కరోనా వైరస్ తో జరుగుతున్న పోరాటంలో దేశవ్యాప్తంగా పేదలకు తగు ఊతం ఇవ్వడానికి రూ. 1.70 లక్షల కోట్ల సహాయ ప్యాకేజీని ఆర్థిక మంత్రి శ్రీమతి నిర్మల సీతారామన్ ప్రకటించారు. ప్రధానమంత్రి గరీబ్ కళ్యాణ్ యోజన అనే పేరుతో ఈ పథకాన్నితక్షణమే అమలు చేయనున్నట్టు ఈ రోజు విలేకరుల సమావేశంలో వెల్లడించారు. ‘ఈ రోజు ప్రకటించిన ఈ చర్యలు నిరుపేదలకు ఆహరం, నగదు చేతిలో అందుబాటులో ఉండేలా చేస్తున్నాం. ప్రస్తుత కష్టకాలంలో అత్యవసర సరుకులు పేదలకు అందాలి అనే ఉద్దేశంతో ఈ చర్యలు చేపట్టాం" అని ఆర్ధిక మంత్రి చెప్పారు.

 ఈ సమావేశంలో ఆర్థిక శాఖ సహాయ మంత్రి శ్రీ అనురాగ్ సింగ్ ఠాకూర్ తో పాటు ఆర్ధిక వ్యవహారాల కార్యదర్శి శ్రీ అతాను చక్రబోర్తి, ఆర్ధిక సేవల కార్యదర్శి శ్రీ దేబశీష్ పాండా కూడా పాల్గొన్నారు. ప్రధానమంత్రి గరీబ్ కళ్యాణ్ ప్యాకేజ్ అంశాలు ఈ కింద విధంగా ఉన్నాయి.

ప్రధానమంత్రి గరీబ్ కళ్యాణ్ ప్యాకేజ్

I.  ప్రభుత్వ ఆస్పత్రులు, ఆరోగ్య కేంద్రాల్లో కోవిడ్-19 పై పోరాటం చేస్తున్న ఆరోగ్య కార్యకర్తలకు బీమా పథకం:

·        సఫాయి కర్మచారిలు, వార్డ్ బాయ్స్, నర్సులు, ఆశా వర్కర్లు, పారామెడిక్స్, టెక్నిషియన్లు, వైద్యులు, స్పెషలిస్టులు, ఇతర ఆరోగ్య సహాయకులు ఈ ప్రత్యేక బీమా పథకం కిందకు వస్తారు.

·        కోవిడ్-19 వ్యాధిగ్రస్తులకు చికిత్స అందించడంలో నిమగ్నమై ఉన్న వైద్య, ఆరోగ్య రంగానికి చెందిన వారు ఎవరికైనా ప్రమాదం జరిగితే వారికి కూడా ఈ బీమా వర్తిస్తుంది. 

·        కేంద్రం, రాష్ట్రం పరిథిలో ఉన్న ఆరోగ్య కేంద్రాలు, వెల్నెస్ సెంటర్స్, ఆస్పత్రులు కూడా ఈ బీమా కిందకు వస్తాయి. సుమారు 22 లక్షల మంది ఆరోగ్య కార్యకర్తలకు బీమా వర్తిస్తుంది

II. పీఎం గరీబ్ కళ్యాణ్ అన్న యోజన :

·        ఈ మూడు నెలల అంతరాయం వల్ల ఏ పేద కుటుంబం ఆహరం ధాన్యాలు అందక  ఆకలితో అలమటించరాదన్నది కేంద్ర ప్రభుత్వ సంకల్పం

·        80 కోట్ల మంది వ్యక్తులు, అంటే దేశ జనాభా లో సుమారు మూడింట రెండొంతులు మంది  ఈ పథకం కిందకు వస్తారు

·        ఈ లబ్ధిదారుల్లో ప్రతి ఒక్కరికి వచ్చే మూడు నెలల్లో వారి ప్రస్తుత అర్హత కంటే రెట్టింపు ఇవ్వబడుతుంది.

·        ఈ అదనపు లబ్ది ఉచితంగానే వారికి అందుతుంది

పప్పు ధాన్యాలు:

·        పైన పేర్కొన్న వ్యక్తులందరికీ తగినంత ప్రోటీన్ లభ్యత ఉండేలా, ప్రతి కుటుంబానికి ఒక కిలో చొప్పున, వచ్చే మూడు నెలల పాటు స్థానిక ప్రాధాన్యతల ప్రకారం పప్పుధాన్యాలు అందించబడతాయి.

·        ఈ పప్పు ధాన్యాలు కేంద్ర ప్రభుత్వం ఉచితంగా అందిస్తుంది

III. ప్రధానమంత్రి గరీబ్ కళ్యాణ్ యోజన కింద...

రైతులకు లబ్ది:

·        2020-21లో చెల్లించాల్సిన మొదటి విడత రూ .2,000 ముందుగానే 2020 ఏప్రిల్‌లోనే చెల్లించబడుతుంది

·        ఇది 8.7 కోట్ల మంది రైతులకు వర్తిస్తుంది

IV. పీఎం గరీబ్ కళ్యాణ్ యోజన కింద నగదు బదిలీ:

పేదలకు సహాయం:

మొత్తం 20.40 కోట్ల పీఎం జనధన్ యోజన మహిళా ఖాతాదారులకు నెలకు రూ.500 చొప్పున మూడు నెలల పాటు ఆర్ధిక సహాయం అందుతుంది

