দি.ও.পি.তি.না অসিগুম্বা মখলগী অহানবা আই.জি.ও.তি.-ই. লর্নিং প্লেৎফোর্মগা লোইননা অহানবা পরেংগী লাল্লোইশিংবু মপাঙ্গল কলহনগদৌরি

ভারত সরকারগী মখাদা লৈবা পার্সোনেল অমসুং ত্রেনিং বিভাগনা, হেল্থকেয়র পুম্নমক অমসুং কোবিদ-১৯গী মমাংথংবা পরেংদা লৈরিবা লাল্লোইশিং ত্রেনিং পীনবগীদমক দিজিতেল প্লেৎফোর্ম হৌদোকখ্রে

পার্সোনেল অমসুং ত্রেনিং বিভাগনা মমাং থংবা পরেংদা লৈরিবা ৱার্কর পুম্নমক্কীদমক্তা কোবিদ-১৯গা মায়োক্ননবা লর্নিং প্লেৎফোর্ম (https://igot.gov.in) অমা লোঞ্চ তৌননবা লাওথোকখ্রে মসিদগী লাইচৎ অসিবু থেংনবদা ত্রেনিং অমসুং অপদেৎশিংগা লোইননা মখোয়বু শেম শাবা ঙমহল্লগনি।

পান্দম থম্লিবা কাংলুপশিংগী মনুংদা দোক্তরশিং, নর্স, পেরামেদিক্স, হাইজিন ৱার্করশিং, তেক্নিসিয়নশিং, ওগজিলিয়রী নর্সিং মিদৱাইব (এ.এন.এম.)শিং, কেন্দ্র অমসুং রাজ্য সরকারগী ওফিসরশিং, সিবিল দিফেন্স ওফিসিয়েলশিং, পুলিস ওর্গনাইজেসনশিং, নেস্নেল কেদেৎ কোর্প্স (এন.সি.সি), নেহরু য়ুবা কেন্দ্র সঙ্গথন (এ.এস.কে.এস.), নেস্নেল সর্বিস স্কিম (এন.এস.এস.), ইন্দিয়ন রেদ ক্রোস সোসাইতী (আই.আর.সি.এস.), ভারত স্কাউৎস অমসুং গাইদ (বি.এস.জি.)শিং অমসুং অতৈ ভোলুনতীয়রশিং য়াওরি।

প্লেৎফোর্ম অসিনা লর্নর খুদিংমক্তা মখোয়গী থবক তৌফম নত্ত্রগা য়ুমদা অমসুং মখোয়গী অপাম্বা দিভাইস অমা হেক্তদা ক্যুরেতেদ, রোল স্পিসিফিক কন্তেন্ত ফংহল্লি। আই.জি.ও.তি. প্লেৎফোর্মগী দিজাইন অসি মী মশিংগী মতুং ইন্না তৌখিবনি অমসুং মসি লাক্কদৌরিবা চয়োল খরা অসিদা চাউরাক্না শিন্মী অমসুং ভোলুন্তীয়র করোর ১.৫০দা ত্রেনিং ফংহনগনি।

মসিগী অখন্নবা মশক অসিনা অপুনবা মিৎয়েং অদুগা লোইননা, কোবিদ-১৯গী লাল্লোইশিংবু অশেংবা মতমদা অপদেৎ লৈহন্দুনা ৱন-স্তেপ সোর্সতগী মরু ওইরিবা মফম অদুগী মরমদা তম্বা ঙমগনি অমসুং লৈরিবা ফিভম অদুদা রেস্পোন্দ তৌবসু ঙমগনি। প্লেৎফোর্ম অসি মফম অমা হেক্তদা, মতম অমা হেক্তদা তম্বগী ঙমখৈ লৈতবা দিমান্দশিং অদু মপুং ফাহনবা ঙম্মি। প্লেৎফোর্ম অসি দেস্কতোপ অমসুং মোবাইল ভর্জনশিংগীদমক অরাইবা য়ুজ মেনুএলগী মতৌ তমদুনা এক্সেস তৌবা য়াই মসিনা মরম ওইদুনা মসি পুম্নমক্না শিজিন্নবা ঙমহল্লি।

প্লেৎফোর্ম অসিনা ইকাই খুম্নরবা প্রধান মন্ত্রী শ্রী নরেন্দ্র মোদীগী ‘লৈবাক্কী সেবা তৌরিবা, মখোয় পুম্নমক্কী খনবীয়ু’ হায়বা মিৎয়েং অদু উৎথোক্লি অমসুং মখোয়গী থৌনা হাপ্লি। কোবিদ-১৯গী মমাং থংবা পরেংদা লৈরিবা হকশেলগী লান্মী পুম্নমক্কী মরু ওইবা খুৎলাই অমা ওইনা, মখোয়গী অপদেৎ ওইরবা লৌশিং অমসুং তৌবা ঙম্বশিং অদুগী মতেং পাংগনি লোইননা ঐখোয়গী লৈবাক অসি কোবিদ-১৯ লাইচৎ মাইথিবা পীবদা মাই পাকহনগনি।

মথৌ তাবা পুম্নমকশিং অসিগী মনুং চন্না আই.জি.ও.তি.গী ভর্জন অমা মখাদা পীরিবা য়ু.আর.এল. লিঙ্ক (https://igot.gov.in) অসিদা লোঞ্চ লৌরে। প্লেৎফোর্ম অসিগী অহানবা ভর্জন গুগল ক্রোম অমসুং মোজিলা ফায়রফোক্সকা লোইননা শিজিন্ননবগীদমক ফংলে, অমসুং মথংগী ভর্জনশিং অতৈ ব্রাউজরশিংদসু সপোর্ত তৌরক্কনি।