প্ৰধানমন্ত্ৰী শ্ৰী নৰেন্দ্ৰ মোদীৰ পৌৰহিত্যত কেন্দ্ৰীয় কেবিনেটে ভাৰত আৰু কোৰিয়াৰ মাজত পৰ্যটন ক্ষেত্ৰত সহযোগিতা সৱলীকৰণৰ বাবে দুয়োখন দেশৰ মাজত সম্পন্ন হোৱা বুজাবুজিৰ চুক্তিপত্ৰত স্বাক্ষৰিত কৰাত অনুমোদন প্ৰদান কৰিছে৷ এই বুজাবুজিৰ চুক্তিপত্ৰৰ মুখ্য উদ্দেশ্যসমূহ তলত উল্লেখ কৰা ধৰণে আছে-

ক) পৰ্যটন ক্ষেত্ৰত দ্বিপাক্ষিক সহযোগিতাৰ প্ৰসাৰ কৰা৷

খ) পৰ্যটন সম্বন্ধীয় জ্ঞান আৰু তথ্যৰ আদান-প্ৰদান বৃদ্ধি কৰা৷

গ) হোটেলসমূহৰ আৰু ট্যুৰ অপাৰেটৰ সহিতে পৰ্যটন হিতাধিকাৰীসকলৰ মাজত সহযোগিতা বৃদ্ধি কৰা৷

ঘ) মানৱ সংসাধন বিকাশত সহযোগিতাৰ বাবে আদান-প্ৰদান কাৰ্যসূচী প্ৰণয়ন কৰা৷

ঙ) পৰ্যটন আৰু আতিথ্য সেৱা ক্ষেত্ৰত বিনিয়োগক উৎসাহিত কৰা৷

চ) দুয়োফালৰ পৰ্যটনক উৎসাহিত কৰাৰ বাবে ট্যুৰ অপাৰেটৰ/সংবাদ মাধ্যম/জনমত নিৰ্মাতাসকলৰ ভ্ৰমণৰ আদান-প্ৰদান৷

ছ) সংবৰ্ধন, বিপণন গন্তব্য বিকাশ আৰু ব্যৱস্থাপনাৰ ক্ষেত্ৰত অভিজ্ঞতাৰ আদান-প্ৰদান কৰা৷

জ) দুয়োখনৰ দেশত যাত্ৰা মেলা/প্ৰদৰ্শনীত অংশগ্ৰহণৰ বাবে উৎসাহিত কৰা৷

ঝ) সুৰক্ষিত, সন্মানিত আৰু বহনক্ষম পৰ্যটনক উৎসাহিত কৰা৷

পৃষ্ঠভূমিঃ-

ভাৰত আৰু কোৰিয়াৰ মাজত শক্তিশালী ৰাজনৈতিক আৰু দীৰ্ঘকালীন আৰ্থিক সম্বন্ধ আছে৷ দুয়োটা পক্ষই এতিয়া পৰ্যটনৰ ক্ষেত্ৰত সহযোগিতাক আৰু অধিক শক্তিশালী কৰাৰ বাবে বিদ্যমান সম্বন্ধক অধিক শক্তিশালী তথা বিকশিত কৰিবলৈ বিচাৰিছে৷ কোৰিয়া পূব এছিয়াত ভাৰতৰ বাবে শীৰ্ষৰ পৰ্যটক সংগ্ৰহ কৰা বজাৰসমূহৰ ভিতৰত অন্যতম এখন দেশ৷ কোৰিয়াৰ সৈতে এই বুজাবুজিৰ চুক্তিপত্ৰত স্বাক্ষৰিত কৰাৰ পিছত এই ব্যৱস্থাই বজাৰৰ পৰা ভাৰতলৈ পৰ্যটকৰ আগমন বৃদ্ধিত গুৰুত্বপূৰ্ণ সহযোগিতা প্ৰদান কৰিব৷

.

*****

NW/AKT/SH/MANN