గ్యాస్ సిలెండర్లు:

పీఎం గరీబ్ కళ్యాణ్ యోజన కింద గ్యాస్ సిలెండర్ల ఉచితంగా మూడు నెలలపాటు అందజేస్తారు. దీని వల్ల 8 కోట్ల కుటుంబాలు లబ్ది పొందుతాయి

వ్యవస్థీకృత రంగాలలో తక్కువ వేతనం పొందేవారికి  సహాయం:

·        100 కంటే తక్కువ మంది కార్మికులను కలిగి ఉన్న వ్యాపారాలలో నెలకు రూ .15 వేల లోపు వేతనాలు పొందే వారు. వీరి ఉపాధి కోల్పోయే ప్రమాదం ఉంటుంది.

·        ఈ ప్యాకేజీ కింద అటువంటి వారి వేతనంలో 24 శాతం వచ్చే మూడు నెలలు కేంద్ర ప్రభుత్వమే వారి పిఎఫ్ ఖాతాల్లో జమ చేస్తుంది.

·        ఈ చర్యలు వారి ఉద్యోగాలకు ఎటువంటి అంతరాయం లేకుండా చేస్తాయి  

వయోవృద్ధులు (60 ఏళ్ల పైబడ్డ వారు), ఒంటరి మహిళలు, దివ్యంగులకు సహాయం:

·        వయోవృద్ధ ఒంటరి మహిళలు, దివ్యంగులు కేటగిరికి చెందిన వారు సుమారు 3 కోట్ల మంది ఉంటారు. కోవిడ్-19 వల్ల వీరందరి ఆర్ధిక పరిస్థితి అతలాకుతలం అయ్యే అవకాశం ఉంది

·        అందువల్ల ఈ కష్టకాలంలో వారికి అండగా ఉండడానికి రూ.1,000 ఆర్ధిక సహాయం ప్రభుత్వం అందజేస్తుంది

ఎంఎన్ఆర్జిఏ :

·        పీఎం గరీబీ కళ్యాణ్ యోజన కింద ఎంఎన్ఆర్జిఏ వేతనం రూ.20 పెంపు. 2020 ఏప్రిల్ ఒకటో తేదీన ఇది అమలులోకి వస్తుంది.  ఎంఎన్ఆర్జిఏ పథకం కింద పని వారికి అదనంగా ఏటా రూ.2,000 లబ్ది చేకూరుతుంది.

·        ఇది 13.62 కోట్ల కుటుంబాలకు లబ్ది చేకూరుస్తుంది

V. స్వయం సహాయక గ్రూపులు:

·        మొత్తం 63 లక్షల స్వయం సహాయక గ్రూపులు (ఎస్.హెచ్.జి) 6.85 కోట్ల మంది మహిళకు సహాయకారిగా ఉంటున్నాయి.

·        పూచికత్తు లేకుండా వీరందరికి రుణ సదుపాయ పరిమితి రూ.10 లక్షల నుండి రూ.20 లక్షలకు పెంపు

VI. పీఎం గరీబ్ కళ్యాణ్ ప్యాకేజీ ఇతర అంశాలు:

సంఘటిత రంగం:

·        పీఎఫ్ ఖాతాల నుండి 75 శాతం మొత్తాన్ని లేదా మూడు నెలల వేతనాలను ఏది తక్కువైతే అంత, 'తిరిగి వెనుకకు చెల్లించనవసరం లేకుండా' ఖాతాదారులు అడ్వాన్స్‌ తీసుకోడానికి అనుమతిస్తారు.  మహమ్మారి వ్యాధులకు కూడా ఇది వర్తిస్తుంది అని నిబంధనలను సవరిస్తారు.

·        ఈపీఎఫ్ కింద నమోదై ఉన్న 4 కోట్ల కుటుంబాలు ఈ సౌకర్యాన్ని వినియోగించుకోవచ్చు

భవనాలు, ఇతర నిర్మాణ రంగ కార్మికుల సంక్షేమ నిధి:

·        కేంద్ర ప్రభుత్వ చట్టం కింద భవన, ఇతర నిర్మాణ రంగ కార్మికుల కోసం సంక్షేమ నిధి ఏర్పాటు అయి ఉంది.

·        ఈ నిధి కింద సుమారు 3.5 కోట్ల మంది కార్మికులు నమోదై ఉన్నారు

·        ఈ కార్మికులకు ఆర్ధిక అవాంతరాలనుండి కాపాడడానికి, కార్మికులకు సహాయం అందించడానికి రాష్ట్రాలు ఈ సంక్షేమ నిధిని వినియోగించవచ్చని ఆదేశాలు జారీ చేసిన కేంద్రం 

జిల్లా ఖనిజ నిధి:

·        కోవిడ్-19 మహమ్మారి వ్యాప్తిని నివారించడంతో పాటు రోగుల చికిత్సకు సంబంధించి వైద్య పరీక్షలు, స్క్రీనింగ్ మరియు ఇతర అవసరాల సౌకర్యాలను కల్పించడానికి  జిల్లా ఖనిజ నిధి (డిఎంఎఫ్) కింద లభించే నిధులను ఉపయోగించుకోవాలని రాష్ట్ర ప్రభుత్వాలకు కేంద్రం సూచించింది.

****