ত্রাইবেল এফিয়র্সকী কেন্দ্র মন্ত্রী শ্রী অর্জুন মুন্দানা স্তেৎ নেদেল এজেন্সীশিংবু মিনিমম সপোর্ত প্রাইস (এম.এস.পি.)দা মাইনর ফোরেস্ত প্রদ্যুস (এম.এফ.পি.) লৈননবা পাউতাক পীনবা রাজ্য ১৫গী মুখ্যমন্ত্রীশিংদা চিথী ইদুনা হায়খ্রে। রাজ্যশিং অসিদা উত্তর প্রদেশ, গুজরাত, মধ্য প্রদেশ, কর্নাতকা, মহারাস্ত্রা, অসম, আন্ধ্র প্রদেশ, কেরলা, মনিপুর, নগালেন্দ, ৱেস্ত বেঙ্গোল, রাজস্থান, ওরিশা, ছতিসগর অমসুং ঝারখন্দ য়াওরি।

চিথী অদুদা মহাক্না হায়খি মদুদি কোবিদ-১৯ লাইচৎনা মরম ওইদুনা ওইরক্লিবা হৌজিক্কী ফিভম অসিনা লৈবাক অসিদা মমাংদা অমুক্তা ওইখিদ্রিবা শিংনবা অমা পীররে। ভারত্তা লৈরিবা রাজ্যশিং অমসুং য়ুনিয়ন তেরিতোরীশিং অয়াম্বা মসিনা তোঙান তোঙানবা দিগ্রীশিংদা এফেক্ত তৌরি। অসিগুম্বা ফিভম অসিদা ত্রাইবেল কম্ম্যুনিতীশিং য়াওনা লাইরবা অমসুং শোত্থরবা মীওইশিংগী ফিভম য়াম্না শোক্লি। মাইনর ফোরেস্ত প্রদ্যুস (এম.এফ.পি.)/নন তিম্বর ফোরেস্ত প্রদ্যুস (এন.তি.এফ.পি.)গী খোমজিনবা অমসুং লোকপগী মতম ওইবনা মরম ওইদুনা তোঙান তোঙানবা মফমশিংদা ত্রাইবেল কম্ম্যুনিতীগী য়াইফনবা অমদি এম.এফ.পি./এন.তি.এফ.পি.দা য়ুম্ফম ওইবা মখোয়গী ইকোনোমীগী ফগৎহন্নবগীদমক মখোয়দা সেফতী অমসুং লাইবলিহুদ ফংহন্নবা মতিকচাবা খোংথাং লৌখৎপা তাই।

শ্রী মুন্দানা হায়খি মদুদি অর্বান এরিয়াদগী হৌরগা ত্রাইবেল তাবা মফমশিংদা মিদলমেনগী মুবমেন্ত হন্থহনবা অমদি ত্রাইবেল কম্ম্যুনিতীগী মরক্তা কোরোনা ভাইরস শন্দোরকপগী থৌদোক অমা হেক্তা চেক তৌনবগীদমক্তা অসুম্না তৌবা য়াম্না মথৌ তাই। হায়রিবা স্কিম অমসুং অহেনবা ফন্দশিংগী মখাদা রাজ্যশিং অসিনা ফন্দশিং ফংলি, করিগুম্বা মথৌ তারগদি ত্রাইবেল এফিয়র্স মন্ত্রালয়না অহেনবা শেনফম ফংহনগনি। রাজ্যশিং অসিদা থবক হেন্দল তৌরিবা জিলা থাক্কী নোদেল ওফিসর পুম্নমক্কী পার্তিকুলরশিং মন্ত্রালয়গা লোয়ননা শেয়র তৌবা য়াই। মখা তাবা তেংবাংগীদমক ত্রাইবেল কোওপরেতিব মার্কেতিং ফেদরেসন ওফ ইন্দিয়া (ত্রাইফেদ)কী মেনেজিং দাইরেক্তরগা পাউ ফাওনবা য়াগনি।

মহাক্না হায়খি মদুদি ত্রাইবেল এফিয়র্সকী মন্ত্রালয়না বন ধন সেল্ফ হেল্প গ্রুপশিংগী থোংদা ত্রাইবেল কম্ম্যুনিতীশিংগী মরক্তা সোসিয়েল দিস্তেন্সিংদা এৱার্নেস ফংহনবগী মতাংদসু খন্নরি।

প্রধান মন্ত্রী বন ধন য়োজনা (পি.এম.ভি.দি.ৱাই.) ইম্প্লিমেন্ত তৌবা, সস্তেনেবল লাইবলিহুদকী ক্রিয়েসন অমসুং ত্রাইবেল ইন্তর্প্রাইজশিং প্রমোৎ তৌবগী স্কিমনা রাজ্যশিংগী মরক্তা মোমেন্তম ফংলি। রাজ্য ২৭ অমসুং য়ুনিয়ন তেরিতোরী ১দা বন ধন বিকাস কেন্দ্র (ভি.দি.ভি.কে.) ১২০৫ সেঙ্কসন তৌরে মদুদা ত্রাইবেল লাখ ৩.৬০ লৈদুনা মখোয়বু ইন্তর্প্রাইজগী লম্বীদা থম্লি।