ರಕ್ಷಣಾ ಸಚಿವಾಲಯ

ಡಿಆರ್‌ಡಿಒ ದಿಂದ ಸೀಮ್ ಸೀಲಿಂಗ್ ಜೈವಿಕ ಸೂಟ್ ಅಭಿವೃದ್ಧಿ

Posted On: 02 APR 2020 6:47PM by PIB Bengaluru

COVID-19 ವಿರುದ್ಧ ಹೋರಾಡುವ ಆರೋಗ್ಯ ಸಿಬ್ಬಂದಿಯ ಸುರಕ್ಷತೆಗೆ

ಡಿಆರ್ಡಿಒ ದಿಂದ ಸೀಮ್ ಸೀಲಿಂಗ್ ಜೈವಿಕ ಸೂಟ್ ಅಭಿವೃದ್ಧಿ

 

COVID-19 ವಿರುದ್ಧ ಹೋರಾಡುತ್ತಿರುವ ವೈದ್ಯಕೀಯ, ಅರೆವೈದ್ಯಕೀಯ ಮತ್ತು ಇತರ ಸಿಬ್ಬಂದಿಯನ್ನು ಮಾರಕ ವೈರಸ್ನಿಂದ ಸುರಕ್ಷಿತವಾಗಿರಿಸಲು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ) ಜೈವಿಕ ಸೂಟ್ ಅನ್ನು ಅಭಿವೃದ್ಧಿಪಡಿಸಿದೆ. ವಿವಿಧ ಡಿಆರ್ಡಿಒ ಪ್ರಯೋಗಾಲಯಗಳ ವಿಜ್ಞಾನಿಗಳು ಜವಳಿ, ಲೇಪನ ಮತ್ತು ನ್ಯಾನೊತಂತ್ರಜ್ಞಾನದಲ್ಲಿನ ತಮ್ಮ ತಾಂತ್ರಿಕ ಜ್ಞಾನ ಮತ್ತು ಪರಿಣತಿಯನ್ನು ಅನ್ವಯಿಸಿ, ನಿರ್ದಿಷ್ಟ ರೀತಿಯ ಬಟ್ಟೆಗೆ ಲೇಪನ ಹೊಂದಿರುವ ವೈಯಕ್ತಿಕ ರಕ್ಷಣಾ ಸಾಧನವನ್ನು (ಪಿಪಿಇ) ಅಭಿವೃದ್ಧಿಪಡಿಸಿದ್ದಾರೆ.

ಜವಳಿ ಉದ್ಯಮದ ಸಹಾಯದಿಂದ ಸೂಟ್ ತಯಾರಿಸಲಾಗಿದ್ದು, ಸಂಶ್ಲೇಷಿತ ರಕ್ತದ ವಿರುದ್ಧದ ರಕ್ಷಣೆ ಹಾಗೂ ಜವಳಿ ಮಾನದಂಡಗಳ ಕಠಿಣ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಸಂಶ್ಲೇಷಿತ ರಕ್ತದ ವಿರುದ್ಧದ ರಕ್ಷಣೆಗೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು (MoHFW) ದೇಹದ ಸೂಟ್ಗಳಿಗೆ ವ್ಯಾಖ್ಯಾನಿಸಿರುವ ಮಾನದಂಡಗಳನ್ನು ಇದು ಮೀರಿದೆ.

ಸೂಟ್ಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಉತ್ಪಾದಿಸಲು ಡಿಆರ್ಡಿಒ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದೆ ಮತ್ತು COVID-19 ಅನ್ನು ಎದುರಿಸಲು ಮುಂಚೂಣಿಯಲ್ಲಿರುವ ವೈದ್ಯರು, ಅರೆವೈದ್ಯಕೀಯ ಮತ್ತು ಇತರ ಸಿಬ್ಬಂದಿಗೆ ಸುಭದ್ರವಾದ ರಕ್ಷಣೆಯನ್ನು ನೀಡುತ್ತದೆ.

ಉದ್ಯಮವು ಬೃಹತ್ ಪ್ರಮಾಣದಲ್ಲಿ ಸೂಟ್ ಉತ್ಪಾದನೆಗೆ ಸಜ್ಜಾಗಿದೆ. ಮೆಸರ್ಸ್ ಕುಸುಮ್ಗರ್ ಇಂಡಸ್ಟ್ರೀಸ್ ಕಚ್ಚಾ ವಸ್ತು ಹಾಗೂ ಲೇಪನ ವಸ್ತುವನ್ನು ಉತ್ಪಾದಿಸುತ್ತಿದ್ದು, ಸಂಪೂರ್ಣ ಸೂಟನ್ನು ಮತ್ತೊಬ್ಬ ಉತ್ಪಾದಕರ ಸಹಾಯದಿಂದ ತಯಾರಿಸಲಾಗುತ್ತಿದೆ. ಪ್ರಸ್ತುತ ಉತ್ಪಾದನಾ ಸಾಮರ್ಥ್ಯ ದಿನಕ್ಕೆ 7,000 ಸೂಟ್ಗಳು.

ಜವಳಿ ತಂತ್ರಜ್ಞಾನದಲ್ಲಿ ಅನುಭವವಿರುವ ಮತ್ತೊಬ್ಬ ಉತ್ಪಾದಕರನ್ನು ಕರೆತರಲಾಗುತ್ತಿದ್ದು, ದಿನಕ್ಕೆ 15,000 ಸೂಟ್ಗಳಿಗೆ ಸಾಮರ್ಥ್ಯವನ್ನು ಹೆಚ್ಚಿಸಲು ಪ್ರಯತ್ನಗಳು ನಡೆಯುತ್ತಿವೆ.

