প্ৰধানমন্ত্ৰীৰ কাৰ্যালয়
এয়া হ’ল লিংগ সমতাৰ জয় আৰু ইয়ে সমাজত সমতাৰ পৰিৱেশ সৃষ্টি কৰিবঃ তিনি তালাক বিধেয়ক গৃহীত হোৱাত প্ৰধানমন্ত্ৰীৰ প্ৰতিক্ৰিয়া
পোষ্ট কৰা হৈছে:
30 JUL 2019 8:53PM by PIB Guwahati
সংসদৰ উভয় সদনতে মুছলিম মহিলা(বিবাহৰ অধিকাৰ সংৰক্ষণ)বিধেয়ক,২০১৯ গৃহীত হোৱাত সমৰ্থন আগবঢ়োৱাৰ বাবে প্ৰধানমন্ত্ৰী নৰেন্দ্ৰ মোদীয়ে সকলো দলৰ সাংসদক ধন্যবাদ জ্ঞাপন কৰিছে৷ তেওঁ কয় যে সাংসদসকলৰ এই সহযোগিতা ভাৰতীয় ইতিহাসত চিৰস্মৰণীয় হৈ ৰ’ব৷
টুইটাৰত তেওঁ কয়, ‘এক প্ৰাচীন আৰু মধ্যযুগীয়া পৰম্পৰা অৱশেষত ইতিহাসৰ পৃষ্ঠাৰ পৰা বিলুপ্ত হ’ল৷ সংসদে তিনি তালাক বিলুপ্ত কৰিলে আৰু মুছলিম মহিলাই ভুগি থকা এক ঐতিহাসিক ভুলৰ শুধৰণি হ’ল৷ এয়া হ’ল লিংগ সমতাৰ জয় আৰু ইয়ে সমাজত সমতাৰ পৰিৱেশ সৃষ্টি কৰিব৷ ভাৰতবৰ্ষ আজি প্ৰফুল্লিত৷’
তেওঁ পুনৰ টুইটাৰত কয়, ‘তিনি তালাকৰ নামত ভুলৰ বলি হোৱা মুছলিম মহিলাসকলৰ অসাধাৰণ সাহসক আজি প্ৰণাম জনোৱাৰ এয়া উপযুক্ত ক্ষণ৷ তিনি তালাকৰ বিলুপ্তিয়ে মহিলা সৱলীকৰণক শক্তিশালী কৰিব আৰু সমাজত মৰ্যাদা সহকাৰে জীয়াই থাকিবলৈ তেওঁলোকক সুযোগ দিব৷’
***
VRRK/AK/MS
(ৰিলিজ আই ডি : 1580986)
অতিথি কক্ষ : 98