকটন ঘেঁহু ৰপ্তানি কৰিবলৈ কোৱা হৈছে৷

*****

APS/PK/MS/BA/MANN