ಸೀಮ್ ಸೀಲಿಂಗ್ ಟೇಪ್ಗಳ ಅಲಭ್ಯತೆಯಿಂದಾಗಿ ದೇಶದಲ್ಲಿ ಡಿಆರ್ಡಿಒ ಉದ್ಯಮದ ಪಾಲುದಾರರು ಮತ್ತು ಇತರ ಕೈಗಾರಿಕೆಗಳಿಂದ ಜೈವಿಕ  ಸೂಟ್ ಉತ್ಪಾದನೆಗೆ ಅಡ್ಡಿಯಾಗುತ್ತಿದೆ.

ಜಲಾಂತರ್ಗಾಮಿಗಳಿಗೆ ಬಳಸುವ ಸೀಲಾಂಟ್ ಆಧರಿಸಿ ಸೀಮ್ ಸೀಲಿಂಗ್ ಟೇಪ್ಗೆ ಪರ್ಯಾಯವಾಗಿ ಡಿಆರ್ಡಿಒ ವಿಶೇಷ ಸೀಲಾಂಟ್ ತಯಾರಿಸಿದೆ. ಪ್ರಸ್ತುತ, ಉದ್ಯಮದ ಪಾಲುದಾರರಿಂದ ಸೀಮ್ ಸೀಲಿಂಗ್ ಗಾಗಿ ಅಂಟು ಬಳಸಿ ತಯಾರಿಸಿದ ಬಯೋ ಸೂಟ್ಗಳು ಕೊಯಮತ್ತೂರಿನ ದಕ್ಷಿಣ ಭಾರತ ಜವಳಿ ಸಂಶೋಧನಾ ಸಂಘದಲ್ಲಿ (SITRA) ಪರೀಕ್ಷೆಗೊಳಪಟ್ಟಿವೆ.  ಜವಳಿ ಉದ್ಯಮಕ್ಕೆ ಇದೊಂದು ಪ್ರಮುಖ ತಿರುವಾಗಬಹುದು. ಸೂಟ್ ತಯಾರಕರ ಸೀಮ್ ಸೀಲಿಂಗ್ ಚಟುವಟಿಕೆಯನ್ನು ಬೆಂಬಲಿಸಲು ಡಿಆರ್ಡಿಒ ಅಂಟನ್ನು ಬೃಹತ್ ಪ್ರಮಾಣದಲ್ಲಿ ಉತ್ಪಾದಿಸಬಹುದು.

ರಾಸಾಯನಿಕ, ಜೈವಿಕ, ವಿಕಿರಣ ಮತ್ತು ಪರಮಾಣು (CBRN) ಘಟಕಗಳ ವಿರುದ್ಧ ರಕ್ಷಣೆಗಾಗಿ ಡಿಆರ್ಡಿಒ ಹಲವಾರು ಉತ್ಪನ್ನಗಳು ಮತ್ತು ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸಿದೆ. ಡಿಆರ್ಡಿಒದ ಗ್ವಾಲಿಯರ್ ಪ್ರಯೋಗಾಲಯ ಡಿಫೆನ್ಸ್ ರಿಸರ್ಚ್ ಅಂಡ್ ಡೆವಲಪ್ಮೆಂಟ್ ಎಸ್ಟಾಬ್ಲಿಷ್ಮೆಂಟ್ (ಡಿಆರ್ಡಿಇ) ರಾಸಾಯನಿಕ, ಜೈವಿಕ, ವಿಕಿರಣ ಮತ್ತು ಪರಮಾಣು ನಿರೋಧಕ ಸೂಟ್ Mk.V ಸೂಟ್ ಅಭಿವೃದ್ಧಿಪಡಿಸಿದ್ದು, ಸೇನೆ ಮತ್ತು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್ಡಿಆರ್ಎಫ್) ಗೆ ಐವತ್ಮೂರು ಸಾವಿರ ಸೂಟ್ಗಳನ್ನು ಸರಬರಾಜು ಮಾಡಲಾಗಿದೆ.

ವಿಕಿರಣd ತುರ್ತು ಪರಿಸ್ಥಿತಿಗಳಿಗೆ ಮೊದಲ ಪ್ರತಿಕ್ರಿಯೆ ನೀಡುವವರಿಗೆ, ಮರುಬಳಕೆ ಮಾಡಬಹುದಾದ ಸೂಟ್ ಅನ್ನು ದೆಹಲಿಯ ಇನ್ಸ್ಟಿಟ್ಯೂಟ್ ಆಫ್ ನ್ಯೂಕ್ಲಿಯರ್ ಮೆಡಿಸಿನ್ & ಅಲೈಡ್ ಸೈನ್ಸಸ್ (INMAS) ಅಭಿವೃದ್ಧಿಪಡಿಸಿದೆ.

ಆಗ್ರಾದ ವೈಮಾನಿಕ ವಿತರಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ADRDE) ಸುರಕ್ಷಾ ತಾಂತ್ರಿಕ ಬಟ್ಟೆಗಳೊಂದಿಗೆ ವಿವಿಧ ರೀತಿಯ ಪ್ಯಾರಾಚೂಟ್ ಗಳನ್ನು ಅಭಿವೃದ್ಧಿಪಡಿಸಿದೆ.

 

https://ci5.googleusercontent.com/proxy/ddGRooKkIVtX5f_C6XeVtqISQvfyNsPEYuSn5qUmy07_ymLB-EerYZkP7SoYYWIt_edLCgVK3HakvKVa2UZiQ-fJWEP6gXtlFoCZ3-KjsknRzTHZ=s0-d-e1-ft#https://static.pib.gov.in/WriteReadData/userfiles/image/PIC1BTUO.jpeg



(Release ID: 1610540) Visitor Counter : 224