লৈবাক অসিনা কোরোনাভাইরস (কোবিদ-১৯)কী লানফম মায়োক্নরিবা অসিদা খোং লান্মী, ঈশিং লান্মী অমসুং নোংথক লান্মীগা মরী লৈনবা এক্স-সর্বিসমেন (ই.এস.এম.)না সিবিল এদমিনিস্ত্রেসনগী মতেং পাংলি মশানা য়ানা অমদি ওইজবা থিদনা মখোয়গী থবকশিং পাংথোক্লি।

মদুবু এক্স-সর্বিসমেন ৱেলফেয়র বিভাগ (দি.ই.এস.দব্ল্যু.), ঙাকশেল মন্ত্রালয় (এম.ও.দি.)না মতেং পাংলি। রাজ্যগী থাক্তা কেন্দ্রীয় সাইনিক বোর্দনা লৈবাক অপুনবদা রাজ্যগী থাক্তা রাজ্য সাইনিক বোর্দ ৩২ অমসুং জিলা সাইনিক বোর্দ ৪০৩গী নেৎৱর্ক অমগী থোংদা ভেতেরানশিংগা পাউ ফাউনরি।

কর্নাতক

ব্রিগেদিয়র রবি মুনিস্বামী (থবক্তগী পোৎথারবা)না কর্নাতক্তা থৌরাং অসিগীদমক মতেং পাংলি। মহাক্না বেঙ্গলুরুদা ভেতেরান বাইসাইকল রাইদর্স ৪৫ লুচিংলি মখোয়না ৱাৎসএপ গ্রুপ অমগী থোংদা শহরদা অহল ওইরবা অমদি অশোন অনাশিংদা হিদাক-লাংথক অমসুং তঙাইফদবা সপ্লাইশিং ফংহল্লি। মসিদা নত্তনা ধরৱাদ, দাবনগের, হাসন, মৈসুর অমসুং কোদগুদা এক্স-সর্বিসমেন ভোলুন্তীয়র কয়ামরুম্না চাননবা য়েন্থোকপা অমসুং লোকদাউন শিল্লাংবদা মতেং পাংলি।

আন্ধ্র প্রদেশ

চাউরাক্না এক্স-সর্বিসমেন ভোলুন্তীয়র ৩০০ লোম্না আন্ধ্র প্রদেশতা পুলিসকী মতেং পাংলি। মঙ্গলগিরীদা নোংচুপ গোদাবরী দিস্ত্রিক্ত এসোসিএসন অমসুং ২৮ এয়র দিফেন্স রেজিমেন্ত ই.এস.এম. ওর্গনাইজেসন্না লাইরবশিংদা চাননবা অমদি তঙাইফদবা পোৎলমশিং য়েন্থোক্লি।

উত্তর প্রদেশ

বিগ্রেদিয়র রবি (থবক্তগী পোৎথারবা)গী মতুং ইন্না উত্তর প্রদেশকী জিলা ৭৫দা জিলা সাইনিক বোর্দনা ভেতেরান এক্স সর্বিসমেনশিংগী মতেং পাংবগা লোইননা রেসন য়েন্থোকপা, কম্যুনিতী সর্বিলেন্স অমসুং মথৌ তাবশিংগী কম্যুনিতী কিচনগী য়েংশিনবগী থবক্তা এক্স-সর্বিসমেন্গী তীম অমগা লোইননা মতেং পাংলি।

পঞ্জাব

পঞ্জাবকী রাজ্য সৈনিক বোর্দকী দাইরেক্তর, ব্রিগেদিয়র সতিন্দর সিংহ (থবক্তগী পোৎথারবা)না খঙহল্লি মদুদি মখোয়না এক্স-সর্বিসমেন ৪,২০০ গার্জিয়ন ওফ গোভর্নেন্স ওইনা হাপ্লে মখোয় পঞ্জাবকী খুঙ্গং খুদিংমক্তা দেতা খোমজিনবা অমসুং কম্যুনিতী সর্ভিলেন্সকীদমক্তা লৈরি।

ছত্তিসগর

ছত্তিসগরদা থবক অসিবু মতেং পাংলিবা এয়র কোমোদোর এ. এন. কুল্কর্নী, ভি.এস.এম. (থবক্তগী পোৎথারবা)না খঙহল্লি মদুদি বিলাসপুর, জাঞ্জগীর অমসুং কোরবাদা এক্স-সর্বিসমেন খরা পুলিসকী মতেং পাংলি।

অৱাং-নোংপোক

ব্রিগেদিয়র নারায়ন দত্ত জোশী, এ.এস.এম. (থবক্তগী পোৎথারবা)না এক্স-সর্বিসমেন ৩০০গা লোইননা অসমগী জিলা ১৯দা মতেং পাংনবগীদমক শেম শারে। শিলোংদা কর্নেল গৌতম কুমার রায় (থবক্তগী পোৎথারবা)না ভোলুন্তীয়র ৭৯গা লোইননা সিবিল এদমিনিস্ত্রেসনগী মতেং পাংনবগীদমক শেম শারে। ত্রিপুরাদগী ব্রিগেদিয়র জে.পি. তিৱারী (থবক্তগী পোৎথারবা)না হায় মদুদি এক্স-সর্বিসমেন ভোলুন্তীয়রশিংগী লিস্ত দিস্ত্রিক্ত এদমিনিস্ত্রেসন্দা পীশিনখ্রে অমসুং মখোয় শিন্নরকপা থবক অমা হেক্তা তৌননবা শেম শারে।

ঝারখন্দ, হরিয়ানা অমসুং উত্তরাখন্দ

মতৌ অসুম্না ঝারখন্দদগী ব্রিগেদিয়র পাথক (থবক্তগী পোৎথারবা), হরিয়ানাদগী কর্নেল রাহুল য়াদব (থবক্তগী পোৎথারবা) অমসুং উত্তরাখন্দদগী ব্রিগেদিয়র কে.বি. চন্দ (থবক্তগী পোৎথারবা)না মাগী মাগী রাজ্যদা অসিগুম্না পাংথোক্লি। অসিগুম্বা মতম অসিদা লৈবাক অপুনবা লোকদাউনগী মনুংদা লৈরিঙৈ অসিদা, খোং লান্মী, ঈশিং লান্মী অমসুং নোংথক লান্মীগী থবক্তগী পোৎথারবা শিন্মীশিংগা লোইননা এক্স-সর্বিসমেন এসোসিয়েসনগী ভোলুন্তীয়রশিংনা তৌরিবা কম্যুনিতী সর্বিসশিং অসি থাগৎনীংঙাইনি।