ব্যক্তি, ৰাজহুৱা অভিযোগ আৰু পেঞ্চন মন্ত্ৰালয়

ক’ভিড-১৯ক লৈ ৰাইজৰ প্ৰশ্ন, অভাৱ-অভিযোগ সন্দৰ্ভত ডিএআৰপিজিৰ ৰাষ্ট্ৰীয় নিৰীক্ষণ ডেশ্বব’ৰ্ড মুকলি ড০ জিতেন্দ্ৰ সিঙৰ

Posted On: 01 APR 2020 2:11PM by PIB Guwahati

ব্যক্তিগত, ৰাজহুৱা অভাৱ-অভিযোগ আৰু পেঞ্চন বিভাগৰ কেন্দ্ৰীয় ৰাজ্যিক মন্ত্ৰী ড০ জিতেন্দ্ৰ সিঙে আজি ক’ভিড-১৯ক লৈ ৰাইজৰ প্ৰশ্ন, অভাৱ-অভিযোগ সন্দৰ্ভত ডিএআৰপিজিৰ ৰাষ্ট্ৰীয় নিৰীক্ষণ ডেশ্বব’ৰ্ড মুকলি কৰে৷ ৰাষ্ট্ৰীয় নিৰীক্ষণ ডেশ্বব’ৰ্ড বিকশিত আৰু ৰূপায়িত হৈছিল https://darpg.gov.in ৱেবছাইটত, য’ত সকলো ৰাজ্য-কেন্দ্ৰীয় শাসিত অঞ্চলৰ পৰা ক’ভিড-১৯ সম্পৰ্কীয় প্ৰশ্ন আৰু অভাৱ-অভিযোগসমূহ চিপিজিআৰএএমএছত গ্ৰহণ কৰা হয়৷ ডিএআৰপিজিৰ এটি কাৰিকৰী দলে অগ্ৰাধিকাৰ ভিত্তিত এয়া নিৰীক্ষণ কৰিব৷

অনুষ্ঠানত ড০ জিতেন্দ্ৰ সিঙে কয় যে ক’ভিড-১৯ৰ প্ৰশ্ন আৰু অভাৱ-অভিযোগসমূহ অতি কমেও ৩দিনৰ ভিতৰত নিষ্পত্তি কৰাৰ বাবে এয়া হ’ল মোদী চৰকাৰৰ প্ৰয়াস৷ মন্ত্ৰীগৰাকীয়ে লগতে উল্লেখ কৰে যে তেওঁ প্ৰথম দিনা ব্যক্তিগতভাৱে কেন্দ্ৰীয় চৰকাৰৰ ২৬২টা আৰু ৰাজ্য চৰকাৰৰ ৮৩টা অভাৱ-অভিযোগ পৰ্যবেক্ষণ কৰিছে৷

মুকলিৰ প্ৰথমদিনা ৰাষ্ট্ৰীয় নিৰীক্ষণ ডেশ্বব’ৰ্ডে স্বাস্থ্য আৰু পৰিয়াল কল্যাণ মন্ত্ৰালয়ৰ পৰা ৪৩টা, বৈদেশিক পৰিক্ৰমা মন্ত্ৰালয়ৰ পৰা ৩১টা আৰু বিত্ত মন্ত্ৰালয়ৰ পৰা ২৬টা অভাৱ-অভিযোগ লাভ কৰিছে৷ প’ৰ্টেলটো চৰকাৰৰ জেষ্ঠ পৰ্যায়ত দৈনিক ভিত্তিত আপডেট আৰু নিৰীক্ষণ কৰা হ’ব৷

ড০ জিতেন্দ্ৰ সিঙে ডিএআৰপিজিৰ সচিব আৰু বিষয়-ববীয়াৰ দলটোৰ শলাগ লৈ কয় যে মাত্ৰ ২দিনৰ ভিতৰত ৰাষ্ট্ৰীয় ক’ভিড-১৯ নিৰীক্ষণ ডেশ্বব’ৰ্ড কাৰ্যকৰী কৰিব পৰাটো বিভাগৰ বাবে এটি  প্ৰশংসনীয় কাম৷ ইয়াৰ সহায়ত ইতিমধ্যে ৬২ নাগৰিকৰ অভাৱ-অভিযোগ পূৰণ কৰা হৈছে৷

 

****

VG/SNC/MS


(Release ID: 1610009) Visitor Counter : 184


Read this release in: English , Marathi , Hindi , Bengali , Punjabi , Gujarati , Odia , Tamil , Telugu , Kannada , Malayalam